67.


九月一日,星期四。

今日係開學既日子,
但今年好唔同…
我竟然變得害怕再返去學校…

因為…呢個暑假發生既事情…


令到一切都唔再一樣…所有野都返唔到轉頭...

我好驚…我真係唔敢面對…
但我始終都要拎起件女裝校服…著上身…

再踏上熟識又陌生既道路…
點解…會變成咁…

點解…



『哈囉…』一個女同學同我講野…

「早…早晨…」我比個女同學嚇到...震左一震…無事既…無事既…

『hi…點解妳好似唔係幾舒服咁既?』另一個男同學問

「無…只係耐無返學,有小小緊張…哈哈…」我強硬擠出一個微笑…

我唔慣…明明只係熟識既景象…但我好唔慣…



然後我終於見到佢…一個我已經唔再了解既人...
點解…你會變成咁?點解…你明明唔係咁既人…你明明…

『早晨。』個個人同我講

「早…」我已經唔敢再正視佢

然後,我最終都係踏入左班房…由於第一日既關係...我隨便搵左個位坐…

『喂!好耐無見啦…』有人講野…但我唔知佢係同邊個講…
因為我只係伏係台上面…唔想理任何人…

我好想有人救我…我好辛苦…我好辛苦呀…

嗚…



到底王子…係存唔存在…

然後班主任就入黎講野,講既野我都唔太清楚…我乜都唔想知…

『『下?轉校生?』』全班都好轟動

轉…轉校生?

但…但都唔關我事…唔關我事…

『入黎同人介紹下自己啦…』

『係…』



一把…熟識既女聲…?

唔會…點會…無可能?我慢慢抬起頭…

『我…』個個人睇落好緊張…

你...你點會係到…

『我個名叫陳家蔚,請多多指教。』然後我同佢既眼神對接,佢對住我笑一笑


就算王子…變左公主…都會黎救我…?


王樂宜視角 - ?