124.


第二日下午,我去左接樂宜機。
我大約係預定時間早左半個鐘到,但等左大約一個鐘都未有人出現…

最衰無同樂宜佢地講話接佢地機,一陣原來係我走漏眼見唔到佢地咪死!
所以我真係落足眼力望…

途中都見到一堆空姐出出入入,諗諗下將來做空姐都唔錯…以我既樣…一定得姐!



然後我就見到樂宜,紫晴,冰瑤拖住個行李箱出現…

「喂!樂宜…喂!」我揮揮手,因為太激烈所以胸部搖搖下,我見到隔離個男仔即刻斜住望…

我即刻另一另個身…

『家蔚!』樂宜一見到我…好開心,第一個加快腳步行埋我到…
『點解你會黎既...我有好多好多好多野要同你講呀!』



我都係…樂宜…係妳地走左既兩星期…真係發生左好多事…
 
冰瑤只係笑一笑『樂宜,妳就同妳親愛既家蔚團聚下啦…我幫妳同領隊報到就得啦…』

『唔該哂…小瑤!』小瑤?睇黎經過呢次之後佢地都成為左好好既朋友。

『家蔚家蔚家蔚…』樂宜繼續望住我…之後細細聲…『表哥…我…真係好掛住你...』

對住咁樣既樂宜…我…我真係…



『家蔚…』突然隔離有人同我講野…係芷螢…『我有D野想同妳講。』

樂宜有d不滿咁望住芷螢『係到講咪得囉…』

『對唔住…樂宜…』芷螢扭扭捏捏『係…係私人野…』之後就拉左我走…

「樂宜妳係到等我一陣…啦…」我向樂宜講

芷螢帶左我行十幾米…途中故意轉幾個彎,
我估佢係唔想比佢地見到…由其熟人…

『家蔚…』佢放左手…之後臉帶淚咁望住我…

點講呢,佢個表情,
就好似終於搵到好重要咁既野一樣...個種期盼...個種感慨...



「芷螢…你話私人野…唔通…你既記憶…」

但我未講完…就比芷螢攬住,係緊緊咁攬住


『媽媽!我好掛住妳呀!』

咦?


誒!?!??