156.


...

嗯…嗯…咦?

我訓左幾耐…點解身邊咁暖既…

我微微張開眼…天已經開始光…應該已經六點左右…


點解身上面有其他人既觸感…就好似比人攬住左咁…

係…係係係係阿彥?
佢當係我攬枕咁攬住左?

嘩…嘩…

好近,好溫暖,好…好幸福呀!

『所以,你地琴晚就乜都無發生過?』第二朝,食早餐個陣冰瑤問



「嗯…嗯。」我點點頭,塊臉仲係好熱…

『所以,妳朝早發現比邦彥攬住結果就再訓唔著?』冰瑤再問

「嗯。」真係羞死人!

結果由我認知既六點到阿彥醒左既九點,
我只係好興奮又好不知所措咁比阿彥攬住,再訓唔著。



『我服左妳啦…家蔚。』冰瑤飲一啖咖啡,之後再講…

「咁…咁我真係…嗯…」

係喎…冰瑤都係同kevin一齊訓,咁佢地咪…但問唔出口。

順帶一提,佢兩個男仔朝早又決定繼續返琴日未完成既場事,
我同冰瑤就無佢地咁好氣呢…

男仔呢!真係精力旺盛!但又唔識控制wo!

「不…不過如果琴晚無打到波…或…或者阿彥都唔會咁早訓著…」

『嗯…或者啦?』冰瑤若有所思咁講



「唔通…」我用懷疑既眼神望住冰瑤「呢個係妳計劃之內?」

『咪傻啦。』冰瑤呵呵一笑『我只係想佢地兩個男仔唔好成日嘈姐,出黎旅行就應該開開心心。』

「咁又係…」我飲一飲咖啡…

『而且將來結婚就可能係一家人嘛,點解要互相仇恨呢…可?家姐。』冰瑤再講

「咁又係…」咦…好奇怪咁?「我邊到係妳家姐喎!而…而且!結…結婚!?」

耶!!!!我同阿彥?邊有諗得咁長遠喎!?
 
「唔好玩啦!冰瑤!」我好認真咁同冰瑤講

『講笑姐。』冰瑤再飲一啖咖啡



「唔好笑呀…一d都!」

『而且真係要講到結婚,妳都要先過返妳爸爸個關。』

「喔…」係喎…老豆仲未知道…我決定做女仔…就連我變左女仔呢件事都唔知道…

呢個月發生既一切…令到我都忽略左呢件事…
老豆…即使最快都要新年先返黎,不過而家離新年…都唔係好遠既時間…

佢始終都會知道…

唉…我唔知道...見步行步...

「係呢…咁鑑定個度…」



『聽日就會知道結果。』冰瑤講『手續個度係好麻煩既事...』

「我原本仲以為好快會知...唔知係咪等得太耐呢…而家個份緊張感已經無左…哈哈…」

而且…其實都係呢句…我已經當左芷螢係我個親生女(仔),
親子鑑定係點根本就唔在乎!

『係呢…家蔚妳今日打算去邊?』

「嗯…今朝我大概都諗過…係…係我訓唔著個段時間…
或者同阿彥兩個…去郊區行下…之後野餐…咁…」

『幾好啊…』冰瑤若有所思咁講…



「咁冰瑤你地呢…」

『我同kevin應該會先返去,有d野做。』冰瑤再講

「嗯…」我心諗,今次應該唔會有人阻住我地啦!

所以,係冰瑤同kevin離開之後,我等阿彥沖完涼,就同佢出發去郊外。
過程呢,就唔多講啦…總之就係好幸福快樂啦!嘻嘻…

而且計返時間,d荷爾蒙藥效力又開始散…
所以,我又好似重新解脫一樣!

係回程既船上面,我仲係回味更同阿彥既快樂時光…
雖然有冰瑤同kevin呢個小插曲,但影響呢,都唔係好大,

即使最後,我同阿彥都無發生個d事,但我相信來日方長,總有機會嫁嘛!
無野可以阻止我同阿彥繼續相愛既!我相信!

『咁…聽日見啦,小蔚。』係我屋企樓下,阿彥講

「嗯…拜拜…阿彥。」我已經開始習慣…唔會再咁怕羞…

但…但係…
阿彥你突然錫埋黎我都係好尷尬啦!周圍有人嫁…嗯…

嗯…

「好幸福呀…」我坐係梳化上面…堂姐瞇起眼望住我…

『係到曬幸福!』堂姐不滿道

「妳幸唔黎嫁啦…堂姐…嘻嘻…」

『到底個男仔係點嫁,介紹比堂姐識啦~耶~好堂妹~』堂姐向我撤嬌

「唔制!」雖然我知道阿彥一定唔會花心,但我都唔會比阿彥識到其他女仔呀!
 
*