80.



『家…家蔚!?嘩!』唔知過左幾耐,紫晴既驚嚇聲嘈醒左我…

「嗯…我…」我張開眼…望一望…而家我身上披左張披…窗外面仲係好黑…
手同腳已經解開左...粒震蛋…都已經離開左…嗯…太…太好啦…

清醒既我…慢慢回想返岩岩發生既事…


震蛋仲震更…紫晴又暈左…我好無助…以為一定比粒震蛋震足成晚…

好好彩既係…粒震蛋竟然好快就無電…
但我又整唔返佢出黎…取而代之係一種奇怪既異物感…

我又覺得好攰…大概...係因為...岩岩…感受到…女…仔…女仔既高潮引至?
我唔敢想像…個種感覺…真係難以形容…同男仔高潮根本無得比...

最後我就決定唔理個粒已經無震既震蛋…訓返陣…



*

『嗚…嗚…家…家蔚妳醒啦…』紫晴而家著返衫睡衣,喊得非常犀利…

「係…係啊…」太好啦…紫晴妳終於返返黎…

『我…我係咪…做左好離譜既事…我…我真係…嗚…』

「無…個個人唔係妳…我知道既…」我嘗試坐起身…隻腳仲係好無力…而且仲有少少腳震…



『我…我…』之後紫晴就成個人攬住我大喊『我已經唔知點做好…』

「紫…紫晴…妳到底發生左乜事…可唔可以講比我知…我或者…或者可以幫到妳…」

紫晴水汪汪咁望住我…『係…係宿營之後…我…就成日聽到有另一把聲同我講野…』

「跟…跟住呢…」另一把聲…唔通係…前世既靈魂…?

『原本…都…都無乜野…因為個把聲…我知道係無惡意…所…所以
我嘗試當佢唔存在…我睇左好多書…希望可以了解…』

我浮現返時代廣場撞到紫晴個日…佢跌左本書…
「所以妳就買左本『每個人心裡都有另一個自己』黎睇?」

『係…係…但亦都係個日…當我係時代廣場見到妳同王樂宜一齊之後…我…嗚…


我個心好唔舒服…我…我唔知係咪…妒忌…所…所以…嗚…』

「紫…紫晴…」

『然後…我就再聽唔到個把友善既聲音…反…反而係…第二把聲…』

「第…第二把聲?」我比紫晴講既野攪到混亂

『嗯…呢把聲唔再係友善咁對我…佢…佢一直講一d好差既野…好壞既野…我…』

然後,紫晴就無再講落去…繼續係我既安慰下放聲大喊…
 
安慰完紫晴之後,鬆一口氣既紫晴就好似隻小貓咁訓著左…
睇返時間原來已經一兩點…所以我都係決定係紫晴屋企訓返晚。



所以我就襯紫晴訓著左唔為意…出返廳訓,
關埋門同時仲不忘拎張椅放係房門口…等偽紫晴出現我都會知道…

最後,乜事都無再發生…就到朝頭早…
醒左之後,我開返紫晴房門想同佢講再見…紫晴比我嘈醒左…

「紫晴…我走先啦…」我對住紫晴笑一笑「放心...我講過我一定會幫妳…」

『家…家蔚』聽完我咁講…訓係床上面既紫晴笑得好燦爛…『嗯!』

拋低左句咁型棍子既說話,但其實我完全唔知點做,
原本只係諗住解救表妹…但而家問題無少到反而多左。

*



『結果…妳就差d失身?』冰瑤一路飲住杯mc coffee一路講…

「係…」我dup低頭,非常唔好意思

『都叫左妳小心d嫁啦…』冰瑤搖搖頭…

「對…對唔住…我下次會小心d…」

『今次真係好彩咋…』

經過今次我暗地裡發誓,以後去人地屋企都唔會亂飲野,特別係coca zero。

『但經過今次家蔚妳獨闖虎穴,的確有唔少收獲。』冰瑤強調”獨闖虎穴”四個字

「對…對唔住囉…」



『哼!』冰瑤仲係有少少嬲『至少我地知道封短訊唔係紫晴本身自己意願sd既。』

「我一早就話啦!紫晴係好女仔黎!」我又即刻充滿自信,好彩靠我咋!

冰瑤好似察覺到我臉上既表情『哦?家蔚妳真係叻既,就唔會輸係粒震蛋手上啦。』

「但…但粒震蛋真係…唔知點形容咁…」提起粒震蛋,我又諗起琴晚…即刻又面紅...

『我…唔想知道妳有乜感覺。』冰瑤冷冰冰咁講『講返紫晴件事…我大概有個頭緒…
首先可以確定既…就係紫晴口中個把友善既聲…應該就係妳上世情人既靈魂…』

「好…好合理…」我點頭...決定唔再激嬲眼前呢個人

『至於琴日設計令妳暈低既人…而家暫定佢叫偽紫晴…聽紫晴咁講…偽紫晴同友善聲音係兩把聲黎…
即係應該唔係妳上世情人…而且從妳口中描述…偽紫晴行為動作都係女性化…』

「係…無論做既動作…講野既口吻…『哦』呢個口癖…都係女性行為…」

『所以,我覺得呢個應該係紫晴為左自護自己所做成既第二人格…』

「第二人格…所以…」

『無錯…所以而家紫晴呢個身體入面應該同時有三個人格存在…
紫晴自己…上世靈魂…同偽紫晴…』

「咁…」我激動到企起身「一個女仔一定承受唔到!」

『呢個無疑係最差既情況。』

紫...紫晴...
 
 
「咁…點解紫晴會出現呢個人格?明明一直都好地地…」

冰瑤再搖搖頭『家蔚…雖然妳而家係女仔…但妳都係一d都唔了解女仔…
妳諗下…一個人一直比另一把聲煩住…癲只係遲早既事…而且…』

「佢仲要係最脆弱既時候撞到我同表妹一直行街…」我諗返紫晴琴日同我講既野…

『自己鍾意既人同第二個一齊…妒忌兩個字…令到紫晴終於崩潰…
然後…另一個人格就出黎…為左保護自己…保護紫晴…為左得到妳既愛…』

「但呢個偽紫晴點解會知道我原本唔係女仔呢?我其實到而家都唔明…」

『呢個係好問題…但其實要估一d都唔難…由其係妳表妹宿營個陣成日嘉為嘉為咁叫妳…』

…表妹既固執原來間接成為左呢件事既導火線。

「咁…偽紫晴既目的呢…」

『其實睇返個短訊,其實已經好明顯…』

「要妳同我表妹…同我脫離關係…咁紫晴…」

『咁紫晴就可以成為妳唯一可以依靠既人,呢個無疑就係偽紫晴既目的。』

諗返起…偽紫晴真係可怕…為左得到一個人…竟然可以做到咁既地步…

『而且,如果妳一直唔解決呢件事,難免那有一日偽紫晴會決定一拍兩散…』

「咁我到時…就會比人捉去研究…」我心情即刻變得好沉重…

『但向好既方向諗…我地而家已經知道目標係乜,』冰瑤唔單止無感到沉重,仲笑一笑
『既然紫晴本身唔係衰人,衰既只係一個分裂出黎既人格,咁只要消滅呢個人格咪大團圓結局囉。』

「係…冰瑤妳無錯…」雖然消除人格呢件事都唔容易做…但總比乜都唔知好…

但為左所有人…為左表妹,為左紫晴,為左我,呢樣野一定要做!

『睇黎家蔚妳已經諗通啦…咁我地就開始諗下點做啦。』冰瑤見我充滿決心,即刻講

「嗯!」

*