83.


「紫晴…我唔應該搵呢套戲睇,睇笑片咪幾好…」出到戲院我同紫晴講

『無…我無野…呢套戲好好啊...我…我好鍾意。』紫晴仲係眼濕濕…

「咁…咁就好,而家…不如去搵d野輕鬆下?之後食飯囉…」

『恩…家蔚妳話事啊…』



輕鬆…我地呢d年紀更係要去機鋪或者冒險樂園啦!
但呢頭又好似無冒險樂園…所以我就帶左紫晴去機鋪…

玩一d輕鬆遊戲…拍拍機個d女仔實岩…

一到機鋪門口,紫晴就拉住我…

「紫…紫晴?」我見到紫晴有d緊張…唔通紫晴唔敢入機鋪?「係唔係…唔敢入去?」



『唔…唔係…』紫晴面紅…有少少顫抖咁講
『我…我係諗更…難…難得黎到…不如…不如同家蔚妳…影張…貼…貼紙相。』

影貼紙相,一樣原本同我無緣既野。
 
「但…係呢到底點影嫁?」一入到去其中一格,我就問紫晴…

『其..其實…』紫晴都係dup低頭『我…我都無影過...』

好彩既係,部機入錢位隔離有說明係到…



所以就係入錢…之後禁制就影…可以影三次…影完就選想要既…之後開始加圖案…
嗯…無問題既…好簡單姐…

就係咁我就入左張二十蚊紙…螢幕遮住我地樣既字就無左…應該係再禁制就會所以倒數。

「紫…紫晴…我估應該係禁制之後就會倒數影…準備好未啊?」

『下?下?咁快?』紫晴非常之緊張。

「未…仲未…但禁制就會開始…有…有乜動作可以做?」紫晴咁緊張攪到我都緊張埋。

『我…我唔知…』紫晴面紅得非常利害

…唔知點解呢個時刻我開始想偽紫晴出現。



「咁…咁不如隨便影一張先…反正有三次機會…哈哈…」無經驗既毒撚,變左靚女都係無經驗。

『恩…恩…』

「咁準備啦…」我手震震咁禁個制…之後螢幕就出現我同紫晴個樣…
然後就係十五秒既準備…
十五秒…容易啦…喂…已經十二秒?

「笑…笑下…紫晴…」嗯…我而家既樣笑下就好好睇…無錯…

『家…家蔚…』但紫晴明顯緊張到笑唔到

最後影出黎既畫面,係我笑得非常僵硬…而紫晴好慌張咁望住我…
非常fail既畫面。



襯有半場休息…「紫晴…我地下一張一定要成功…」我嘗試安慰紫晴…

『恩…』

點解影貼紙相要影到好似第三次世界大戰咁?

「啊!」我醒起一樣野「V字手勢…女仔…唔係…影貼紙相好興嫁…」

『嗯…我都…我都聽過…』

然後,今次我地決定預習先…「紫…紫晴…」我非常唔好意思咁舉個V…「咁好唔好睇?」

『嗯…好啊…咁…』紫晴手慢慢舉起…學我咁…『我…我呢…』



「恩…好可愛!今次一定成功!」

唔知係咪我讚紫晴可愛…紫晴即刻又面紅…

「黎啦!」我維持個V字姿態望住個螢幕…但過左十秒…二十秒…點解仲未影既?

『家…家蔚…?』紫晴都係維持住我讚佢可愛既姿勢…

「係!」我覺得我有少少HIGH左…

『未…未禁制…』


 
就係咁,影完第二張我塊臉已經流哂汗…做V手勢個隻右手已經無哂力……



貼紙相…係一樣好深奧既學問…嗯…

但好彩第二張既結果都唔錯…

「乘勝追擊…紫晴!」我好興奮咁同紫晴講

『恩…恩!』紫晴點一點頭…睇黎都比我感染左…

第三張…第三張用咩動作好呢…

「紫晴…妳有咩諗法…最後一張?」

『我…我想拍返第一張既成…成功版…』紫晴講

「嗯…好提議…第一張實在係太失敗…咁準備啦…紫晴…」然後我就禁制…

笑…要自然既笑…嗯…自然既笑…

仲有七秒…六…今次一定成功…五…四…三…嗯?

「唔唔唔!?」紫晴突然一個急轉身錫埋我到…我一時三刻反應唔黎…

我只係望到紫晴合埋雙眼…長長既眼睫毛…

紫…紫晴?

定係…偽紫晴…

影完之後…紫晴就鬆返開嘴唇…我仲係好驚訝…

紫晴dup低頭…『我…我今日真係好開心…』面紅到好似蘋果咁...

係真紫晴…?

『我咁大個女…都未試過影貼紙相…家蔚…好多謝妳…肯陪我…』紫晴笑得好開心…

「恩…唔洗多謝喎…」我唔好意思咁RR塊臉…「紫晴妳想黎既…幾多次我都陪妳黎…」

『恩!』紫晴笑得好甜…眼前呢個又靚又純既女仔到底邊到可以搵喎?

可惜既係佢心入面有個魔鬼…一個我要消滅既人格...

「咁我地開始拾拾D相囉…」我望一望個螢幕…而家係比我地去加框框…加圖案既視窗…

第一張因為太殘念,所以我地都無點攪…
第二張就加個花框框…再加個日期…
再望第三張…真係…絕對唔可以比其他人見到…

『我…我想加個心心…可唔可以…?』紫晴難得地提議…

「嗯…妳話事…」

紫晴突然錫我…然後我非常驚訝…
一個心心係上面…左同右就分別寫左我同紫晴既名…就係第三張既成果…

行返出去廂外,我諗影貼紙相可以影咁耐一定得我同紫晴係咁。

「我地去食野囉?」我問紫晴…

『恩…』

而家諗返起…我都好耐無試過同人出黎行街…
而且仲可以咁溫馨…對上一次…唔計堂兄堂姐個次..好似就係同表妹出去…

表妹…到底幾時我地先可以返返去以前咁?
 
然後,晚餐就去左一間近期幾出名既日式餐廳食 (冰瑤推介)
冰瑤千叮萬矚咁同我講同女仔行街千其唔好食快餐…
如果佢唔係咁講…我可能又係學同表妹一齊咁帶紫晴食茶記算。

而家諗返…或者表妹其實都唔想食茶記…只係一直遷就我?

『家…家蔚…呢d雞肉幾好味…妳試唔試下?』食住滑蛋雞肉飯既紫晴好怕羞咁問我…

唔通…情況發展落去就係紫晴夾舊雞肉餵我食…
咁…真係無問題嗎?

「我…」天人交戰「好…好啊…」呢個係為左紫晴開心…無其他原因…

然後紫晴就用筷子夾起其中一個雞肉…慢慢…遞過黎…
我發現我個心跳得好快…吞一吞口水…

舊雞肉越黎越近…就到我口到…
『啊…』但最後一刻紫晴將佢放落我碗牛肉飯到…睇黎紫晴都過唔到自己個關。

一鬆口氣…我發現有d唔對路…

「倒瀉水?」我望一望我杯綠茶…無野喎…

『家蔚?』

如果無倒瀉水…點解我下面…濕濕地既…
唔…唔通…唔會掛?