137.


第二日放學,阿彥佢因為要練習,所以我今日就照常咁返屋企…
當我同芷螢兩個食更晚餐個陣…收到冰瑤既電話。

『家蔚妳今晚可唔可以出黎,記住叫埋芷螢。』冰瑤講

做乜呢?



『係喎…』我同芷螢提起件事…『我身份證仲係冰瑤到。』

嗯…我估應該係還返身份證姐,
雖然冰瑤無講到應唔應叫埋樂宜…但我認為樂宜應該都會想去…所以我打左比佢

『好…好呀…咁一陣見,表哥。』睇個樣樂宜都應該食更飯。

一粒鐘之後,我地四個人又聚集係老麥。

「所以呢…冰瑤今日叫我地出黎係…」



『係關於呢張身份證。』冰瑤係背包到拎張身份證出黎,芷螢既身份證。

『啊…係我既身份證…』

『對唔住,芷螢,我原本話琴日比返妳,但因為研究耐左…』冰瑤道歉…

『無…無事啦…反正身份證都唔係常用既…』芷螢回答

「咁…咁冰瑤…呢張身份證…研究既成果係?」



『佢係有效既身份證。』冰瑤答

『「下?」』我同樂宜同時講,反而芷螢並唔係好驚訝..

『而且…個手法…』冰瑤望住我…
『同家蔚我叫人幫妳整既個張身份證手法係差唔多,而且係更為繁複…更為保險。』

「所…所以?」

『我唔知。』冰瑤搖搖頭『因為個個人去左外國,要等佢返黎先問到佢。』

「嗯…」

『係呢,家蔚,芷螢。』冰瑤望住我地兩個『妳地有無打算試下做親子鑑定?』



「下?」『親子鑑定?』

『做完咪可以知道妳同芷螢係咪真係兩母女囉。』冰瑤講

「係喎…我都唔記得有呢招tim!」我望住冰瑤「聰明…一於試下啦…」

『嗯…』冰瑤點點頭『頭髮就可以。』冰瑤再係袋到拎起兩個筒仔…

「嗯!」我點點頭,雖然我從感覺到已經確信芷螢係我個女,但有個鑑定始終唔同既…

當我正打算拔一根頭髮…

『咪住,為保險計?不如等我黎?』冰瑤講
『有時自己拔好易會錯…我成日聽到因為錯誤用左其他毛髮而攪錯既身份鑑定。』



「好…好呀…哈…哈哈…不過比其他人拔感覺硬係會好痛咁。」

冰瑤行去我後面,溫柔地輕輕一拔…奇怪,竟然唔會覺好痛!

「勁呀…冰瑤!」

『嘛…其實拔頭髮都有秘訣啦…』之後就行去芷螢後面『方便嗎?』

『嗯…隨便…』芷螢回應。

拔完之後,冰瑤收返埋兩個筒仔之後望住我…『妳同邦彥係咪已經一齊啦?家蔚』
 
冰…冰瑤點會知道呢單野?
如無意外…我望一望樂宜…唔通係樂宜講比冰瑤知?


 
『唔關樂宜事啦,家蔚。』冰瑤望住我『係我自己發現。』
 
「下…點…點發現嫁?」
 
『因為我見到家蔚妳好快樂。』冰瑤講『感覺就係有愛情滋潤既個種快樂。』
 
「下…哈…乜見到嫁咩…」我望一望樂宜…佢無乜特別反應
 
『家蔚,』冰瑤笑一笑『睇黎妳唔記得我都係過來人。』
 
係喎…冰瑤有kevin,所以佢都明白…
 
「係啦…」既然提起邦彥…同親子鑑定…「咁不如呢!親子鑑定
試埋其他既男仔?例如邦彥同子朗咁或者可以知道芷螢既爸爸係邊個


 
子朗只係其次我真係好想知道係到係咪邦彥
 
『家蔚妳同芷螢既親子鑑定我好讚成,因為係證明妳地係咪母子既有力證據
但爸爸呢我就反對。』冰瑤直接講
 
「點點解喎!」
 
『既然呢件事始終會發生,妳係咪唔應該咁早就知道呢?萬一就因為妳知道左個個人係或者唔係爸爸呢件事實而令妳有改變未來既諗法咁芷螢會變成點我就唔清楚
 
「冰冰瑤妳既意思係
 
『因為妳決定做女仔,就令到芷螢由男變女,
如果妳選擇換對象咁芷螢就算從此消失都唔出奇。』
 
咁又係
如果我知道芷螢爸爸唔係邦邦彥我或者真係有可能
 
「咁咁算啦」好失望但冰瑤係有佢道理
 
冰瑤用右手托住頭『咁啦…家蔚既然有男朋友…咁,
我相信下次呢到既聚會…就唔再同家蔚有關係啦?』

「下?我唔明既…冰瑤…話題轉太快我跟唔到啦…」

『關於如何幫助家蔚變返男仔既小團體,今日就係最後一次聚會…』冰瑤再講

「下…下…」係喎…當初…我…冰瑤…樂宜…就係為左幫我變返男仔先成日一齊…

但…但而家…既然我選擇做女仔…

『但目的只係變左姐...聚會都會繼續既...』冰瑤望住芷螢…『之後既著眼點就係放係芷螢妳身上…』

『下…我?』芷螢望住冰瑤…

『幫妳搵返記憶…仲有…我相信就算家蔚做女仔…都唔係無辦法幫芷螢妳變返男仔…』

『真係有辦法?』芷螢問

我同芷螢都係抱住相同的疑問...唔知點解,我覺得冰瑤只係想安撫芷螢。

『妳既記憶會係關鍵,芷螢,所以由而家開始妳要盡量努力搵返d記憶返黎。』

『嗯!』芷螢點頭。

感覺…真係好微妙…而家既芷螢…就好似三個月前既我咁…

『所以…』冰瑤企起身『家蔚…下次既聚會,
妳就係以芷螢媽媽既身份,而唔係關鍵人物既身份啦…』

「妳咁講我會覺得寂寞啦…」

『咁我走先啦…下次見啦…』冰瑤揮一揮手…

『『「拜拜」』』我地三個同時回應…

下次既聚會,我就唔係比人幫個個,而係幫人個個…嗯!
 
*