154.


『點解…家蔚?』冰瑤再望住我…

唔…唔得…比佢望住就會乜都知道哂…唔得…
我身體開始後退…

『點解要避開?家蔚…』冰瑤步步進迫…



好快好快,受到冰瑤既進迫…我已經成個人訓係床到…

又…又唔算係推倒…
咁…咁算係乜?

『只要…可以知道個原因…我所有野…包括身體...都隨便妳哦…家蔚。』冰瑤係我上方講…

隨便我?冰瑤?

耶!?


 
或者各位會覺得而家呢段好FF,
但事實…

『家蔚…』冰瑤好堅定咁望住我,而家既角度可以見到佢既乳溝…『話比我知…』

事實就係咁!

「唔…唔好玩啦…冰瑤…哈…哈…」我另埋一臉,點都唔願意正視冰瑤。



『我好認真,家蔚。』冰瑤講『妳一直都知道我好認真。』

「雖…雖然係咁姐…」

『家蔚…妳唔講…或者就再用…再用多次個種眼神望住我…』冰瑤講

點用到喎!我而家已經…已經無再咁諗冰瑤妳啦!

「唔…唔記得啦…」但都係講唔出口!

『真係?』冰瑤緩緩咁解開佢件女裝恤衫最頂個粒衫褸…

已經隱約見到冰瑤雪白既雙乳…同黑色胸圍既框邊...

「咪…咪住呀...」咦?點解我會對呢d野有反應嫁…?



果然…即使我對阿彥既感覺無變到…但係個D荷爾蒙藥粉仍然係有影響…

『哦…』冰瑤好似察覺到…順勢再解開第二粒…

「嘩…嘩!」雙乳即刻彈左出黎,雖然唔夠我大,但都好有料…

『掂下…家蔚。』冰瑤就好似咒語咁講出黎…『可以哦。』

哦乜鬼!妳而家學偽紫晴咩~

「冰瑤…唔好…唔好玩啦…大…大家都係…」

『女仔。』冰瑤講左我想講既野…『大家都係女仔,所以咪無問題…囉。』



我唔夠冰瑤講呀…!唔夠呀!

然後,冰瑤好溫柔咁捉住我右手手臂…慢慢舉去…佢個胸既位置…

我吞一吞口水,第一次咁恨d荷爾蒙藥呀!
但…但咁樣又好似唔錯…

點解咁諗呀!家蔚!你愛既人係阿彥呀…

但掂下胸姐…無對唔住阿彥喎…

咁…咁又係…

呀呀呀呀呀…



『呵呵…就係咁…家蔚。』冰瑤好似係我眼中見到d乜咁…『嗯…』

就快掂到…冰瑤…我以前既幻想對象…既胸…

「我講啦…我講啦!」係最後一刻,我決定投降。

到底呢種係咪叫理智?我唔清楚…
所以,我同冰瑤都坐返正(佢扣返好衫),我開始將所有野講比佢知…
 
『原來家蔚妳以前係咁去幻想我。』聽完之後,冰瑤咁講

「對唔住。」感覺好微妙,將已經唔想再提既秘密話比人知,仲要個個係當事人。

『無…』冰瑤搖搖頭『我無怪妳…妳當時係好平常既男仔,諗呢種野係好平常既事…』



「真…真係…?但我諗到妳咁…」一個大色女...

『妳再講我就真係怪妳嫁啦。』

嗯…

『咁就到我將我既事話比家蔚妳知…』冰瑤講

「冰瑤既事…」

『其實…』冰瑤開聲…『我有一個病。』

「病!?」我好激動…「無可能呀!」

『嘛~勉強講又唔係病,只係一種強迫症。』冰瑤講

「咁…咁都好d…但…但強迫症即係?」

『唔知幾時開始,我覺得呢個世界好無聊…有好多野都提唔起興趣…
就算就好自己個角色…聰明美麗既文冰瑤…女班長…班入面既女神…但我都覺得無意思…』

冰瑤望住我…『我好快就明白,我既人生唔可以過得平淡…』

「我…我唔明?」咁同強迫症有乜關係…

『換句話說…就係要不斷尋求唔同刺激…
我試過不斷搵唔到範疇既野…去學習,去玩…去感受…』

所以…對冰瑤黎講…我男變女呢件事…無疑係佢覺得神奇同刺激既事…

『而且連帶既…就係對好多事都希望做到最好…
對唔知道既事…一定會尋根到底…無論用乜野手段…』

所以…為左知道單單一個眼神既原因…就可以做到岩岩咁…

「冰瑤…」

『但一個人既力量始終有限…好彩有kevin…』冰瑤講…

「Kevin?」

『佢就算知道我呢個小毛病…但都係對我咁好…
亦利用佢有既力量去幫助我…醫唔到我…咪不斷幫我找尋唔同既刺激…』

所以…先會有咁多微妙既事情發生…突然去旅行...綁架…
甚至…甚至可能當初既出租女友…kevin意圖強暴我…都係…一種方式?

『所以…我一直都信任kevin,就係咁解。』冰瑤再講..

「嗯…」如果可以為一個人做到呢個地步…咁kevin對冰瑤既愛…

算係另一種意義層面既偉大?

但佢意圖強暴我都係唔岩既事啦!

「但…但冰瑤妳呢個病...真係無得醫?如果唔理佢…又會有乜野事?」

冰瑤搖搖頭『我唔知道醫好既方法…而如果唔理佢…就會好似岩岩咁…』

岩岩咁…

『做一d好奇怪既事…』冰瑤講…

冰瑤…一直係我心目中既完美女生,
原來係咁完美既背後,有一個咁令人驚訝既缺陷…