115.


返到屋企,堂姐唔係到,但佢留左張紙條。

(今晚上司帶我出去識人,唔洗煮我飯 – 堂姐)

咁今晚晚餐食返早餐既魚柳沙律算…
反正…我都無心情食…



我成個人訓落梳化,因為無望清楚,訓落去先發現梳化上面有野…

堂姐試完既衫。

無論係性感既,保守既,時尚既都有…我自己唔係好識分別d衫叫咩名啦…
但我見到個件衫…堂姐琴晚著過既黑色緊身裙…隔離仲有決勝內衣…

咕嚕,我吞一吞口水。

人一世…物一世…



不…不如…試下…著…囉?
 
但當我拎起套決勝內衣,我即刻打消左念頭,
唔得…呢個對我黎講太刺激啦。
 
有…有緣再試…嗯…
 
就係咁我放返低套決勝內衣,拎起件緊身裙…
 


呢件…
 
我又吞一吞口水…
 
想像返琴日堂姐個樣…
如果我著上身…係…係唔係一樣咁正…一樣咁煽情呢…
 
堂…堂姐又無咁快返…
無人會知道我著過…嗯…試…試下囉…
 
所以我就除左套女裝校服…
慢慢…將件緊身裙套上身…
 
果然…唔易著…因為真係幾緊下…特別係下身…
但可能我身材比堂姐更苗條既關係,所以都唔洗用好耐時間就著好左…


 
點講呢…個感覺就係…好似隨時都會爆衫咁…下身既情況更嚴重…
我相信,只要太大動作,跳呀跑呀…就爆硬咁濟…
而且呢,想坐個陣,個壓迫感就更加大,所以真係任何行動都要加倍小心。
 
之後我就行去塊大鏡到…
 
嘩…
 
真係好得…而且學堂姐話齋…
因為我個樣都算幾成熟…所以一d都唔會有違和感。
 
我又嘗試學雜誌d model咁擺左幾個姿勢…
 
唔知…邦彥見到…會有乜感覺呢…


嘻嘻…一定會讚我靚姐!
 
我有個想法…不如影低佢囉!
之後等聽日…或者星期六…搵個機會…
 
係我沉醉更我既計劃個陣,有個電話打黎…
 
係一個不明來電…
 
根據過往既經驗,一定係樂宜,係樂宜先會係重要moment搵我...

「喂…樂宜?」我一聽電話就即刻講

『佢睇黎真係好掛住妳喎…樂宜。』呢句唔係同我講既,但我聽得出係冰瑤把聲。



「冰瑤!」我一聽到把聲就好激動,好似有d野想同冰瑤講,但又醒唔起…

「點解咁遲先打黎既?」結果我就係講左呢句

『我地到左澳洲兩日啦…但一直搵唔到機會打比妳,
因為頭兩日住個度通訊系統太差啦…我地試過上網又搵唔到妳。』

「我雖然有用到電腦,但無開到facebook或者msn呢d野…」

因為…我…我開電腦主要係忘我地研究做女仔所需要注意既事項,

『咁我叫返樂宜聽啦…』冰瑤繼續講『佢呀…想搵妳好耐。』

我聽到佢隔離樂宜發出「咩喎!」叫聲,之後就接過電話…



『表…表哥。』

「妳過成點呀?係個邊…」

『好好呀…溝通都唔難…冰瑤英文不知幾勁!而且導師可以比我地自己選同房…
所以我地四個女仔而家同房呀…冰瑤…我…紫晴…芷螢…』

「咁妳仲可以叫我表哥?芷螢係隔離喎…」

『放心啦…佢去左沖涼,而紫晴呢,就已經訓左,因為已經11點啦...』

「哦…咁都好d。」

『咁表哥你呢…無問題嘛…有無準時食藥呀?』樂宜問…

我終於醒起…想同冰瑤講乜…係…係藥!荷爾蒙藥!

我大概知道我今日係天台到講邦彥既原因啦!
係因為…係我唔清楚既情況之下…女性荷爾蒙已經…已經…再壓制唔住…

唔得...我…我要同冰瑤講…


但我又諗起堂姐同我講過既野…

『如果你將件事講比樂宜佢地聽,咪棧佢地個旅程玩得唔開心!』

…我望一望日歷…的確…一講左佢地就會為我件事擔心,煩惱…
咁成個旅程就會比我一個人破壞哂…

我唔應該咁自私…

而且…而家發生既都係好普通既事…我仲可以應付到…

嗯…

『表哥?』樂宜見我好耐無回應,所以再叫一叫我

「無問題呀~藥我更係有準時食啦!咁重要既野!」所以我決定講大話…

『咁就好啦。』樂宜回應。


我記得我講過要學識獨立,呢個係第一步。
 
*