146.


所…所有野都已經完結…
嗯…完結…

頭…頭好暈…身體又好似熱熱地…

討厭既天氣…討厭既空氣…討厭既世界…



我…我唔想其他人搵到我…我只想自己一個靜靜…
漫無目的…行屍走肉咁就行到去屋企附近一個平時唔會去既籃球場…

隨便…搵左個空位坐係到…
因為下午時間…所以球場都無人…

好…好空虛…真係好空虛…
空虛到…就算肚餓都唔覺得係乜野…

好累…反正無人…坐係到訓…訓返教應該無事掛…


嗯…唔…唔理…

『小姐…小姐…』

朦朧中…有把男聲叫我…我慢慢張開眼…係警察…

「係…係?」我望一望周圍,天已經就黎黑…已經有d小學生打更波…

『無…小姐,有人話妳訓係到好耐驚妳係暈左,所以叫我黎…』



「無…無野…」我企起身…仲係暈暈地…

嘩…岩岩坐係到訓咁耐…我姿勢係點嫁?著住校裙…仲要咁短!
肯定走過光啦…一…一定比人影左相都唔知…

啊…點…點解今日個天要對我咁殘忍!嗚...

『一個女仔人家就唔好係街到訓啦,好危險嫁。』警察講

望一望呢個警察又熟口熟面。

『小姐?』警察再講

「係…我…我記得嫁啦。」係啦…同上次樂宜幫我趕走mk個係同一個警察...



又會咁有緣既,不過佢應該唔記得我嫁啦…

『咁就好。』之後個警察就另轉身走左去。

然後,一冷靜返黎...又好似比人提醒一樣,我又諗起阿彥…

阿彥…

暈暈地…我又醒起午餐都未食…要…要搵野食下…

然後,我冒著比人搵到既危險去返去慣既茶餐廳…
因為個度…先比到我安心感…而且我都諗唔到邊到有野食...

「老闆…一位…」我同老陳講



『係既…小姐』老陳講,之後佢細細聲行埋我到…『今日有妳要見既人啦…』

「我要見既人?」我一臉不解…但頭好暈…唔想去諗…

然後我就行去坐慣既位…

過一陣...招乎我既係…一個好濃黑色頭髮既男仔…

『hi…家蔚。』我幾乎唔認得佢…如果唔係我見到佢右手上面既玫瑰花紋身

阿理…
 
「阿理…你…你染返黑髮?」我好驚訝咁望住黑髮既阿理

『係…自從…個件事之後。』



個件事,應該係指佢媽媽過身既事…

「嗯…但黑髮返都好呀…你…你原本咁靚仔…金髮太誇啦...」

『過獎啦。』阿理笑住講

「咁…你呢期過成點?」我望一望周圍「不如你坐低傾啦…反正無乜客…」

『嗯…』阿理坐係我對面…『整理完後事之後…而家…得返我一個…
不過有個親戚幫我申請左一d資助…再加我開始返打工…所以都無問題。』

「咁就好…」

『但…但係一個人住都係好寂寞啦。』阿理繼續講



「嗯…我明白…幾個月前我都好似你咁…一個人住…」

『但至少…妳爸爸係一個好人嘛。』阿理講…

「嗯…」

無錯,阿理爸爸係阿理好細個就久人周身債,之後就拋棄阿理兩母子…
佢兩個一直相依為命…但而家阿理媽媽都去左…

所以就得返阿理一個人…
比起佢…我真係好好多…

『常餐呀!』老陳放低d野食…之後就行開

「我…我都未叫。」我好驚訝,望住阿理

『其實我見妳入黎就幫妳叫定…妳唔會唔高興可?』阿理講

我笑一笑「點…點會呢,多謝你就真!」

之後我就開始食野…阿理就行開左...
嗯…明明肚餓…但又唔係好有胃口…而且頭都仲係好暈…

『係呢…我見妳好似唔多開心咁…』食到一半,阿理又坐返低…

「無…我無事…」我講大話...

『呃…咁可能係我多心啦…』

阿彥…

「我…我食完啦…要返去先…」我拎起張單,同阿理揮手…

『拜拜…』

出到餐廳…我又再次一個人…

返去…返去邊?
我知道樂宜一定係屋企等更我…佢一定將件事講比芷螢同堂姐知…
我唔想面對…我…我好想逃避…

行下行下…又越黎越頭暈…最後行到去樓下既公園…

我又隨便再搵個位坐…天好黑…周圍無人…
負面情緒又開始湧上黎…阿彥…嗚...我...我好痛苦...

原…原來失戀就係咁…
樂…樂宜…原來妳曾經都咁痛苦…

『家蔚!』遠處有個人影行埋我到…係…係咪阿彥…

係咪...佢終於黎搵我...?

但唔係...
 
『家蔚…妳…』係阿理…佢好擔心咁望住我…

嗯…點會係阿彥呢…哈哈...佢已經…已經唔會再搵我…
連電話都無打比我已經證明左…

嗚…