81.


夜晚,因為有d擔心,所以我打返比紫晴。

『喂…家蔚?』

「紫晴…妳無事可?」

『更係有事…』紫晴接住講…



「紫…紫晴…係唔係個把聲音又黎煩妳?」

『唔…唔係…』停頓左一陣…之後『係因為家蔚妳欺騙我…』

「欺騙妳…我…我邊有…」但我突然又明白點解紫晴會咁講…因為…

『妳答應過我…我將意識交返比紫晴之後…
妳地會繼續享受落去…但係…但係…家蔚妳講大話!』偽紫晴大喊



果然係咁…

「我已經知道妳點解存在…同妳存在既目的…
到底我要點做…妳先願意離開紫晴…唔再煩佢?」我同偽紫晴講…

『好簡單的哦…就係...』我聽到舔脷既聲…『今次我要親手食.左.妳.隻.豬。』

星期一既朝早,我係返學既路途撞到紫晴。

『早…早晨…』係紫晴…照佢而家既神情語氣應該係正常紫晴。



「早,早晨啊…呢幾日...訓得好唔好啊?」

『唔...唔錯...妳呢...』紫晴dup低頭

「ok啦...哈哈...』

我都唔知接住落去可以講乜好。

因為偽紫晴個句「食左妳隻豬」仲深深烙印係我腦海。
明明就係同一樣既聲音,但兩個人格實在差太遠了。

如果有一日,一個女神級既人物無啦啦同你地講「我要食左你~」,
我諗你地一定好開心,我諗如果我仲係毒撚既話,都一定好開心。
但而家既我唔係咁諗,我只係覺得情況好危險,生命受到威脅…貞操受到威脅先岩。



就係咁,我地兩個無言無語就去到操場,
早會完返返班房,我又坐係陳芷螢隔離,今日既佢唔知點解好攰,但都唔關我事。

『哼哼,大抽獎!』Miss lee係台底拎起個大盒,唔知以為佢突然想表演魔術

『Miss lee…唔係呀話…』阿kay即刻講

『上年比你地自由坐嘈到校長都走黎同我投訴丫…所以今年…』Miss lee講到中途全班就開始哄動
『得啦得啦…兩個月啦…兩個月如果你地有進步就比你地自由坐啦…』

真係容易比人動搖既班主任。
雖然都仲有抱怨既聲音,但最後大家都係接受,開始玩呢個調位抽獎。

終於可以調位,我一方面可以唔洗再同陳芷螢坐感到滿意,


但一方面就唔可以再注意住邦彥既背脊…難免有d失落…

但如果可以坐係表妹隔離,咁偽紫晴封「脫離關係」短訊都無我地乎,始終都係抽獎命…
而如果可以坐係紫晴隔離,雖然某程度上幾危險,但都增加左解救紫晴既機會…

黎啦!神之手!
第六行第四個…

我望一望第五行第四個,仲未有人抽中,坐低睇下周圍,呢個位其實都唔錯,
表妹坐係左手面既第七行,阿kay係佢隔離 (第八行)
至於紫晴就坐係我前面,邦彥就坐係我個行既最後…

最慘應該係臨記,佢坐係第一行第一個,
同坐係第七行第四個表妹既距離係九丈遠,我見到表妹露出暗爽既表情。



雖然表妹同紫晴都唔係直接坐係我隔離,但呢個無疑係最好既情況…
除左…

『點解又係妳?』拎住第五行第四個紙仔既陳芷螢好無奈咁講

「妳搶左我句對白。」我都好無奈。

或者呢個都係命運既安排?

今個星期雖然仲係返半日,但班主任時間之後我地中五中六已經開始要上堂。

睇黎其他老師都一早知道班入面有個插班生,
所以都無乜野特別既情況出現。

咁對黎講當然係最好,我已經唔想再係全班眾目睽睽之下再做出位既行為。



坐係我隔離既陳芷螢,基本上由第一堂訓到就放學…
佢琴晚做賊黎?而且佢既睡姿非常唔好睇,仲…仲流口水tim!

到底邦彥鍾意佢d乜?我完全諗唔明。

放學,臨走個陣,Miss lee走黎搵我…

『喂,家蔚同學…妳同紫晴同學可唔可以留低一陣,我想跟進返妳地既進度…』

『咁…表姐我地去霸定位先…電聯啦…』阿kay同我地講

「哦…」

『表姐?』阿kay佢地走左之後,Miss lee好好奇咁問『我仲以為…』

「無…因為王樂宜係我表妹…佢地兩個咁好姐妹…所以就順便叫我表姐囉…」

『哦!原來係咁…咁快有咁熟既同學仔係好事黎既…想當年啊…』

「Miss…miss lee,我地係咪要跟返進度?」我打斷Miss lee回憶那些年。

『呀…我興奮得濟唔記得左…人老啦就係咁…哼哼…』Miss lee咁講令我諗起一個怪人。

佢地一定好夾姐。

之後我同紫晴就用大約十分鐘講返星期六跟過既進度…
當然,我無讀到會計同偽紫晴迷暈我既事係無講到。

完成之後我就打返比阿kay,問佢地係邊間食…

「阿kay話就排到佢地啦…我地去到就差唔多…紫晴?」

『家…家蔚…』紫晴無行到『有…有人想同妳講野…』

「偽…偽紫晴?」

紫晴望一望我…然後笑一笑『偽紫晴呢個名真係好難聽哦。』

「因為妳本來就唔應該存在…妳到底想點…」

『我啊…』偽紫晴將食指放係唇邊『更係唔想錯過任何同家蔚獨.處既時間啦…』
 
「我其實已經攪唔清到底係偽紫晴妳鍾意我定紫晴鍾意我…」

『我地既心意係一樣的哦…但無紫晴…就唔會有我…所以我做咁多野只係為左紫晴…』

「但妳手段真係太…太惡劣…威脅呢樣野…如果紫晴知道…佢一定會好傷心…」

『結果就係最重要,過程係點根本就無所謂哦~』偽紫晴優雅地轉一轉身

「既係係咁…點解妳當初唔直接威脅我…威脅我同紫晴一齊…
唔係就公開我既秘密,咁唔係仲方便咩!」

『我啊…當然有咁諗過哦…但…』偽紫晴個樣變得好認真
『我唔想傷害妳…而且我希望妳可以真心愛上紫晴…』

「妳唔知到妳傷害我表妹…都係間接傷害更我咩!」

『唔同,我感覺有差,所以我點都唔會威脅妳…至於其他人係點我根本就無所謂~』

「所以…就算而家我知道妳威脅表妹…妳都唔肯放過佢?」

『無錯,呢個係底線』偽紫晴雙眼變得冷冰冰『就呢點我絕對唔退讓。』

睇黎言語都係影響唔到偽紫晴既決意…果然就只有行動最實際…

我諗返起星期六同冰瑤討論過既事

*