114.


『家…家家家蔚…』阿林講『同…同學。』
 
「凡…林同學…你係咪有事搵我?」
 
『係…係啊…我…我…我呢…』阿林成身都震得好勁,特別係手,唔知仲以為佢患上柏金氏。
 
「冷靜d…林同學…冷靜d…」我同阿林講


 
『我…我呢…第一…自從第一日…見到家…家家家蔚妳…就…就就就…』
 
「就就就點呢...」我不自禁模仿佢講野方式
 
『就鍾意左妳啦!』阿林突然講
 
果然係咁!我心入面一直就係咁諗…但又唔想承認既事…
 
告白…


 
「下…」但真係太突然…我…
 
『可…可可可唔可以比個機會我我我…』阿林繼續講
 
『『嗚啊!加油啊!凡士林!』』後面突然有一班男聲大叫『努力!』
 
我向後望一望,係阿林既一班毒撚fd,佢地而家企哂係門口,好明顯係幫阿林助威。
 
『比個機會我做妳男朋友!家蔚!』


 
點得喎?我…我又唔係識左阿林好耐…而且對話次數…幾乎…唔係…根本係零!
亦因為我地根本無交流,我又派唔到好人卡…咁…咁…
 
點算好?
 
「我…我…」就好似突然比人逆轉形勢一樣,而家到我不知所措。

反而本來口窒窒又好驚青既阿林,而家就好堅定咁等待我既答案,
點解會變成咁嫁?

「我…我…」仲要有一班男仔係後面望住我…真係好尷尬

好尷尬,羞死人啦…



真係好想一走了之…

但個退路都係比班男仔封住,點走喎…

無得走…又唔知點認對…

我…我…

『家蔚?』阿林再講

「唔得…唔得呀呀!」我終於忍唔住爆發「我…我…」

既然無得派卡…就唯有用呢招…

「我已經有鍾意既人啦!所以…所以唔好意思!」



估唔到我都有比男仔告白既一日…而且再附加埋拒絕tim…

講完,我見到阿林雙手墜低,成個人好失落…就好似末日提早降臨咁。
我向後望一望,見到原本支持阿林既個班毒撚都行前左幾步…應該打算安慰阿林…

門口有空隙,係機會啦…

陳家…為…係機會啦…

「咁…真係…真係唔好意思…我…我走啦…」我之後就慢慢後退…

『家蔚…』阿林開口…『可…可可唔可以話比我知…妳…妳鍾意既人係邊個?』

「吓?」我好驚訝咁張開口



『我…我想以家蔚妳鍾意既人做榜樣…向佢學…學習…
我…我相信終有一日會成為家蔚認同既人…既!』

我驚訝,
因為眼前呢個毒撚實在太令我跌眼鏡,
毒撚,平來就應該平平淡淡過日子…經唔起風雨…只沉醉自己既世界…

但阿林…佢願意為左我去改變…

『所以…請話比我知!當我求下妳!』阿林激動到跪低…

所以…就係呢個請求,我唔好意思拒絕…

我鍾意既人…我第一個想像既人…





一個比到溫暖我既人…

邦…

「邦…邦彥…?」我連自己都未理解完個究竟…就開口講左出黎…

唔係樂宜…係…係邦彥…?

點…點解?
 
 
 
阿林一聽完就好似justin bister比子彈掃射十粒鐘咁,頭同手都一齊墜低左…

『『竟然係邦彥?』』後面班毒撚們一齊感嘆『『咁凡士林實無得鬥啦…唉…』』

『雖然係咁…』阿林仲係dup低頭,不過我聽得出係佢講野…
『我會努力…我會追上邦彥…我會…我應承妳…家蔚…』

「唔洗應承我…我…我走啦…」

我無再望過班男仔一眼,只係一個勁咁離開天台…

我唔想再留係到…

因為我仲好介意自己岩岩講既野…講出黎連我自己都唔信既野…

明明係樂宜…但我講左邦彥…明明係樂宜…但我講左邦彥…

點…點解?點解呀!陳家為!

唔通我個心始終…始終放唔低邦彥…

放唔低…放唔低…我…



個心跳得好快…



唔得…咁樣對唔住樂宜…對唔住芷螢…

而且我…我係男仔啊…

係男…男…

我企係大街上面,周圍人來人往…


我…係…男仔?

*