151.


係船上面,我同阿彥都無乖乖地坐低,
而係企係旁邊望住大海…

世事真係好奇妙,
上次坐呢個船個陣,我仲係因為變左女仔無耐,
所以好迷茫…同樂宜,冰瑤兩個一齊尋求更回復原狀既方法…



但今次呢…就完全唔同哂,
我已經完全接受左自己係女仔呢個新身份,
而且,隔離仲有一個男朋友tim。

至於上次既回程,就係知道前路茫茫,完全想像唔到而家會變成咁,
唔知今次…回程個陣我係有乜野想法呢…

我同阿彥又會點呢…

「阿彥呀…」望住個大海,感覺所有野而家都可以傾訴出黎…



『小蔚?』阿彥回應

「雖然…雖然你係接受我…但其實我仲係有小小憂慮…」

『憂慮...d乜…』

「我始終…始終曾經都係男仔…你唔會覺得同我一齊始終怪怪地咩…」

『最一開始知道個陣』阿彥講『我係有咁諗過…』



「吓…」果然…

『但後來,諗深一層,我又唔知道妳男仔個陣既過去…
只要我永遠唔去知道,咁對我黎講,妳其實從一開始都只係一個女仔。』

「嗯…」我點點頭…

『而只要妳唔講,我就會一直當妳係一個女仔…直到永遠。』阿彥繼續講…

「咁...咁呢…」我有d怕羞…「如…果…我話如果…有一日我變返男仔…」

亦係我最擔心既事…

『我唔會比妳有機會變返男仔。』阿彥捉住我隻手講…


『我要係我雙眼入面,永遠都只係見到陳家蔚…妳一個。』

嘩…阿彥…你閃閃發光呀…太陽都唔夠你殘眼!

「但…但如果真係…呢…」但我都係想知道…

『咁我就變性去做女仔。』阿彥即刻答

「吓!」我好驚訝「咁點得呀!唔得呀!」

『講笑咋…哈哈…』阿彥對住我大笑『講笑咋!』

「呢d!」我用雙手拍佢心口「笑話!」再拍「一d都唔好笑囉!」

就係咁,呢個話題就結束左,


嗯,為左唔比阿彥走左變性,我一定唔可以變返男仔。
 
落左船,我地兩個租完單車之後就出發去別墅…

因為別墅都係幾遠既位置,但有阿彥同我邊吹水邊踩,
完全係一段好開心快樂既過程!

唔知幾耐之後,就到左別墅既位置...

「難…難以置信…」我仰望間三層別墅…唔係掛…

根本就係人地雜誌個d型格設計別墅咁…
白色牆,落地玻璃...有花園…有露台…有泳池…

同上次我地租個間屋根本係無得比…到底你係幾有錢呀…Kevin…



『我…我地兩個真係住呢到?』阿彥都好驚訝…

一間咁大既屋…兩人住…嘩…真係好似度蜜月咁!

「開…開門囉…」我已經唔敢想像裡面係幾豪華…我拎起鎖匙...

但當我正想打開門…度門就自己打開…
仲要全自動咁神奇!?

但事實係…

『咦?家蔚妳到啦…』冰瑤,企係大門口同我講野。

耶?


 
「冰…冰冰冰瑤?」我一是三刻反應唔黎

『妳講咩呀…』冰瑤好優雅咁行落兩級樓梯『家姐。』

家姐?

『佢…好似係妳細妹?小蔚。』阿彥係我旁邊細細聲講『叫...叫做陳…陳家瑤。』

係喎!
阿彥認識既冰瑤係叫陳家瑤…我既妹妹。

『唔係有男朋友就連自己個妹既名都講錯嘛…呵呵…家姐。』冰瑤接住講

「點…點會呢…哈哈…」

『哎呀…我心淡啦…』冰瑤擺出好失望既表情,之後搖搖頭。

「唔好講呢d啦…係啦…家瑤…」點解妳會係到嫁!「點解妳會係到既?」

『都話左家姐善忘嫁啦…我講左我同男朋友都會黎嫁嘛…』家瑤…唔係…冰瑤再搖搖頭。

『原來…』阿彥又細細聲『唔係二人世界呀…小蔚。』

「我係想咁嫁!」我都細細聲同阿彥講「但…但係…」

男朋友?

「男朋友咪即係…」我望住冰瑤,佢後面即刻出現個人影…Kevin

『hi…』kevin望一望我…『家蔚。』

呀呀呀呀呀!好唔想見到既人竟然係到!
冰瑤妳到底攪邊科呀…

感覺原本我同阿彥既甜密旅程,慢慢瓦解更。

『咦…原來你都係到呀…邦彥,你太黑差d見唔到你呀...』kevin望住阿彥…

阿彥只係點點頭,望住kevin…
之後就係互相敵視既眼神。

「你…你地識?」我細細聲問阿彥…

『校隊既敵人。』阿彥好簡單咁講

係喎,我記得冰瑤曾經係選拔日黎試探敵情…話係kevin叫佢咁做…
乜原來係真嫁!?

Kevin行落幾級『話到尾我都大你一年啊…邦彥,係咪應該禮貌d呢?』

『而家又唔係學校,點解要禮貌?更何況你都唔係同我同校。』阿彥回嘴

『吓?』kevin笑一笑,不過眼神都係好銳利

睇黎佢地兩個真係水火不容…
嘩…嘩…我應該點做好?

『夠啦…kevin。』冰瑤開口,阻止呢個咁令人不安既氣氛『今次係黎玩嫁。』

「係囉…冰…我阿妹講得岩呀…」我捉住阿彥隻手「唔…唔好嘈啦…」

『我聽妳話,小蔚。』阿彥講

Kevin就只係哼一聲。

『放心啦…家姐…』冰瑤再望住我…『呢間屋咁大,我地唔會騷擾到你地喎…』

「係…就好...」

但我硬係覺得,冰瑤妳係有詭計!
 
入到去,想像果然係無錯既,呢間別墅真係超豪華,
接近三層樓高的天花…仲有個大到誇張既吊燈…

『呢間屋入面有好多房…你地可以選自己鍾意既…』冰瑤係一邊介紹…

Kevin佢呢,就無咁好氣,躺係廳中央既梳化上面睇電視。

『我同kevin呢,就會用一樓既主人房…你地呢…可以用二樓個個…等我帶你地上去睇下啦…』

「嗯…嗯…」我點點頭…

我地沿坐旋轉樓梯走上二樓…之後就行到去主人房…
打開門…嘩…一入眼簾係一望無際既大海…

呢間房既面積呢,已經係我個廳既兩倍有多…而且仲有主人浴室…
正中間…係一張king size既大床…

一張大床。
我吞一吞口水…

『家姐你同邦彥都會選擇一齊訓嫁啦?主人房只係得一張大床咋…』

「阿…阿彥你可唔可以?」我怕羞地問隔離既阿彥。

『更係可以。』阿彥望住我微微一笑。

雖然係預左會一齊訓…但…但諗到即將就會實現…我就…嘩…嘩…嘩!