148.


最後利物蒲反勝2比1。

「啊啊啊!點解會嬴嫁!我不能接受呀!」我大嗌「跌哂眼鏡呀!」

『嗯…我都係。』阿理微笑『估唔到家蔚妳睇波個陣都幾…都幾激動嫁喎…』

「我…激動?」



『嗯…平時妳比我感覺都係好斯文,完全想像唔到。』

「嘛,我先唔係斯文。」我同阿理講「睇波個陣我唔係人咁品嫁!阿理…」

阿理笑一笑…

「係呢…」我醒起一樣野「成日叫你阿理阿理,都未知你全名…」

『我…我全名?』阿理好錯愕『呃…林佑理。』



「嗯…」林佑理…個名幾好聽呀…

『不過我決定左遲下會跟阿媽姓,即使當初阿媽唔想我咁做…』阿理講『我之後個名就會叫陳佑理。』

「咁咪同我同姓!哈哈…我都係姓陳嫁!」我好興奮咁講,呢個地球又會多一個人同我同姓!

『嗯…同妳同姓。』阿理講…

「諗起上黎我同你同幾投契,不如遲下再黎你到一齊睇波啦…」我講



『一齊睇?』

「嗯,就好似岩岩咁。」我望住阿理

佢面一面紅,之後側埋頭『係呢…家蔚。』

「係!」

『妳…妳…妳有無男朋友?』阿理問

「吓!?」我估唔到阿理會突然問呢個問題…男朋友!我更係…有…?

有…?阿彥佢已經…唔再係…男…男…朋友…



「我…我唔知。」我dup低返頭,岩岩興奮既情緒煙消雲散

『我…我係咪問左個好失禮既問題?』阿理焦急咁望住我

「唔…唔係…」我企起身「我…我想訓啦…」

『嗯…房…隨便用。』

「多…多謝…」之後我就慢慢行入房…關埋門,

無上到鎖,因為我信得過阿理,但無衫換既關係,所以都係要著住校服訓…

訓到半夜…我因為尿急所以起左身…
嗯…岩岩飲得可樂太多…都唔記得先去一去洗手間…



我細細聲打開門…唔想嘈醒訓更教既阿理…行出廳…

但我聽到…阿理係梳化上面發出奇怪既聲音…
喊?又唔係…抽根?又唔係…總之就係好熟識既飲泣聲…邊到聽過呢?

我好八卦咁行埋去阿理個邊…佢背脊對住我…手…好似係到做更乜咁…

「阿理?」我細細聲講

然後佢好急咁另轉身望住我…非常慌張...手仲係放係下面…
雖然周圍好黑…但…但我大概知道佢做更乜…因為…我之前都成日做…

嘩呀呀呀呀!
 
因為廳無冷氣,天氣又熱既關係,阿理係無蓋到被訓教的...所以...



『家家家蔚…』阿理一望到我,即刻又另轉返身,休返好條褲『哇!』

「嘩!」我又另轉身「我…我我…」口窒窒「我去…去一去洗手間。」

『家…聽我解釋!』阿理因為慌張得濟唔小心跌埋落地下...

但我無理到阿理行入去洗手間…關埋門,鎖門。

嘩…嘩…嘩!!!!阿理...阿理佢...
打…打打打打飛機!?

嘩…我…我…竟然撞破男...男仔...阿理做呢件事!嘩…打…打飛機…

我…我…



好尷尬呀!

我坐係廁格上面…腦轉得好快...打...打飛機...打...打飛機...
嗯…唔好理咁多…我…我係起身解決尿意…嗯!

慢慢除條校裙…同內褲...

一路屙…我dup低頭望一望自己空空如也下面...
雖然真係好尷尬…但…但又有種好懷念既感覺喎…

懷念自己之前既小弟弟...陪左我十六年半時光既小弟弟...

打飛機…我已經唔太記得個種感覺…

嗯…嗯…

去完…抹一抹乾下面…又傳黎輕微既麻麻感覺…

呃…如果我出去叫阿理比我望下佢下面…佢會有乜反應呢…
佢肯...肯唔肯比我掂下丫啦...?

我吞一吞口水…掂下…咁令人懷念既小弟弟…

嗯…

誒?我諗乜呀?
陳家蔚你諗乜呀!變態!痴女!呀呀呀呀呀呀呀呀!!!

「呀呀呀呀!!!」我直程叫埋出黎

『家蔚!』可能聽到我大嗌,門外面既阿理講『好對唔住呀!我..我真係…我…』

「無野呀!無野呀!!咁黑我乜都見唔到…乜都唔知道呀!」我即刻講

『真係?』阿理問

「係呀…係呀…」我著返內褲…同條裙…之後伸手去沖水…

點解我會諗d咁既野嫁!

洗完手,我打開門…阿理一見到我即刻退後兩步…

『家…家蔚…』阿理呆住望我…

「真係乜都見唔到喎…」我dup低頭,仲係怪自己岩岩係廁所諗埋d奇怪野。

『嗯…嗯…』

「我要再訓啦…哈哈…」之後就行入房。

但今次,我鎖左門。