96.


好彩既係,Miss lau好快就返左黎,一入到更衣室,
原本仲玩更我身體既個班女仔即刻0.03秒變返正經mode換衫,所謂既「增進感情」被迫終止
而我就搵縮埋係樂宜後面慢慢換…已經無心情再欣賞美景…

「樂宜…嗚嗚…」我感覺就好似比一堆人污辱完一樣。

『洗唔洗咁誇張喎!』樂宜抱怨咁講



我望一望已經著好校服既樂宜貧乏胸部,嘆一口氣「樂宜妳未試過妳唔明…」

『衰人!你又知我未試過!』樂宜睜住我講

換完衫出返去列隊,先見到陳芷螢休哉悠哉行入女更衣室。

「樂宜,芷螢一直都係咁?」我問一問排係我前面既樂宜。

『係啊…佢好少同我地一齊換…』樂宜講



奇奇怪怪,陳芷螢。

TB唔係應該對女仔既身體好有興趣嫁咩?
岩岩既身體交流佢應該都會好開心啊…

真係攪唔清楚呢個人。

返到課室,岩岩激烈既「運動」令到我攰到無哂力,決定伏係台面休息陣。



『妳好攰咁喎。』陳芷螢返到黎一坐低就同我講

「更係…」岩岩身體幾乎每一處就比人按摩完,點會唔攰。

係喎,難得挑起左話題…

「小影。」我望住芷螢

芷螢一聽完即刻好緊張,好驚其他人聽到咁『係學校叫返我做芷螢就得。』

「個日係足球場,我見到足球隊隊長黃道輝黎同妳傾計,你地…係乜關係?」

芷螢思考左一陣『點解妳有興趣知?』

仲諗住兩個女仔傾呢D話題應該好容易,原來根本唔係。



「無…無聊問下姐,明明有咁多女仔在場…但佢偏偏搵妳…」

『嗯…』芷螢『佢曾經幫過我…然後…我覺得佢大概係鍾意我掛。』

唔係大概,我覺得根本就係。

「但妳好似唔係咁接受佢,明明黃道輝呢個人咁高質素…」
我心諗,如果我真係女仔一定會迷上佢,可惜我係男仔,但邦彥又點計呢?嗯,其實我都攪唔清楚。

『無錯,仲係男神級。』小影果然係絲打『不過唔得嫁啦…總之就係唔得。』

「唔通…妳已經有鍾意既人?」我嘗試問「聽人講妳本身去足球場都係好奇怪既事…」

芷螢一聽完即刻有少少面紅『點…點會呢…哈哈…』



有古怪,一個平時唔去睇人踢足球既女仔一定係為左仔先去睇,
我點解咁肯定,因為我自己就係咁!

陳芷螢一定有古怪!
 
我嘗試將所有野歸納一齊…
芷螢,同全班人都唔FD…就只有邦彥一個比較FD…
足球隊…邦彥係足球隊一份子…

唔通…唔會掛…
如果,芷螢去睇足球隊選拔唔係為左黃道輝,咁即係...

「唔通…」我細細聲同芷螢講「係邦彥?」



『下!下?』芷螢面紅得更利害『點會呢!』

…妳咁講即係100%係...

原來眼前呢個小影真係唔係TB…

佢有鍾意既人…
而且佢鍾意既人,都鍾意佢…係兩情相悅…

我忽然有D心痛…但唔係因為得曉邦彥同芷螢都鍾意對方呢件事…
而係…兩情相悅既人偏偏無得開始呢件事…諗起之前既我同樂宜…

嗯!我更加要放開自己既私心…
既然佢地都係鍾意對方,咁所有野就易攪啦!



我望住芷螢,佢而家眼神閃閃縮縮「加油啦!」

『我…我…』芷螢口窒窒『嗯。』

為左所有人既幸福,陳嘉為你要行動啦!

*

『下?約芷螢去迪士尼?』邦彥聽完我個計劃之後問

「嗯,其實邦彥你有無試過約過佢?」我有d好奇咁問

『無…因為我知道佢唔會想出黎…』

邦彥你錯哂…真係錯哂。

聽左冰瑤既建議,決定唔將邦彥同芷螢兩情相悅呢件事講比佢地知,咁成件事發展會真實好多。

「好簡單姐…只要話我地都會去咪得囉,但到時我地都會放哂飛機!
最後得返你地兩個…既然都到左,無理由唔玩嫁嘛…係咪先?」

你地肯定覺得呢條橋好爛,但橋唔怕舊,最更係要受。

而且只要邦彥叫到,芷螢點會唔去喎…

*

『唔去。』邦彥問完之後 (我係隔離偷聽),芷螢即刻講…

What the fuck?
 
唔通樂宜殘念既計劃真係會傳柒?

我不能接受.jpg

我即刻彈出去佢地面前,「點解唔去喎!」同芷螢講

『妳偷聽?』芷螢問

「我…我咁岩行過之嘛!」

『哦?』芷螢用深度懷疑既眼神望住我,然後好似突然醒起d野咁瞪大眼『哦!妳...妳...』

唔通佢發現左我既詭計?

我即刻講「咁難得我地去玩,芷螢就一齊黎啦…我地…我地唔係朋友咩?」

朋友兩個字好似震撼左芷螢既心靈『朋…朋友…』

然後佢dup低頭『但…但係我無錢…』,原來呢個先係主要原因。

邦彥正想開口,但比我搶先左「我有免費飛啊!」

『『下』』邦彥同芷螢同一時間望住我,邦彥一臉『乜我唔知既』既樣。

為左所有人好,小小錢我比得起既!
就係咁,終於說服左芷螢,仲問埋佢拎電話,計劃暫時都算進行得好順利。

*

『飛要幾多我有幾多啦…』夜晚,係老麥同冰瑤講完之後,佢好從容咁講

有錢人既世界我永遠理解唔到「咁就好…可以省返d錢…」

『我越黎越覺得陳芷螢呢個人好有趣…』冰瑤淡淡咁講

「點解呢…」『我就覺得佢無乜特別啦…』我同樂宜分別講

『唔知呢,我就覺得佢好似一個人啦…』冰瑤若有所思咁講…

但追問極佢又唔講喎。

*