70.


王樂宜視角

『我…我個名叫陳家蔚,請多多指教。』表哥好緊張咁同全班同學講

『樂宜,個個人咪係妳表姐?』坐係我隔離既臨記好驚訝咁講

『哇,點解妳唔一早同我講喎,衰人王樂宜!』坐係我後面既阿kay拍一拍我背脊



「因為…我都唔知…」我真係唔知…

『嘩…可以同表姐一齊讀書…好興奮啊…』我想像到阿kay而家係雙眼發光
『最衰我隔離有人坐…唔係表姐可以坐埋黎…』阿kay無視隔離個位同學,係到抱怨。

老實講轉學呢樣野根本好難發生…到底表哥你係點做到?

『家蔚同學,唔洗咁緊張喎…』班主任miss lee同表哥講…



『嗯…唔好意思…』表哥dup低頭,非常怕羞…

而且…表哥你真係越黎越似女仔…定你已經…

『咁妳就暫時坐去…啊…陳芷螢隔離啦…』
之後miss lee指住一個角落,陳芷螢隔離岩岩有個空位。

『哦…』之後表哥就慢慢行去角落…步姿...根本就係一個女仔咁!

『好靚女啊…』『真係好索…』『唔知有無男朋友呢…』『我好羨慕啊…』


表哥一路行個陣周圍既同學,無論男定女,都注視住佢…

然後,我注意到個個人既反應…

紫晴…

妳…而家個笑容…

我真係攪唔清楚…
 
或者…我應該要更早去發現…

*

紫晴,係我既同班同學,


雖然佢帶住副老土既眼鏡,但都唔影響佢本來標緻既五宮,
而且…胸部仲發育得好好…唉…唔似我咁。

但係,因為佢唔太識同人溝通,所以其他男仔都覺得好難接近,
而大部份班入面女仔即覺得紫晴係懶高竇所以無人同佢玩。

但係我,一直都覺得紫晴係一個好女仔…
所以我唔同其他女仔一般見識,主動去同紫晴溝通…
然後,我地 (包括阿kay) 三個就成為左好好既姐妹。

暑假前既一星期,因為已經考完試,所以基本上都係自由活動時間
有一班女仔係到熱烈討論更佢地既男朋友或者理想對象...
而我地三個呢,就係另一邊傾計…無加入到佢地既討論,

但傾傾下,一個叫小藍既單辮髮女仔行埋黎問『喂喂,樂宜阿kay妳地有無男朋友嫁?』



『我…嘻嘻…仲係招募中啊!』阿kay揮揮手笑笑口,好似完全唔介意…

「我…我無…但係有一個好在意既人…」無錯…就係無表哥…

『下?係邊個呀,我有無見過?』阿kay即刻問

「我先唔同妳講!」阿kay妳實會周圍同人講既...

『哈哈』小藍大笑,之後斜視一視紫晴,我發現到呢個情況
『不如妳地兩個都過黎傾啊?反正呢到都無野好傾嫁啦~』

「我地兩個?我同阿kay?咁紫晴呢?」我有d不滿咁講

『反正佢無野好講嫁啦…』小藍無理到紫晴既感受就直接講『更何況佢都唔會有男朋友…』



『我有…』dup低頭既紫晴突然講

『下?』小藍好驚訝咁望住紫晴

『我有…我有男朋友…』紫晴再重覆一次

下,點解我都唔知既?

*

當然,小藍佢地打死都唔信紫晴有男友,
所以要紫晴搵日帶佢男朋友出黎比佢地見下…估唔到既係,紫晴居然應承…

『樂宜…我…我應該點做好…』係lunch時間,紫晴搵我幫手…當然,阿kay唔係到。



「我…我都唔知…」估唔到紫晴會為左啖氣所以講大話…
「啊…我醒起一樣野…紫晴…妳係咪有個細佬?」

『係…係啊…』紫晴相當疑惑咁望住我…

「就咁啦…只係做一場戲…叫妳細佬扮妳男朋友咪得囉!」

一定係一個好成功既計劃!哈哈,王樂宜妳真係好聰明呀!

『嗯…咁或者…行得通…』紫晴細細聲講

就係咁,個次既假扮約會當然好成功…
但同時,我唔知既係...呢個謊言將會越滾越大…

影響深遠。
 
*
 
『真係唔該哂…樂宜…我都唔知點多謝妳好…』個次之後,紫晴有日咁同我答謝
 
「唔洗喎…其實我都討厭班女仔成日咁睇妳!
明明大家都係女仔,點解要攪咁多野喎。」
 
『樂宜…』紫晴感動到眼濕濕…『係呢…個次樂宜妳話有在意既人…可唔可以同我講係邊個?』
 
我諗一諗,紫晴一定唔似阿kay咁,一定守密如瓶…
 
「我…我手機有張相…等陣…」
 
然後我就拎左手機一張強迫同表哥合照既相比紫晴睇…
 
『嗯…呢個人係…』
 
「我表哥,佢好好人嫁…」雖然而家份人變得有d怪…
 
『我希望…你地可以有情人總成眷屬。』
 
「多謝妳呀…紫晴…我…我都」我面紅「我都希望可以。」
 
*