85.


綁…綁架?
 
我真係唔敢相信而家發生既事…
我而家係部小型貨車上面…比人朦住雙眼…
 
隔離…紫晴…顫抖得好利害…
仲有表妹…


 
估唔到呢件事會發生係我身上…
 
係咪變左女仔…所以膽細左好多…
 
我好驚…
 
但係係佢地面前…要忍耐…
 
要忍耐…


 
 
星期六朝早,我約左紫晴係地鐵站等,
然後一齊去附近既一個公立圖書館自修室。

今日我專登帶埋個袋仔…為左回收野。

『家…家蔚…』紫晴面紅紅咁拎起個膠袋…『我…我琴日係屋企幫妳洗埋…』

…我唔敢想像偽紫晴琴晚對我既內褲做過d乜…



『我…我係咪多此一舉?』紫晴抬起頭問…

「無…」我終於反應過黎「點會呢,哈哈…我多謝都黎唔切…啦…」

我暗地裡想…呢個內褲應該唔會再著。

然後我地就行入去自修室,因為時間仲好早既關係…
所以自修室都唔算好多人。

紫晴既教學模式真係好得,我估順利繼續落去…
唔洗兩三個月就可以追返一年既進度。

「去食野囉。」到下午一點,我同紫晴講



『嗯…』

「我記得附近有間台式餐廳幾好味…嗯?」電話響起…唔通係冰瑤?

Because 愛是妒忌 愛是懷疑 愛是種近乎幻想的真理

表妹。

「喂…?」表妹竟然會打黎…睇黎冰瑤已經將件事講左比佢聽…

『表…表哥,你而家係邊?』

「我…」考慮左幾秒,都係決定講真話「岩岩係自修室溫完書…而家打算去食飯…」

『同…紫晴?』



「係…」

之後係短暫既沉默。

『我…我想黎同表哥你講d野…係咪我地去慣既自修室…?』

同…同我講野?「係…但我隔離…」

『叫埋紫晴一齊黎。』

「下?」

『就一齊黎啦…唔…唔好諗咁多…就係去慣個個公園…一陣見…拜拜。』



到底表妹妳想點?

『係咪…樂宜?』一收埋電話…紫晴就問。

「係…佢想搵我地…講d野…」

我完全唔知發生乜事…但睇表妹既反應…真係唔應該比表妹知道所有事…

睇黎導火線已經燃起…
 
好快,我同紫晴就行到去公園…
呢個公園平日下午都無乜人…我諗大概朝早或者放學先會有人,
但今日難得地我見到有兩個人坐係遠處既木椅到…但同我地無關係。

我見到表妹已經企係到…



唔…唔通呢個就係傳說中既修羅場?

如果表妹已經知道所有野…佢咪繼續扮傻咪得囉,點解要咁大陣仗?

『樂…樂宜?』見到表妹氣勢迫人咁企係到…真紫晴有D驚咁開口

『咪再扮野啦!』表妹即刻大嗌

呢一嗌令到紫晴嚇到震一震陣「喂,表妹…佢唔係…」

『我已經受夠…我…我啊…為左保護表哥…』

唔通…表妹…其實仲係乜都唔知?

『今日就要將所有野講清講楚!』


『喂你地好嘈啊?』一把陌生既男聲係後面響起…

我同紫晴另轉身,陌生男人一手(有紋身)攬住令一個女人既腰,個樣睇黎幾燥。

『阻住我同條女纏綿…咦?』佢望一望我同紫晴…『岩岩咁遠睇得唔清楚…原來妳地三個都幾索喎?』

「對…對唔住。」我嘗試道歉…睇眼前呢個人都係唔得罪得,
之後我另轉身,同表妹打個口型…「去第二到先講…」

『唔得!』表妹大嗌『唔得…』

『o靚妹,好串喎wo…』我估呢條友某程度上誤會左『我個名就神仙b,妳邊到嫁!?』

『阿叔…』講野既係偽紫晴『唔好阻住我地講野好喎?』

妳都參一腳?

「紫...紫晴...」

『家蔚唔好講野!』偽紫晴無視神仙b,注視住表妹...

唔係話我唔想提妳地...其實我地已經比一班人包圍左...
 
『兄弟,捉哂佢地返去比大佬…今晚我地有排玩啦!』
 
『噢!』群眾大嗌
 
喂?唔係話?最多比錢姐…唔洗攪咁多野…唔唔唔!
 
就係咁,因為附近都無乜人…我地三個人就比班人捉左上小型貨車…
 
真係上左車…比人朦住眼…我先知道呢一切都唔係玩…
雖然無綁到手…我估佢地應該覺得三個女仔做唔到d乜…
 
紫…紫晴…佢震得好利害…
 
「紫…紫晴?」我嘗試講野…
 
『嗚…嗚…』紫晴喊更…估唔到呢個時候先比返正身人…衰人偽紫晴!
 
『妹妹…今晚妳就唔會喊嫁啦…仲會好開心tim…』坐係我地對面其中一個聲音講
 
『夠啦,阿強。』另一把坐貨車前排既男聲講…
 
奇怪?熟口熟面?定係錯覺…
 
我唔知…
 
而家唯一要諗既…就係點脫身…
 
…我好驚…我真係好驚…