141.


第二日lunch,因為考試迫近,所以我地決定唔出去食。

『我同樂宜落去買三文治,表姐要唔要?幫妳買埋?』阿kay講

「好…但…但會唔會麻煩妳?」我拎住本會計書,紫晴係隔離教更我。

『唔會啦…都係飲熱咖啡?』阿kay再講『如果無既熱朱古力岩唔岩?』



「嗯…多謝啦…上到黎再比返錢妳…阿kay…」

『嘻嘻…我地行囉,王樂宜!』

然後,我察覺到阿kay隔離既樂宜,露出一瞬間憂慮既表情。
 
點解呢,我已經好耐無見到樂宜有咁既神情…

『愛心外賣到!表姐…嘻嘻…』好快阿kay同樂宜就返黎,



「幾多錢?」我接過阿kay手上面既三文治,同熱飲。

『十五。』阿kay講

比完錢之後,我就一邊食一路聽紫晴教會計…
得返一日…不過而家進度都算唔錯,即使唔會高分,但都唔會話唔合格,

琴日都教到阿彥啦!係咪先…



『啊…一陣又要上體育堂啦…』阿kay講

「嗯…聽日就考試都仲要上…我真係好想用呢d時間黎溫書...」

『係啦…表姐你唔會又走左去唔同我地換衫嘛…嘿嘿…』阿kay再講

雖然之前幾堂體育堂我都有上…但因為第一次換衫既不好回憶
所以我都係無同佢地一齊換衫…
但…既然我都要選擇做女仔…應該要習慣下。

『咦!家蔚終於一齊換啦~』係更衣室,小藍好開心咁講

『係呀…嘻嘻…』阿kay係隔離好開心…

『我真係好懷念家蔚既胸部啦~嘿嘿…』小藍色迷迷咁望住我…



「呃…」所以我就縮去樂宜後面…

樂宜咁岩除左校服…露出白滑既背脊…

「嘩呀~」我反射性遮一遮眼…

誒!?

『家…家蔚?』樂宜擰轉頭望住我…

「無…無野…」我望住樂宜既身體…「咦…樂宜妳個胸…好…好似大左少少喎…」

一講完樂宜即刻面紅…『大!都唔關你事!』雙手抱胸…又擰返轉身。



換完衫之後,我帶住一種好奇怪既心情走出球場…
咦?點解好似怪怪地…到…到底…

『家蔚…妳好似怪怪地咁…』臨放學既時間,紫晴係隔離問…『神不守舍咁…』

「無…無野啦…哈哈…」

放學,今日都係約左阿彥各自食完飯之後一齊溫書…

而我下定決心,琴日食完咁肥膩既大雞,今日一定要食清淡d…嗯...清淡d!

『嘩!點解今日係牛扒既?點解呀?』堂姐見到台上面既牛扒…即刻問

「嗚…」點解我會買嫁!?



可惡…個老闆話買一送二…結果…嗚…
點解呢個世界咁多吸引?

『家蔚既牛扒…懷念既味道。』芷螢邊食邊講…好開心…

不過見到芷螢咁開心…都算係咁啦。
 
『小蔚妳係咪唔舒服?』溫溫下書,阿彥好擔心咁問

「唔…唔係啦…可…可能只係聽日就考...太緊張姐…」我同阿彥講…

『不如…今日就溫到呢到?格硬黎只會辛苦自己咋…小蔚。』阿彥微笑...

阿彥…真係關心我…
點解我會胡思亂想呢…點解琴日要閃開呢...



「好啦…今日到呢到…」我望住阿彥…「我諗更呢…阿彥呀…」

『小蔚?』

「考完試之後呢…有三日假…不如…呢三日假我地…出去玩下?」

『小蔚妳想去邊?』

「我個fd呢…係離島個度有間空既別墅…不如我地去玩下…就…就…我地兩個。」

如果叫冰瑤問kevin,佢應該肯掛?

『一於咁話。』阿彥諗都唔洗諗就回答...

「阿彥…」太好啦...

*