143.


「阿kay…」我擰住返身…望住跪係到既阿kay…「我…我講過我無怪妳…
所以妳根本唔洗內疚…根本就唔需要做妳所謂既補償…」
 
『嗚…嗚…表…表姐…』阿kay dup低返頭繼續喊...
 
「我一開始或者真係覺得自己同阿彥一齊係自私左…但…但經過同佢一齊既兩個星期…』
 


嗯…就算食返藥…自己男性化返少少…但係…
 
「我明白到…就算食左藥…我…我對阿彥既感情都係無變過…」
 
嗯…無變過。
 
如果唔係我點會咁期待宿營?
咁期待同阿彥兩個人既時光…
 
『家…家蔚…』樂宜望住我…


 
「所以…」我同阿kay講…「答應我…以後唔好再做呢件事…好嗎?kay…」
 
雖然阿kay無明確咁答到…但我見到佢點一點頭…
 
「咁就好啦,我…我要出返去啦…阿彥係出面等更我…我…同佢要一齊食午飯…」
 
好彩d學生走得七七八八…如果唔係岩岩阿kay同樂宜嗌得咁激…
一有人開門就死火…但…但唔代表出面聽唔到…
 


希望…阿彥佢聽唔到…
 
我打開門…見到阿彥係離女廁都幾遠既地方托住腮望住天空…
嗯…以呢個感覺…佢岩岩應該乜都聽唔到…
 
好…好彩…
 
「阿彥…」我正想叫佢…「呀!?」突然比人撞一撞…係阿kay…
 
阿kay好快咁係我旁邊跑過…向住阿彥既方向...
 
『鄭青琪!』後面既樂宜大嗌…
 
『跟我上黎!邦彥!』阿kay捉住阿彥既手臂,之後格硬拉住阿彥…
 


『下?阿…阿kay?』阿彥一時三刻反應唔黎,好被動咁比佢拉住…
 
「停…停呀…」因為反應唔切,加上被撞一撞,
所以講呢句個陣阿kay同阿彥已經轉左樓梯上去…
 
『家…家蔚無事嘛?』係旁邊既樂宜問
 
「無…我地上去…」以咁既路線…阿kay應該係想上天台…
 
上天台…
 
我有個好壞既念頭…非常壞…
 
阿kay妳…唔會想...
 


打開天台門,果然,阿kay同阿彥都係到…
 
「嗄…嗄…」好攰…本來運動就唔夠…而且跑得咁急…
 
『阿kay…妳做乜拉我上黎?』阿彥難以置信咁望住阿kay『妳…妳喊完黎?』
 
『唔好理我咁多…邦彥…』阿kay望一望阿彥…再望住我…臉仲係有淚光…『表姐…』
 
我覺得個壞念頭好快就會成真…唔得…我…我要阻止阿kay…
 
「唔…唔好…」
 
『唔好呀!鄭青琪!』樂宜既大嗌打斷左我…『妳應該支持佢地嫁…妳應該…』
 
『我唔係妳呀!王樂宜…我唔可以好似妳咁口不對心做人!』


 
就好似講中左樂宜既要害…樂宜即刻無野講…只係愣住企係到…手擺上心口…
 
『口不對心?』阿彥仲係好錯愕…就好似岩岩一入廁所既我咁…
 
『係!邦彥!』阿kay望住阿彥…『我要同你講一件事…』
 
「唔好呀!」
 
如果阿彥知道左…阿彥知道左…
 
咁我地既關係…就會…
我地既宿營…就會…
 
所有野都會…


 
「唔…唔好…」我向前行幾步…淚珠已經不自禁流出黎「阿kay…嗚…唔好講…」
 
『雖然好對唔住…但…但係我…』阿kay望住我…『對唔住。』
 
『小蔚…』阿彥見到我喊,想向前行,但比阿kay捉住…『妳地到底攪乜?』
 
就好似一個炸彈…隨時已經準備好爆炸一樣…
 
我…我未預備好…
 
唔好呀…
 
『邦彥…佢…』阿kay指住我『陳家蔚…』
 
 
『曾經係一個男仔。』