45.


再出返去個陣,堂兄塊右面紅左,而家係到認認真真上更facebook。
 
『家蔚妹妹…妳無事嘛?』堂姐帶住歉意咁問
 
「無…無野…」
 
『阿哥!同妹妹講對唔住!如果比嘉為知道左佢一定嬲死你!』


 
無錯,我而家真係有d嬲。
 
『對唔住…』堂兄細細聲講
 
「無野...」
 
『最多下次介紹d 男男片比妳。』堂兄RR手臂再講
 
「下?男男片…即係…即係...」我已經比堂兄激到頭昏腦脹


 
『阿哥!』堂姐又一聲「啪」送堂兄左面一巴掌『夠啦!』
 
『嗚…講笑咋…阿妹…』結果堂兄兩臉都紅腫左
 
…表妹救命啊…
 
*
 
『好耐無見啊!』表妹對住堂兄堂姐講


 
『哇,樂宜,無見三年真係大個女呀!』堂姐講
 
而家我地係金鐘地鐵站,準備坐車去海洋公園,
因為堂哥我一個真係應付唔黎,所以我最後都係叫埋表妹黎幫手。
 
『樂宜妹妹,記住要食多d蛋白質食物啊。』堂兄沒頭沒腦咁講
 
『下?』表妹一面不解咁望住堂兄
 
『樂宜,唔洗理佢!』堂姐大大聲講
 
之後表妹望住我,細細聲問『堂兄岩岩係乜野意思?』
 
「我...唔知呢?」我扮傻


 
表妹妳都係唔好知好d…
 
『係喎,妳地兩個係好熟嫁?』堂姐好好奇咁問
 
『係丫…家蔚係我同學黎,係我介紹比表哥識。』表妹好自然咁問答
 
『介紹左個咁好既女仔比嘉為識,我好感激妳啊!樂宜』堂姐握住表妹雙手,好激動咁講
 
妳係我阿媽咩…堂姐…
 
『唔…唔洗客氣。』表妹有d緊張咁回應,好明顯比堂姐既舉動嚇親。
 
『等我仲以為嘉為會簡妳tim。』堂兄對住表妹講
 


『下?』表妹又一面不解咁望住堂兄
 
『女朋友呀。』堂兄RR下巴講
 
『吓?我同表哥…』表妹好大反應,之後DUP低頭『點會喎…』
 
『阿哥!你點可以係人地女朋友面前講呢D野?』堂姐抱怨
 
『無,我一直睇好佢地之嘛。』堂哥繼續講
 
『雖然…雖然係咁!但都係唔得囉!』
 
為左阻止佢地繼續嘈,我決定自己做和事佬「我無問題架…所以唔好嘈啦…」
 
堂姐雖然好嬲咁哼左一聲,但都無再嘈落去。


 
上到車,堂兄堂姐佢地坐前排,而我同表妹坐後排,
我細細問「表妹妳係屋企練左岩岩句對白幾多次?」
 
『下,邊句?』表妹問
 
「我係妳同學個句。」
 
『嘿,你理得我!』表妹笑笑口答
*
 
『四張飛唔該,阿哥更係你比錢!咪乘機走左去。』
堂姐同閃閃縮縮既堂兄講,堂兄好無奈咁行去櫃檯
 
『哦…收唔收英磅?』堂兄問個職員,攪到個職員係到「下?」唔知比乜反應好


 
『下次,我就唔係打你塊面。』堂姐係隔離細細聲講,堂兄即刻面色一白。
 
『二千蚊…』堂兄手震震咁拎左兩張金牛出黎『唔洗找…』
 
『更係要找!』堂姐即刻更正
 
一入到樂園,我地即刻就坐登山纜車,目標就係越礦飛車。
咁大個仔我都未玩過…自從睇完final destination 3之後就更加唔敢玩。
 
「樂…樂宜」係堂兄堂姐面前我叫返表妹做樂宜「妳玩過幾多次飛車?」
 
『呃…我記得上次黎都同阿kay玩左兩次。』表妹好從容咁講
 
『今日起馬要玩三次,仲有跳樓機…瘋狂過山車…哇…仲有個翻天覆天都好唔錯喎…』
堂姐越講越興奮。
 
堂姐…我仲想保住條命仔啊…
如果同佢地講話唔敢玩,我估堂姐都應該唔會怪我?
最多都係比表妹笑足幾個月姐…
 
堂兄係隔離用一個想吐既樣望住自high更既堂姐。
 
『呢d活動都係咪攪我,我係下面影下相算。』堂兄講,你想偷拍咋掛?
 
『我從來都無預你玩喎!我地三姐妹自己玩。』堂姐講
 
…即係如果唔玩就要同堂兄兩個人獨處。唉,邊條路都係死路。
 
最後我都係死死氣同堂姐表妹排越礦飛車,
上面傳黎「哇」「啊」「媽呀」既慘叫聲,攪到我有少少腳軟。
 
個路軌咁窄穩唔穩陣架?一陣飛落海點算?
 
『嘉為,唔洗驚喎,其實呢個真係唔算好刺激。』表妹係隔離安撫我
 
「真…真係?」
 
『嗯…只係成日會形住自己就黎飛出大海咁姐,其他真係無乜野。』
 
多謝哂。
 
無路可退下,我終於都坐上左個越礦車,
堂姐堅持坐頭排,拉埋表妹同佢坐,而我就坐後一個排,隔離無人。
 
等一陣個車終於開駛,然後就慢慢既爬升…
爬升完,望到隔離路軌既可怕路徑,同下面渺小既人同建築物…
 
阿媽,你不肖女…唔係…不肖仔…提前黎搵妳啦…
 
啊!
 
啊~啊啊啊啊!!!!
*