53.


之後我同堂兄都無乜講過野,等左大約半個鐘之後,
個阿志終於返左黎,而家我地三個人係到等更的士,堂兄同阿志吹更水。

『竟然幾年都未攪掂個鎖…我真係服左你啊…阿志。』堂兄同阿志講

『有時度門會自動鎖係好事黎。』阿志露出邪笑,之後用以為我聽唔到既聲音講
『點啊…條女咁正,岩岩有無得手?』



喂,你真係以為我聽唔到?

『唔好玩啦,阿志,佢係我堂弟…個女朋友黎。』堂兄講『我唔好NTR呢味野。』

『下?MTR?而家等更的士喎。』

『無野啦。』堂兄無好氣咁講

『咁今次留到幾時話?』阿志問



『後日就走啦…』

『搵次住耐D啦,好耐未試過一齊去夾BAND啦。』阿志講

估唔到堂兄咁多興趣,又影相又拍片又夾band...

『而家有工返,實有機會既,有車啦...拜拜。』

之後我同堂兄就上左的士。



『唔好意思啊…家蔚妹妹。』堂兄好抱歉咁講『妳唔好將件事講比阿妹知啊…』

佢用一個「比阿妹知道我下面就不保」既難過表情望住我

「我…考慮下。」既然你乜都無做過,唔講都無所謂既…呢件事仲要咁唔好意思…「仲有D相…」

『返到去我將D相交比妳,到妳覺得公開都無所謂既時候,先比返我囉。』堂兄講

「嗯…咁就好…」本來D相就打算比我自己欣賞,無打算比其他人。

『話時話,我見家蔚妹妹妳諗最重要既人既時候,個樣真係…』

「真係…真係點?」我有d擔心我到底露出左乜野神情比堂兄睇



『哈哈,一陣妳就會知道,總之就係好迷人啦,到底係諗更邊個?』

「唔…唔話你知!」

無錯,赤裸裸既影相,除左令我多張幾張收藏之外,
仲令我明白到…我心入面覺得最重要既人…到底係邊個…

『嗯…肯定係個個啦…』堂兄露出一個「我知道兇手係邊個」既神情

「下?」你真係知!?

『今日黎南生圍個個靚女!』堂兄拍拍個袋講

冰瑤?都話左唔係…
但表妹今日都有黎喎…堂兄又錯唔哂…



話時話,表妹今日都無乜出到聲,真係唔似平日既佢,聽日問下佢點解先…
 
『就係呢張。』

返到屋企,堂姐仲未返到黎,我入左堂兄間房,睇返岩岩影既相。

嘩…真係…

堂兄口中既”迷人”根本就係輕描淡寫…

螢幕入面個個真係我…?
眼前呢個背對鏡頭既女仔…雪白無瑕既肌膚,嘴唇露出足以傾國傾城既淺笑…
原來我諗更表妹個陣…就係用呢個神情…





『點啊…係咪好迷人呢…』堂兄係到講『如果呢張可以做我既桌面圖片就好啦…』

「唔得!唔得!你要比返我啊!」
我即刻講,呢張野一定唔可以比我以外既人見到

『嘉為真係好啦…我肯定呢張會變成佢既桌面同手機圖。』堂兄嘆一嘆氣講

「你點解會…」會知道我諗乜?「我先唔會比佢睇啊。」

『傲嬌?』堂兄問

「傲你個頭。」邊個會自己同自己傲嬌?諗起都覺得變態。



堂兄好失望咁將今日係攝影室影既幾張相交比我之後 (嗚嗚…)
我就去左沖涼,堂兄就繼續係房拾其他相。
沖完見時間唔早,我就去左訓。

訓到咁上下,我發現有人開門,心諗會唔會係堂兄真係把持唔住,
點知望一望,原來係堂姐。

『啊…哈哈,今日真係好天氣啊!』堂姐係到大嗌

「下?」

『我地繼續飲!』

…原來係醉左。

「柔姐姐妳醉啦…」我落返床,想扶一扶堂姐

『我無醉!妳先醉!話時話點解阿欣妳會訓係我堂弟張床到?』堂姐搖搖欲墜咁講

邊個係阿欣?我諗應該係佢既朋友…「我係家蔚啊…家蔚啊…柔姐姐。」

『嘉為?嘉為?』堂姐好明顯聽錯,之後搖一搖我『點解嘉為會變左女仔?點解啊…』

「下?我係家蔚啊家蔚!」

『個胸仲要大過我tim!我唔信!』之後堂姐推左我落床,之後關埋度門『你係我堂弟!』

「唔係啊!?啊?」之後堂姐又跪上床

『唔信唔信唔信,等我研究下啦!』

下?

又係推倒?

下下下??!?!??