149.


第二朝,我好早就起左身…

望住有d污積既天花版…我又喊起上黎…
原本今日…就係同阿彥出發去宿營既日子…

嗚...鎖…鎖匙都仲係我袋到…



嗚…點…點解會發生咁既事…阿kay…點…點解妳要咁做…

嗚…

我用被單抹一抹眼淚…但又醒起呢張被單並唔係我既…

唉…
我爬落床…渣住個門鎖…唔知阿理醒左未呢…

琴晚個件事…我而家都仲覺得好尷尬…


但諗諗下男仔寂寞...要解決需要都好正常姐…

只…只係咁岩比我撞破之嘛…

佢又係衰既!點解好打唔打係要我係佢屋企先打喎!
但…但佢可能係習慣要日日打呢…咁無理由因為我係到唔打嫁嘛…

咦?諗深一層…會唔會就係因為我係到所以佢…佢先打…
一邊聯想住我…去…去…打...



嘩…雖然一直都覺得之前既cosplay相…沙灘相會成為其他男仔既素材…
但咁近距離…咁直接見識到真係第一次…

嗚呀…

諗去男仔屋企真係一件好危險既事!
其實真係差小小…我既貞操就真係不保…

但…我咁諗又會唔會好衰呢…阿理係好仔…如果佢真係要霸王硬上弓…
我病更個陣佢一早可以黎料…而且之後就算鎖門都無用…佢一定有鎖匙…

雖然係咁…但下次黎同佢睇波之前都要諗下…而且一定唔會過夜!

因為始終要離開呢到,所以點都要打開門…
一打開…就聞到好香既味道…



『妳醒啦…家蔚』阿理望住我,因為屋細所以廚房係打通,佢而家煮更野食

「嗯…我…我打算走啦…」我望一望鐘,而家十點。

『我…我整更早餐…不如…妳食埋先走?』阿理好純熟咁用更兩個唔同既鑊煮食

「會唔會…唔好意思?」但我望住阿理下面…我覺得自己又面紅。

『唔會…其實我都煮多左…妳睇。』阿理將一個鑊遞向我…係煙肉同腸仔…

好香…我又真係有小小餓…

「好啦…咁…咁我就食埋先。」



早餐,就係好好味既煙肉腸加太陽蛋,仲有杯好好味既咖啡...

「真係…唔該哂你阿理…」臨走前,我同阿理道謝「杯咖啡真係好好飲。」

『唔洗客氣…咁…拜拜啦。』阿理講

如果無左打飛機件事…我對阿理既好感度一定提升左100點,可惜…可惜。

「拜拜…」之後我就步入走廊…開始行…

『家蔚!』後面既阿理大叫『我雖然唔知妳有乜唔開心!但事情一定唔係妳想像中咁壞嫁!』
 
我擰住身「多謝你啦…阿理…有lift啦!拜拜。」
 
多得阿理既照料,我既燒已經完全退哂…


而且杯咖啡亦令到我相當精神…

嗯…今日就係一個新開始…

好!返屋企…

唔知樂宜佢會唔會留係我屋企呢…
如果見到佢我又應該用乜野表情對佢…

樂宜...雖然係呢件事一開始佢有隱瞞…但之後佢寧願出賣阿kay都要同我講返...
而且佢都係因為關心我先係咁…唔似阿kay…

樂宜…佢仲係唔捨得我…
就好似…我唔捨得阿彥一樣…



行下行下,就去到屋企樓下既公園
但唔洗上去…我已經見到佢…

『家…家蔚…』樂宜坐係長椅到,一見到我就企起身…眼汪汪…

「樂…樂宜…」但我唔敢行唔去…

實在太快…太快…我無心理準備…

但樂宜只係搖搖頭『唔係我…家蔚,你係應該望下後面。』

後…後面?
我擰住身…眼前既人…點...點解...係你?

阿…阿彥?

『大白痴!』阿彥大嗌『妳成晚走左去邊啊?』佢好嬲咁講

「我…我…我只係…」點…點解阿彥係到?

『電話又唔通!又唔係屋企!』阿彥繼續罵我…『妳…妳…』

「我…電話…好…好似無…無電…」我…阿彥?

我…我唔明…

『妳知唔知…妳知唔知…』阿彥手震震…『我搵左妳好耐?』

「我…我明明瞞住你…但…但點解…阿彥你仲…仲搵我?」我又開始眼濕濕…

點…點解…

『因為…』阿彥向前行幾步…我同佢既距離已經好近…『小蔚…』

小…小蔚?

唔…唔係家蔚…「我…我明明係曾經係男仔…」

但阿彥無講到野…只係用雙手攬實我…

阿彥既身體…

好…好溫暖…

『咁又點?』阿彥係我耳邊講

咁…咁又點?

『妳曾經係男仔又點?』阿彥再講


『最重要係而家,我愛既人係妳,陳家蔚。』