147.


『妳真係好唔妥…我見妳係餐廳已經面紅紅!』阿理放隻手係我頭顱『妳發燒呀!』

「我…我無事…」原來發燒…唔怪得咁暈…

考試完…壓力一放鬆就遇到個件事…唔病…先出奇…

『妳屋企係邊?家蔚?等我送妳返去啦。』阿理繼續講



「唔…唔洗…我…我唔想返去…」至少今日…我唔想返去…

『但…但咁樣…妳唔掂嫁!』

「我唔想返呀!」我大嗌…即刻覺得更加暈…

『咁…咁…』阿理不知所措…『唉!妳不如黎我屋企啦!』

「唔…唔好…咁阻住你…」



『咪又係得我一個!我屋企都無其他人…』阿理講『留妳係街頭我就一定唔放心啦!』

「咁…」而家係信任既問題…我…我係女仔…去男仔屋企始終唔係咁好…

但…但我唔想返屋企…又無可能真係留係街…
我…我唔知點…

『唔好諗啦!』阿理捉住我隻手,拉起我『我屋企都有藥…可以比你食…』



之後發生乜事…我都唔係記得太清楚…

到我醒返…我訓係一張床上面…蓋住被…頭上面有冰袋…

呢…呢到係邊到?
 
: 我訓係到,望一望周圍,係一個陌生地方…
我…係邊…

我記得…好似係公園見到阿理…之…之後…
阿理帶左我返佢屋企。

「嘩!」我彈起身,冰袋跌埋左一邊

我即刻打開張被,仲係著住校服…內褲…亦…亦都係著住…


而下面…都無乜異樣既感覺…好正常…

『家蔚?』有人拍門,把聲應該係阿理『我聽到妳大嗌,無事呀嘛?』

「無…我無野呀…哈…哈哈…」我好慌張咁應...真...真係係阿理屋企!

『咁就好。』之後聽到腳步聲,佢應該離開左門口...

之後,我再仔細檢查自己身體一次,特別係下面…
無…無野…真係無野…無事發生…好彩…

點解我會願意跟一個唔算熟左好耐既男仔返屋企嫁?
好彩既係,阿理係一個好男仔…

無襯我病個陣…乘機…嗯…



我嘗試落床…企起身,雖然仲有少少暈,不過已經好好多…
而且感覺燒都已經退得七七八八…

而家幾點?

我拎起部手提電話,咦…無開機?
原來我考完試之後一直都無開機?

嘗試打開部電話…但又打唔開…睇黎係壞左一係無電…

我打開房門,阿理間屋比我屋企細得多,
個廳亦好殘舊,因為見到有同走廊通連既高窗,所以估計係舊式既公屋。

阿理,佢而家訓係一個梳化上面,望住開得好細聲既電視。



『家…家蔚!』阿理一見到我就坐返直個人『係咪電視聲嘈到妳訓唔返?』

「唔…唔係…唔關事…」

『妳…妳係咪好好多啦?』阿理問

「嗯…好好多啦…唔該哂…阿理…」

『唔洗唔該…妳無事就好…我岩岩真係好擔心妳。』

「嗯…」我dup低頭…「唔好意思…」

我既記憶都慢慢返哂黎
岩岩就係暈暈地…唔想拒絕阿理既好意…跟左佢返黎呢到…


佢比左D感冒藥我食,仲加埋冰袋,之後訓係佢原本媽媽訓個間房…

無發生到其他事…

「係呢…而家幾點?」我問一問阿理…

『已經十二點…』

十二點…我電話仲要無開…佢地一定好擔心我…

「可唔可以借屋企電話比我打?阿理。」

『隨便』阿理企起身『電話係呢到』指住電視隔離既電話。

嗯…至少要打一打比堂姐…報一報平安。
 
『喂?邊個?』我打去堂姐手提,佢好快就聽電話,從佢把聲,佢應該幾緊張。

「係…係我。」我細細聲講「家蔚…」

『家蔚!』堂姐大聲叫『擔心死我啦!妳係邊呀?點解唔返屋企呀?』

「我…」我望一望阿理,佢向我笑一笑「係一個朋友屋企。」

我大約聽到堂姐旁邊樂宜既哭泣聲…

『朋友?男定女?』堂姐問

老實講我都唔知答男定答女堂姐會放心d…不過…「女…女仔。」

『咁都好d…係啦樂宜佢…』

「唔…唔好比佢聽。」我打斷堂姐「我打黎只係想同妳地講我無事…姐…」

『但係…佢…好似...』

「唔講住啦…我…我聽朝會返黎,妳叫樂宜早d返去啦…嗯…拜拜。」

我無理到堂姐就收左線,嗯...我真係好需要冷靜,一晚咁多。

『家蔚妳諗住留係到一晚?』阿理呆呆地問

「嗯…其實我都仲有小小暈暈地…阿理...會唔會唔方便?」我微微dup低頭…眼望住阿理…

『唔…唔會。』阿理揮揮手…『真係唔會…』

「係呢!」我雙手交叉放係腰入面「你係睇更乜呀?」望一望電視,係波。

『睇…睇更波姐…』阿理唔好意思咁講

「呢場好似係…」我望一望…「利物蒲對史篤城!但好似…琴日踢完嫁喎?」

『係…係啊…呢個係錄影。』阿理講

「錄影邊好睇嫁!」我望住阿理
「不過…我都因為考試所以無睇,唔知到賽果,不如一齊睇啦!」

之後我就坐去梳化,拍一拍旁邊個位「坐啦!」

『嗯。』阿理點點頭『咁我洗唔洗重新開始?』

「唔洗啦!我地唔好當佢係錄影,要當係現場!黎人,酒,花生!」

『花生係有…但酒就無…可樂岩唔岩?』

「哈哈!可樂更係岩啦!」我大笑「只要唔係zero就得!」

『zero邊好飲嫁…』阿理行去係廳既雪櫃,拎左兩罐可樂,再係旁邊拎左包花生

「同志!」阿理一坐低,我就拍一拍佢背脊「zero真係難飲過屎水呀!」

阿理微微瞪大眼,望住我

「點解咁望我喎?」我好奇問

『無…只係見到家蔚妳開心返,真係好。』阿理講

「喔!」我覺得我有少少面紅「唔好婆媽啦…我要睇利物蒲點輸呀…」

『下?妳又知會輸?』阿理望住電視『妳唔係無睇咩…』

「因為若要生活好…丫嘛。」我笑一笑…

而家感覺…好似搵到個發洩口咁…要盡情…將今日發生既所有唔開心事發洩開去!