76.


「都係免啦...」我阻止眼前呢個女仔係我面前講潮文破壞形象「我地竟然係同一班…真係有緣…」

『哼,我就無感覺啦…』

「既然妳唔係TB既話,我地一於做個好朋友啦…」我對住佢笑一笑

點知佢又面紅。



「妳…」我見到佢既反應即刻將張木椅移開少少「妳果然係TB…」

『都...都話左唔係!』

然後小息既鐘聲就響起。
 
小息鐘一響陳芷螢就急急腳離開班房,準繩度簡直就好似100米賽跑選手起步咁。

『嘻嘻,表姐。』好快阿kay就拖埋表妹同紫晴行黎


『乜妳係澳洲返黎嫁咩…點解妳同王樂宜從來都無同我提過既?』

「啊…」我諗起冰瑤既攻略「因為初初黎搵唔到學校…就費時妳地擔心啦…」

『點會呢!表姐,我同妳表妹都好樂意分擔妳既煩惱嫁!可,樂宜?』

表妹都係遊更魂。

『樂宜?』阿kay再問



『啊…係!…煩惱…我無煩惱喎…』表妹語無倫次

『係妳表姐煩惱啊…王樂宜。』阿kay朦起眼望住表妹『妳今日好唔對路喎…』

『無…邊有事喎!』表妹即刻講

『表姐…等我做導遊帶妳行下呢間學校啦…嘻嘻』

然後阿kay就拖住我離開班房,表妹同紫晴當然一齊黎…
臨走之前瞄一瞄邦彥…佢仲係訓更教,但唔同既佢而家係塞住耳仔聽歌。
 
四個女仔一齊行既畫面,吸引左好多男學生既目光,由中一到中六無一例外。
我地由地下小食部行到去五樓籃球場,最後決定係籃球場坐下。

『嘻嘻…可以同表姐一齊讀書好開心好開心啊…』阿kay將個頭放係我肩頭上面轉黎轉去…



表妹對呢個情況竟然唔出聲…唔通係…因為紫晴係隔離…
我到而家始終都唔願意相信冰瑤既假設…但如果冰瑤既假設係真…

紫晴…妳到底係咪有唔為人知道既一臉...

我決定試探下…「係囉…表妹…點解臨記唔同妳一齊既…」

表妹望一望我…從佢表情我睇得出佢有D失落…『因為…我同臨記講左小息陪妳…』

「哦…其實我有阿kay紫晴陪都得…所以…」對唔住表妹...

『嗯…咁我就去搵臨記啦…』表妹強擠一個微笑,然後就轉身走左…

我再望一望紫晴既反應-無反應。


佢對表妹比我洗開左呢個動作,並無顯示到任何開心同唔開心既情緒...

…我已經攪唔清楚。

「紫晴…妳對我轉黎呢間學校有乜感覺?」

『下?』紫晴比我突如其來既發問嚇親『好開心…真係好開心…』

「嗯…其實我可以同妳地一齊讀書都好開心啦…」

『係…係囉…家蔚…點解妳可以轉黎既…』紫晴問『照計應該係好難做到…』

『係囉…表姐…我都想知。』個頭係我肩膊轉黎轉去既阿kay將個頭轉黎望住我

「我…」我又諗起冰瑤既攻略「因為我親戚識得呢間學校既校長…


而且呢間學校入面我有個表妹係到…應該可以令我更快熟識香港既校園生活…咪入到黎囉…哈哈…」

點解我講得咁順口呢,因為呢段野我至少係屋企背左百幾次。
 
『係呢…表姐,岩岩有無悶親妳?』阿kay突然問『我地同妳坐得咁遠…』

「小…小小啦…」既然阿kay妳問到「係囉…阿kay,紫晴,妳地覺得陳芷螢呢個人點?」

我一提起呢個名…阿kay就擺出個臭臉,就好似隔離突然出現一間臭豆腐檔。
洗唔洗咁誇張?相反,紫晴呢,都係無反應。

『佢…佢係怪人黎嫁…』阿kay講

其實我都知…而且如無意外仲要係TB既怪人「佢係咪…同女仔特別親近?」



『NONONONO』阿kay搖搖佢既食指『佢係班入面男同女都唔親近。』

咁你地又搵佢做班長?唔通真係吃力不討好既野就掉比人做?

『除左一個人。』紫晴突然講…

「係?」好似就黎知道小影既性取向令我非常緊張

『邦彥。』

「下?」

『啊,係呀,邦彥成日都主動搵芷螢傾計!所以我地當初先屈佢地兩個做班長之嘛!』

邦…邦彥…小…小影?

我發現我個腦突然轉得好快。

八月八日,星期一,我係海旁遇到小影。 之後,我就係鐘樓撞到邦彥…
巴士上面…邦彥『我岩岩去搵人。』
然後係屋企…『妳係好女仔,但係…我自己有一個好在意既人。』

…一切都合理…所有野都講得通…而且咁都解釋到點解邦彥坐係芷螢前面。

邦彥在意既就係芷螢…但芷螢對邦彥無感覺…因為佢係女女同好...

鈴鈴鈴~~~~

『表姐返去囉…』阿kay又勾住我手行…

「哦…」邦彥…芷螢…

當我返到班房,我見到邦彥同芷螢傾更計…邦彥仲好似幾開心…
我覺得我個心有d唔舒服…點解…點解呢…

Miss lee好快就返黎,但其實都係繼續吹水時間,準備一陣去禮堂。

『咦,唔講野既?岩岩妳仲成日講野嫁…』芷螢無啦啦問

「唔知呢…」我發現我對隔離呢個人既感覺係一個小息之後就唔同左。

『係喎!』離我好遠既Miss lee突然望住我,之後行埋黎
『家蔚同學我想搵個人黎妳屋企幫妳跟返我地學科既進度…』

「哦…ok啊…」我望住表妹,由表妹黎幫我應該好方便…
但我又諗起冰瑤比我睇個封短訊…如果叫表妹幫我咪即係自挖墳墓…

『之後呢,紫晴自願黎搵我話可以幫妳手,
妳應該無問題呀?佢讀書好好嫁!而且妳地好似識既?』miss lee再講

「紫…紫晴?」我望一望離我好遠既紫晴,佢都望住我「好…好啊…」

嗯...我應該暫時將邦彥同小影既事放埋一邊,
著眼返表妹同紫晴呢件事...無疑今次係一個好機會!
 
係禮堂聽完校長沉悶既演講後,我地就放學,
無驚無險 (?) 完成第一日既上課日,但等待我既…係更加多既未知數…

午餐我地一行人係學校附近一間泰式餐廳食,
之後表妹臨記阿kay邦彥都走左…而家淨返我同紫晴。

「係囉…紫晴,咁我幾時黎搵妳跟返學科進度?」

老實講追學科進度呢樣野真係好重要,
因為,雖然我同表妹佢地都係讀理科,但有其中一科會計我之前係完全無讀到…
當然,校長同老師佢地係唔知呢件事,
所以我要拿拿臨理解返到底呢科野係學乜。

『不…不如聽日放學之後?』紫晴有d怕羞咁回應

「好…好啊…」

『同…同埋呢…家蔚…因為都幾多資料…我…』紫晴非常緊張

「紫晴,如果你資料重我可以搵幫妳拎嫁…」

『我…我就諗更…其實聽日我屋企人都遲返…所…所以…』紫晴dup低頭
『家蔚如果妳唔介意…其實…其實可以上黎我屋企?』

「喔,其實咁仲好啦…唔洗紫晴妳抬得咁辛苦,一於咁話啦。」

『嗯。』紫晴鬆一口氣

*