132.


『唔洗唔開心喎~』訂完禮服離開間店之後,堂姐同我講

「我邊有唔開心姐!反正總有機會著既…係呢,話時話,結婚個日姐妹唔會得我地嘛?」

『更係唔會啦!雖然我個fd好多朋友都係外國姐,但都有專程返黎參加佢婚禮既姐妹既。』

「咁就好。」



『咁我走先啦…』係隔離既樂宜突然出聲…

『咦?唔一齊食飯?』堂姐好驚訝咁問

『唔…唔啦…屋企人話煮左我飯。』樂宜回應

「樂宜…不如我送妳?」送樂宜返去,都算做返我自己姐…

『唔…唔洗啦…芷螢佢要搬去你到住好多野攪嫁嘛…我…我就唔阻住妳地啦…』



「嗯…咁…拜拜…」『拜拜樂宜…』『拜拜…』

『咁…咁聽日見啦…家蔚…芷螢。』之後目送樂宜離開…

樂宜…

結果我地係銅鑼灣隨便食一餐就返屋企。

『啊~好攰呀!』返到屋企,堂姐無視地下既一堆行李躺係梳化上面。



『咁…家蔚?我訓邊到好?』芷螢細細聲係我隔離問

呢個係好問題…因為得兩間房既關係,到底應該同我訓…自己訓...定...

『同我訓啦!』堂姐舉起手『同我訓!』神情非常有企圖。

『芷螢妳都係同我訓啦。』我即刻同芷螢講。
 
『車!咁沖涼呢~芷螢~同姐姐一齊沖呀…』

「分開沖,分開沖。」我打斷堂姐講野

『我…我同意媽…家蔚咁講,分開沖就得啦…』芷螢講



我望一望芷螢,呢個傻女(仔)都算係咁,
記得體育堂佢都會刻意避開更衣時間,唔名正言順去偷窺女仔換衫,真係算係正人君子。

記得之前既我呀,就唔得啦…咁呀…明明係一世人都唔會有既機會黎嫁嘛!
至少係比班女仔同我進行身體交流之前都係咁諗啦。

但我有d擔心,芷螢其實會唔會對兩性既知識根本唔足夠呢?
話時話佢大概係十四歲個陣變成女仔…唔似我十六歲…嗯…

「不如…我同妳沖?」

『吓!?』芷螢好驚訝『同…同媽…同家蔚沖?』

『自私鬼!』堂姐彈起身『同我訓又唔得,同我沖又唔得!但同妳就得。』



「情況唔同嘛。」我望住堂姐講

『有乜唔同喎!』堂姐唔奮氣講

更係唔同啦!無論係乜情況我同芷螢都係會同一性別,咁當然無問題!
而且我係佢媽媽喎!不久既將來都會成日同佢沖嫁啦!

雖然咁講真係好奇怪啦…

「唔好理佢姐…芷螢…」我推一推芷螢「我同妳沖…」

『但…但好似…媽呀…』芷螢臉紅得好利害,但都係比我推左入浴室。

『人地都大叫媽呀啦!』堂姐繼續講『堂妹仲迫人!』



「因為真係”媽”呀!」我拋低一句,就關埋浴室門。

浴室到,芷螢用急得就快標眼淚既眼神望住我。

『真…真係咁?』

「有乜所謂喎…」我同芷螢講「反正我係男仔個陣妳又係男仔…
我係女仔個陣妳又係女仔…咁其實無問題姐!除衫啦…嘻嘻…」

之後我就開始除衫…但旁邊既芷螢都係扭扭捏捏…

「係咪要等我幫妳除!芷螢!」我嚴厲地望一望芷螢

『唔…唔係…媽…媽媽。』之後芷螢就開始除佢件衫…



好快,我地兩個就一絲不掛,玉白相對,
但芷螢,就用雙手加毛巾盡遮自己既重要部位。

話時話,上次同女仔一齊沖涼就係同樂宜沖…

樂宜…唔得…要搵D野講…我唔可以再係咁…「芷螢呀…」

『係…』芷螢仲係怕怕羞羞咁…

「呢兩年呢…妳無親無故…係咪真係好寂寞?」我問

『媽…媽媽…』芷螢望住我…好快又變得眼汪汪『一…一開始…我…我真係好寂寞…
但過一排…我…我幾乎已經習慣…但…但而家…』之後又衝埋黎抱住我…

『果…果然有媽媽係身邊…真…嗚…係…嗚…差好遠…』頭伏我既胸膛上面喊得好利害…

我好熟練咁…溫柔地幫芷螢掃背…「傻女…」就好似已經做左好多次...

雖然成件事真係好怪,不過我好享受而家呢份感覺…
 
雖然話就話一齊沖,不過其實都係各自各查肥皂,各自各去沖身。
好彩係夏天姐,唔係一定凍死。

『呃…攪咁耐攪乜呀!』一出到去,堂姐又瞇起眼望住我地

「唔關妳事啦~嘻嘻。」岩岩係母女(仔)同樂,妳唔明嫁啦。

『哼!懶神秘,分明係做完呢樣又攪個樣啦!』

「吓?」我一時三刻load唔到,但好快又知道堂姐講乜「點會喎!」

相反芷螢就傻頭傻腦,唔知發生更乜事,頭上面大大個問號,

『唔係點解攪咁耐喎!家蔚…你咁樣就係叫les啦!』

『les?點會喎!』開聲既係芷螢,露出焦急既表情

「唔好理佢姐!芷螢!」我捉住芷螢隻手「我地入房!」

『肯定係想繼續浴室做既事啦!車!』

「唔係啦!」之後我就拖住芷螢入房。

啪,關門。

『有朋友就唔理堂姐啦~大胸啦~識飛啦!家蔚!』門外面傳黎堂姐既不滿叫聲

「唔洗理佢,芷螢。」

『哦…媽媽…』芷螢望住我捉住佢既手『媽媽妳隻手真係好溫暖。』

「更係啦,嘻嘻。」我向芷螢微微一笑。

『係啦…岩岩柔姐姐講既野…』

「唔洗理佢啦…係呢…佢係妳既堂姨媽,見到佢有無乜野感覺?」我問芷螢

『呃…唔知呢…感覺好微妙…不過佢都好好人。』芷螢答

「係啦…只係份人大情大聖左d。」我坐上床上面,手都係捉住芷螢「坐上黎啦…芷螢。」

然後芷螢就坐上黎,我地兩隻手都係緊扣。

「我今晚要問妳好多問題嫁…芷螢,唔可以隱瞞我呀!」我同芷螢講

『嗯…一定。』

「而家我地既年齡只差一歲,肯定唔會有代溝啦,係咪先?」

芷螢笑一笑…

「首先」我另轉頭非常認真咁望住芷螢「妳黎到呢到咁耐…
有無男仔…曾經意圖或企圖或者已經成功同妳咩過…」

只見芷螢頭上面都係一個大問號,
嗯,雖然芷螢唔知係邊到學識les呀…百合呀呢d名詞,
但真正實用既兩性知識仲係唔夠,到底未來既性教育點攪嫁?

「啦…例如呢…嘴…嘴對嘴…或者…進攻妳下面…咁呢…」

『呃…』芷螢一臉苦惱

要諗?要諗!?要諗!?!?!?
 
大獲啦!唔係有人食左我個女隻豬嘛?