144.


王樂宜視角

個一晚,我訓唔著。
原本…可…可以同表哥訓應該係一件好開心既事…

但…但已經唔可以再係咁…
王樂宜…妳…妳要學識放棄…妳明明已經同自己講過要放棄…



我慢慢爬落床…希望唔會嘈醒隔離既表哥同芷螢…
當我落左床…回望床上面…咦…阿kay都唔係床上面…

輕輕打開門…再靜靜關返…盡量唔發出一絲聲響…

『啊…』阿kay一見到,即刻好緊張咁,將雙手放入睡衣衫袋。

「鄭青琪…妳係到做更乜?」我盯住佢衫袋既位置...有乜野收埋左?



『無…無呀…嘻嘻…冷氣凍所以出黎暖暖身嘛!』阿kay講…

「嗯…好可疑。」

『咁…咁妳呢!』

「更係去洗手間啦!白痴!」我即刻講

*



「妳…妳岩岩放左d乜野係家蔚既咖啡入面?」星期一既下午課開始前,我捉住阿kay講…

『我…我唔知妳講乜喎…王樂宜!』

「唔好扮野!鄭青琪!我識左妳咁耐我會唔知妳想點咩!」

『咁…咁我想點呀…妳講呀!』

「個d藥粉…係荷爾蒙藥!」我接住講,怒視住阿kay「哦...妳個晚鬼鬼祟祟就係收埋d藥!」

『我…邊…邊會…』好明顯比我講中左,阿kay變得相當慌張。

「唔通個d粉係糖咩!鄭青琪…點解妳要咁做喎!家蔚明明已經話過唔會再食藥…」

『我…我要…我要改正返我之前做錯過既事…就…就係咁…』



「但妳咁樣就係瞞住家蔚!我…我…」我擰住身…「我要同家蔚講…」

但手比阿kay捉住…

『唔…唔好呀…樂宜…當我求下妳…』阿kay眼汪汪望住我…
『妳…妳都希望表姐…妳表哥佢可以食返藥…變返原本既佢…嫁…嫁嘛…』

「我…我…」我既希望…係…係表哥可以開心快樂…

但…但係…

『原本既佢…而唔係而家…同邦彥一齊...一個同一般女仔無分別既佢…』

但…我…我真係…放唔低…即使我口裡話支持佢地…


我…嗚…我好難受…好矛盾…

*

『咦…樂宜妳個胸…好…好似大左少少喎…』第二日既體育堂…表哥望住我講…

「大…大都唔關你事!」

的…的確係大左小小啦…但…但估唔到家蔚會留意到…
唔…唔通荷爾蒙藥真係有效…如果咁落去...表哥佢可以回復原狀...

咁我…我到底應該...點做...
 
然後…雖然…
 


*
 
考完第一日既試之後,阿kay提議考完試不如去遊樂場玩...

「我…我打算同阿彥….阿彥兩個去一去離島…」

同…邦彥…兩個人去離島…?

表哥…原來...你同邦彥已經去到呢個地步…

『嘻嘻,情到濃時就唔知嫁啦!』阿kay笑住講…

『咁…咁就唔知啦…』表哥細細聲講…

我...心...真係好痛...



*

雖然考試時期唔太能夠觀察到表哥既一舉一動…
的確,我睇得出表哥已經慢慢男性化返…而佢本人…並唔係好察覺到…

但唯一無變既…就係佢對邦彥既感情…

「家…家蔚…點解無啦啦係到傻笑?」放學,我問一問隔離傻笑既表哥…

『呀…考埋聽日就可以去宿營啦…』表哥笑得好開心…

…睇黎佢真係好期待…同邦彥既宿營...

但…但我竟然隻眼開隻眼閉比阿kay暗地裡做呢d事…

我…

*

『妳捉我黎又係想同我講個件事?樂宜?』係女廁,一鬆開手阿kay就講

「係。」我點點頭

『…妳都見到啦…就…就黎成功嫁啦!』

「但…但我已經唔想再係咁…因為…因為我知道家蔚對邦彥既感情…係真既…」

『唔係真!』阿kay大嗌『所有野都係因為佢無食藥先做成!』

「望清楚現實啦!鄭青琪!原本藥只係隔兩日先食一次…
但…但妳而家幾乎日日都有落到粉…但妳睇下!家蔚佢對邦彥既感情根本無變過!」

所…所以無論邊個表哥先係正常…食藥定唔食藥…

佢…佢都係對邦彥…一心一意…

『咁…咁就一直比佢食!』阿kay繼續講『藥粉…本…來來效用就係少d…』

「妳就係鑽牛角尖…」

『個個係妳!樂宜!』阿kay講『我...我無…』

「夠啦!」我搖搖頭「我…我要同家蔚講…我已經決定…」

『衰人!』阿kay睜住我…我又回睜佢…

就係呢個時候…女廁門口打開左…

係…係表哥。
 
王樂宜 視角