86.


唔知坐左幾耐…但應該唔係好耐…我地就比人帶左去一個應該係貨倉到…
之後就除左眼罩…而家係一間幾黑既房入面…無窗…
 
『妳地就係到增進下感情先啦!』應該係叫阿強既人 (朦住面) 關埋門…
 

 


我即刻企係身…雖然隻腳震得好利害…要搵辦法出去…
 
『最衰都係妳!』坐係到既紫晴即刻望住表妹『唔係妳…妳約埋係呢個鬼地方…』
 
『吓?』表妹張大眼『係妳攪咁多先會攪成咁!而家仲怪我!』
 
「夠啦…唔好再嘈啦…而家呢個情況…真係…夠啦!」我轉個身同佢地兩個講…
 
我…我已經…
 


就快支持唔到落去…
 
『表哥…』表妹望住我…
 
『哼!』偽紫晴就另埋一面。
 
就係呢個沉靜既瞬間…我聽到出門有人係到嘈
 
『捉一個咪得囉!而家捉咁多個一陣處理就麻煩!』
 


『係…咁而家點做好?』
 
處…處理?唔…唔會掛…
 
我望住表妹同紫晴…我…我一定要保護妳地…
 
無耐,就有個人打開門…都係粒住頭。

『啦…妳地傾成點?唔會想亂黎掛…』粒頭男講用把熟識既聲音講…

真係…好熟識…唔係聽錯…但到底係邊個呢?

『又點會亂黎呢…』偽紫晴將雙手放係地下…腳就跪係到…維持好似小貓咁姿勢…
『喂…哥哥…不如我錫妳一啖…放過我同隔離呢個女仔啊…』



咁表妹呢?

『唔洗嘈啦!』個粒頭男講『而家有個好機會...』

好…好機會?

『我大佬唔想一次過食咁多條女…雖然妳地三個都好得啦…但大佬話今日只係想要一個…』

咁…咁唔通…你地打算…滅口?

唔係掛?

『所以我大佬大發慈悲…只要妳地答應我地唔將件事講出去…就可以放走妳地…』

「一定唔講!」佢未講完我就即刻講



『其中兩個。』

下?

『嘿,只可以放兩個,不如咁啦…玩個遊戲…』

粒頭男指住紫晴…『由妳開始…順住落去…講一個妳想佢留係到既人…之後到妳』
指住我『最後到妳』指住表妹『最後得2票個個留低,公道到啦?』

咁…咁最好…我願意…我願意留低…

就算…就算我比人食…或者輪...輪...只要我可以變返男仔…咁其實可以當一切都發生過…
但表妹同紫晴…唔同…佢地永遠都係呢個身份…無得變…



我望住偽紫晴…「選我…」

『佢!』偽紫晴指住表妹…『一定係佢…』

『衰人!』表妹望住紫晴『往我仲一直當妳係姐妹!』

表妹…妳眼前呢個根本唔係紫晴啦…
 
『好…到妳。』粒頭男指住我…

我下定決心…「我自己。」

『表哥?』『家蔚?』兩個人即刻好錯愕咁望住我

「我選擇我自己...無問題可?」我問眼前個甩頭男…



嗯…
我既身體係點根本唔重要…最重要係妳地兩舍…

但…但係我點解會不自禁落眼淚…

『更係可以…但估唔到妳竟然咁選擇…佢地兩個對妳好重要?』粒頭男講

『表哥!快d改啦…改…改佢咪得囉…』表妹指住紫晴講『呢次唔算數啊!』

「表妹…」我望一望表妹,搖搖頭「我已經選左…」

『係囉,舉手不回頭。』粒頭男講『到妳啦巴渣妹。』

『邊個係巴渣妹?』表妹即刻怒視粒頭男…

『妳啊妳啊…』粒頭男睇黎玩得好開心『如果妳選得唔好一人一票就邊個都唔洗走!』

「表妹…所以,妳既選擇好重要…選我啦…」選我…妳地就無事…

『家蔚!咪玩啦!』偽紫晴即刻講

表妹用難以置信既眼神望住我…之後…
佢向住我微笑…『表哥…你真係傻…』

『點啊諗好未。』粒頭男催促…

呢個微笑…令我好不安…

就好似講更…

表哥,你已經為左我做左好多事所以今次就等我任性一次…”

「表妹…」

『我。』表妹望住粒頭男…『我選擇我自己留低…兩票。』

「表妹!」我激動得濟企起身

『哈!咁就得啦…咁我同家蔚就無事…』偽紫晴係隔離鬆一口氣咁講

「唔得!妳唔可以選妳自己…我…表妹妳明明知道我既情況…但…點解喎!」我已經控制唔到自己既情緒

『家…家蔚…?』偽紫晴大概估唔到我會咁激動…

「粒頭男!」我對住佢講「我願意同佢換…你地想我點都得…我…我…」

『家…家蔚…到底點解妳可以為左王樂宜…做到咁…妳地兩個…』

「有好多野妳永遠唔會明…」我望住偽紫晴…「但真既紫晴就會…所以…」

『夠啦…』表妹捉住我隻手『已經夠啦…表哥。』

…我…我已經好耐無掂過表妹隻手…

咁溫柔既小手…
 
眼淚,不自禁咁流出黎…

表妹…