136.


呢晚,我同邦彥又去返足球場,
個個我錫左邦彥一啖既球場,我地一人買左一杯咖啡…傾左好耐…好耐。

到我睇返電話,原來已經十點…

「呀…好夜啦…我…我要走啦...阿彥。」



邦彥話呀...既然佢叫我小蔚,咁我就要叫返佢阿彥...
阿彥,幾好聽呀!

『去唔去食d野?小蔚你唔肚餓?』

「唔啦…再食就真係好夜…我屋企人會擔心。」

『咁我送妳返去啦。』邦彥企起身,伸出手…

嗯…我…我想…



「阿...阿彥呀...我可唔可以…勾住你隻手呀?」

阿彥微微瞪大眼,之後笑一笑『更係可以。』

之後我就勾住阿彥隻手…帶住幸福既感覺返去…

*

唔知芷螢同堂姐晚餐點呢,雖然我有sd過短訊比芷螢話唔返屋企食啦...



順便一提,因為唔想比學校其他人(除左樂宜)知道芷螢住係我屋企,
所以芷螢都會先離開學校返去屋企。

我一打開門…芷螢坐係梳化睇更電視…堂姐呢…應該唔係到…

「芷螢…晚餐…」

『我自己煮左啦…』芷螢答

「唔好意思呀…我…我呢…同人傾計所以好遲返…」

『唔洗道歉喎…媽…其實我已經慣左自己煮。』芷螢望住我講

對住呢句好似相當寂寞既說話,我下定決心之後都會盡量同芷螢食。



呢晚,因為堂姐話唔返黎訓 (話去朋友屋企訓),所以芷螢決定自己訓,
會唔會係琴晚既事,攪到芷螢驚左同我訓呢…

唔得…父母同仔女溝通唔埋就係由咁既情況開始!
我一定要諗辦法對芷螢好d。

諗下諗下,就訓著左…

我而家...身處一個相當黑暗的空間...

係夢...久違既夢...

『妳好似,已經決定做女仔?』上世既”我”問



「嗯…」我點點頭

『但妳最後選擇既…係第二個男仔…』上世既”我”睇落相當失望…

「對唔住…」我道歉

『唔係妳既錯,家蔚,我都想像唔到…子朗…佢唔願意出黎見我…到…到底點解…』

「但…但即使子朗佢出黎…我都…我都唔會用邦彥分開…」我同上世既"我"講「我好堅持...」

『咁…咁如果妳再唔係女仔呢?家蔚?』
 
如…如果我再唔係女仔?

「妳…」上世既”我”突然咁講,令到我好驚…口窒窒…「妳...講...講乜…」



『無…』上世既”我”搖搖頭『我只係好奇…妳對邦彥既愛情可唔可以超越性別…』

超…越愛情?阿…阿彥根本就唔知道我原本係男仔…
佢由最一開始所認識既陳家蔚…就係女仔,一直都係女仔…

「我…我…」如果阿彥知道我曾經係男仔…佢…佢會點…

『回答我…家蔚…』上世既”我”步步進迫…

「如果我變返男仔…」就算我願意…我相信阿彥都唔會願意…「唔得…」

即使佢願意…都只係因為我曾經以陳家蔚既身份存在過…
所以當係一個責任…根…根本唔會係佢本意…



「唔得…」我望住上世既”我”「如果我變返男仔…我就唔會同佢一齊…
因為…因為我真係愛佢!我唔想傷害佢…」

『因為愛…所以放棄嗎…』上世既”我”微笑…

「妳…妳唔會而家先打算…將…將我變返男仔…掛?」

唔通…上世既”我”因為我唔選擇紫晴…所以有呢個決定?
唔好呀…難得我下定決心…難得我終於可以同阿彥一齊…

唔好呀…

但上世既”我”只係微微一笑『我…我唔會咁做。』

「真…真係?」我向前行一步「真係唔會?」

『睇黎今次妳對呢個男仔係認真』上世既”我”將手放係我心口個位…
『今次呢個感覺…比起上次…強烈好多…』

「求…求下妳…我…我唔想而家先變返男仔…」我急得就黎喊出黎…

『我…始終係妳既上世…我啊…都想今世既我可以幸幸福福生活落去。』

「咁…咁即係…」

『而且…我仲係等更一個希望…我相信子朗始終都係出現…』上世既”我”講…

聽完佢咁講…我鬆一口氣…
然後…周圍都開始變得好光…眼前既”我”都開始變得模糊…

『而當子朗佢出現個陣…以家蔚妳而家既身心狀態…無疑係最好既一件事…』



我張開眼…用幾秒時間諗返岩岩發既夢…上世既”我”…

我…我…有無變返男仔?
我彈起身,發現胸口仲係好重…一雙玉兔仲係到…咁…咁下面呢!?

下…下面…仲係乜都無…
好…好彩…

睇黎上世既”我”真係希望我可以得到幸福…
而另一個原因…亦可能呢個先係真正既原因…

就係佢覺得以而家既我…去面對子朗既出現會係最好既狀態…

「因為愛…所以放棄嗎…」我重覆返上世既”我”講既野…

因為注定同性…所以唔想傷害對方…嘻…感覺我岩岩講左句幾酷既說話…

然後我諗起佢…樂宜…

因為愛…所以放棄…佢何嘗…唔係咁?
 
*