64.


第二朝,紫晴好早就走左『下次…有機會我可唔可再黎?』

「嗯…當然歡迎…」話就咁講,但我真係唔想再發生琴晚床上面既事…

以前作為男仔個陣…呢d情況更係無任歡迎,
但係紫晴,係唔同既,我真係唔想因為一時快樂,而害左一個女仔…
而且,我發現我開始有種心態…覺得女仔同女仔…咁做真係怪怪地…



唔通我…我已經…我真係好敢再諗...


而家我係表妹屋企樓下個公園,我決心今日一定要同表妹道歉。
而理所當然,表妹都係無聽我電話。
所以我留左個言,如果表妹一直唔落黎搵我,我就會一直等落去…

我就係咁足足企左五個鐘,連下午飯都無食…而家已經有少少肚餓
但表妹都無落到黎,但我相信…表妹佢一直係樓上面望更我…



到左黃昏,表妹都係無落到黎…因為企得太耐,我隻腳都已經好攰…
途中都有d保安同埋途人好奇我點解企咁耐,我只係敷衍佢地話我等更人。

好快已經到左夜晚,我今次真係好大決心…表妹唔黎我就會一直企…

令我比較擔心既係,我發現有幾個mk由黃昏開始已經係公園附近既木椅坐係到,
而且望左我好耐…我覺得佢地一直無行動係因為周圍都有人…
到左夜晚,周圍開始無人個陣...佢地終於有所行動...



行到埋黎,呢隊mk三人組令我聯想起某隊「極度憤怒.名譽掃地」既band。

『喂,妹妹,我地留意左妳好耐啦…』其中一個金毛mk講

可惡…又遇到呢種事...但係我應承左表妹…唔可以走…

『唔洗驚喎…哥哥我地係好人…』第二個紅毛mk講

好人…?想昆邊個喎..

『哥哥我地想去食飯,不如妹妹一齊黎食啊?』第三個爆牙mk又接住講

之後呢,你地更係想食埋我隻豬…

「唔好意思…我等更人…」我有d驚咁講…同上次海洋公園比mk聊唔同,


今日係公園,而且周圍無乜人…而且堂兄都唔會彈出黎救我。

『等更人?肯定係個個人出左好多錢啦!』紅毛mk講

『哥哥我地都比得起架喎…』金毛mk繼續講『講啊…個個人比左幾多錢…』

「你地…唔好亂黎…啊…」我越黎越驚...

『同我地去爽下啦…妹妹妳一定會鍾意…』爆牙mk邊邪笑邊講

『你地係到做乜?』突然有把唔識既聲音係班mk後面講,我望一望…係警察,

而警察隔離…係表妹。

表妹…妳終於都黎左…


 
班mk見到個警察,並無特別驚訝,睇黎一早已經慣哂。

『身份證。』警察行埋黎同個三個MK講…

我諗…我唔洗掛…?

『妹妹妳唔洗…』警察望住我講

好彩…如果唔係拎張男仔身份證出黎都唔知點解釋。

『你地三個係返更學定讀更書?』個警察講

『阿sir…更係讀更書啦…我地好學生黎嫁…』金毛mk咁刻講



『係囉,我見個女仔企係到咁耐,擔心佢係咪迷路之嘛…』紅毛mk接住講

『阿sir,你唔係以為我地想做壞事呀嘛…』爆牙mk講

『係咪做壞事問個女仔咪知囉。』之後個警察就望住我

我望一望隔離個三條mk,佢地用一面「妳咁亂講就捉妳中出三百回合」既樣,
其實我都唔想攪大件事…一陣男變女件事曝光我一定比人捉去研究…

「無…無事…」我細細聲講

『妹妹,唔洗驚喎,我地警察唔係好似網上個d極醜惡片咁無用。』
警察好有自信咁講,望真d佢其實都算係新仔

「真係無事…」



『啦…警察哥哥,個妹妹都話無事啊…』金毛mk講

『好,咁夜唔好再周圍走啦你地!』之後個警察就將三張身份證比返班mk

班mk「哦」完就走左去。

『好彩有呢個妹妹call我咋,唔係妳一定好危險。』班mk走左之後警察同我講

「嗯…唔該哂…」

『下次小心d啦…呢到特別多夜青。』之後個警察就走左…

得返我同表妹。

「咁…」

『咁我地去食野囉,家蔚你都企左咁耐。』表妹笑笑口望住我

仲係家蔚…
 
而家我同表妹行更去一間我地平時食慣既茶記…
 
「表妹…點解妳會識叫警察既…」
 
『因為我一直都係附近留意更你…』表妹好輕鬆咁講
 
果然係咁…我既直覺無錯…表妹果然一直係附近…
 
『所以當我一見到係你附近個班男仔有行動,我就即刻走去搵差人…』
 
表妹…