49.


『就係咁,今日我要做既就係要將你重拾返男仔既感覺。』
第二朝一起身,表妹就咁同我講。
 
「嗯…但要點做?」
 
『呃…呢個問題…首先今日你要全日著返男裝先!』
 


結果我同表妹就返我屋企 (堂兄堂姐已經出左門口),由表妹幫我選佢所謂既男裝 -
T-SHIRT男裝短褲,加件外套盡遮我既胸部,再著對波鞋...
然後幫我戴多頂帽,收埋我既長髮…最後比多副無視數眼鏡我戴…
 
我望一望塊鏡,眼前既我就好似一個日系美少年一樣…
但衣著就好明顯同我咁突出既臉蛋唔多夾,
而且大敗筆,就係外套都遮唔到,胸前微微漲起既部份。
 
『點啊…有返男仔感覺未?』表妹滿意咁望一望我
 


「我…咁樣著會唔會好怪?」
 
『表哥你男仔個陣都成日咁著嫁啦!』
 
「但我…點睇都係覺得之前順眼D…」而家點睇都硬係有種違和感…
 
『之前…即係…』表妹又用琴晚好驚訝既表情望住我
 
「…女…女…」
 


『女…?』
 
「女…女裝個陣…」我細細聲講
 
而家表妹個樣,就好似世界末日提早黎到一樣。
 
『表…表哥…我諗我地要出去買D男裝…』表妹口窒窒咁講
 
「下?點解喎…」女裝咪幾好…又順眼又好睇…
 
『仲有…今日一於去剪個髮…嗯…短髮岩你呀…表哥…』
 
「唔…唔得!」我即刻反應過黎,用手掃一掃個長髮
「剪短髮既話…唔知要留幾耐先可以留返去而家咁…」
 


『表哥…快D清醒呀!』表妹大喊
 
「醒…我而家好清醒喎…反而係表妹妳…點解會咁奇怪…啊…」
 
表妹突然撲埋黎攬住我「表…表妹?」
 
『表哥…你係男仔…』
 
「我…」表妹呢一攬,我終於醒覺有樣野好奇怪..
 
『我仲等更表哥你一個回覆…等更你用男仔身份去答我…』
 
「我…表妹…我更係男仔…」
 
唔知表妹攬左我幾耐,我只係覺得好溫暖,而且個心亦都安定落黎…


就好似強風將迷霧吹走,有人一棍打醒我呢個夢中人一樣…我終於清醒過來…
 
*
 
「點解我之前會咁…」
 
而家回想返岩岩自己既思考模式,覺得真係好危險…
 
『即係表哥你覺得岩岩個個唔係你黎?』
 
「又唔係咁…只係好自然…一切都好自然…做出既反應…黎…」我都唔知自己講更乜
 
『咁即係…個陣你男性靈魂並無出黎阻止你既言行…』
 
「我估…係類似咁…」


 
女性荷爾蒙…真係一樣好可怕既野…
 
『我覺得…呢個情況只會越黎越嚴重…』
 
「嗯…」
 
『而且再咁落去…終有一日…』
 
「我…」我吞一吞口水,完全唔敢去想像「就會變成真真正正既女仔…陳家蔚…」
 
時間,從來係迫人作出選擇。
 
『咁…咁我地今日去邊好?表哥?』表妹見到我個失魂落魄樣樣,即刻轉移話題
 


「我…我唔知…」
 
『搵d男仔既活動去做…表哥你男仔個陣有乜野會玩…運動之類…』
 
「我仲係男仔個陣,除左學校既體育堂之外,根本就好小做運動。」
 
『…war game啊…釣魚呢d呢…』
 
「唔好玩啦,表妹。」上堂釣魚就有...
 
『嗚…』表妹又發出危險既低嗚『表哥你真係好失敗!
再唔搵d野緩衝下,你一定會越黎越危險…』
 
「咁都無計…我只可能盡量去壓制自己…等堂兄堂姐走左再算…」
 
『咁…我記得今日好似係書展最後一日?我地不如去睇下書囉…』
 
「…就…就咁話。」我順便可以去研究下兩性既書藉。
 
『嗯,咁我地行啦…』
 
「表妹…我真係要著呢套衫出去?」
 
『更係啦!』表妹理所當然地講
 
…雖然個違和感已經無岩岩咁強烈,但我都係想著返…女…女裝…
無其他原因啦!只係覺得而家咁樣著法真係好怪…
 
但我實在講唔出口。
 
去會展途中都聽到有唔少途人係到講著更男裝既我
「呢個男仔黎?」「唔似喎…咁白…個面形又…」「如果佢係仔我轉gay都肯啊」
「你睇佢,胸前面漲架!」「車,又係tb係到搶走哂d女!」等等…
 
『唔洗理佢地…嘉為…』表妹係隔離講
 
「嗯…」其實聽完途人咁講一講,
唔單止無重拾所謂既男仔心,反而令我更加覺得自己而家係一個女仔。
 
結果我地去到會展,發現書展最後一日…係琴日(26號),今日係27號
 
「表妹…」某程度上我地兩個都係咁失敗。
 
『點會咁嫁…』表妹都好驚訝
 
「我地應該上網睇清楚日子先,今次真係白行一趟啦。」
 
其實我一早已經覺得唔對路,因為沿途根本無乜人行去會展方向...
 
『唉...表哥我地行啦…出去食餐飯先再諗下去邊…表哥…?』
 
「嗯…?哦…行囉…」
 
眼前一個廣告牌吸引到我眼球。毒撚既節日 – 動漫節就快開始…
 
食完飯之後,我同表妹兩個轉去行時代廣場,
係表妹既堅持同建議下,我買左一兩套中性打扮既服裝
 
之後我地就上左去睇書,諗住係書局消磨時間去到夜晚
 
『表哥有乜書岩睇?』
 
「表妹…其實我想睇下兩性書藉…」
 
『點解?』
 
「唔知…我只係想了解多d女性心態…話唔埋可以幫到我自己…去對抗…」
 
『嗯…有道理…咁我地一齊研究啦…』
 
我同表妹去到兩性書藉個欄,
一本叫做「認識自己的少女心」既書即刻吸引到我,我即刻拎起一本睇
 
書入面既內容…大部份內容我真係好中…例如…
無警戒心,多慮而且好易迷茫,對性方面表面抗拒但其實心入面會好奇…
雖然另外有d部份我自己未感受到啦…但想到再咁落去會變成咁我真係唔敢想像…
 
睇到關於性愛個part…直程…哇…原來女仔既感覺會係男仔既幾十倍…
而且仲可以係無中斷持續既快感…
 
我諗返kevin個粒震蛋,個種感覺真係…唔係筆墨可以形容。
 
我有d怕表妹睇到我望呢d內容會話我變態,所以我隔住本書望一望表妹睇更乜,
發現完全係多慮左,表妹而家好專注睇更一本叫做「二十七個必勝的方法!」既書,
 
乜野書黎?
 
「表妹妳睇更乜?」
 
『你…你理得我!』表妹即刻另轉身,唔比我睇
 
咁仲好,我可以繼續深入睇本「認識自己的少女心」,
 
過多陣,因為本野實在太吸引,我襯表妹唔為意個陣行開去買本野,
之後靜靜雞收入自己袋到,再返返黎。
然後再拎起類似「認識你身邊的女孩!」「每個人心裡都有另一個自己」等等既書黎睇
 
唔經唔覺已經七點,我而家先知睇書原來咁容易消磨時間…