157.


『係呢…』今晚芷螢訓係我隔離『呢兩日…開唔開心呀…媽媽?』
 
「嗯…」我望住天花板…腦海入面都係甜蜜既回憶…
 
『咁…咁…』芷螢再講『媽媽同邦彥有無做個d事?』
 
個d事…個d事即係…


 
「無…無呀…」我搖搖頭,始終都係覺得好可惜…
 
『唔…咁呀…』芷螢個態度…好似有d野想講咁…『咁訓啦。』
 
「芷螢…妳係咪有野想講?」我另轉頭望住芷螢…
 
『無…無呀…』
 
「係咪記憶開始返黎?」我再追問…


 
『唔…唔係咁…』芷螢講『真係唔係…』
 
「記住呀…芷螢…有乜野一定要同我講呀…我…我話到尾都係妳媽媽呀!」
 
『嗯…一定。』
 
芷螢妳…一定有d古怪!
 
*


 
『早晨…家蔚。』第二日,樂宜好早就黎左…
 
「咁…」同樂宜,芷螢行返去學校既途中「阿kay個邊點…」
 
『佢…佢好後悔。』樂宜講『佢一直同我講佢好錯…』
 
「我仲依稀記得…樂宜妳寧願同佢絕交都想阻止佢…講個件事…」
 
『係…』樂宜點點頭『但我同阿kay…真…真係真係好耐姐妹…絕交呢d野…我做唔出…』
 
「咁就好…」我微微一笑「我都唔希望妳地真係絕交…」
 
『家蔚…』樂宜眼汪汪望住我…『即使阿kay咁對你,你都…』
 


「我…我係有少少嬲佢嫁!」我直接講
「但…但我都唔想因為我…破壞妳地既關係…」
 
而且聽完冰瑤講之後,我對阿kay既怨氣都減左不少…
最重要係,我同阿彥既關係無變到嘛,係咪先?
 
『嗯…即使…家蔚妳決定做女仔…但妳對人好對人溫柔既性格都係無變到…』
 
「樂宜…」
 
『行啦!就黎遲到啦!』樂宜加快腳步
 
「係喎!等埋呀!」我同芷螢都跟住跑…
 
但今日,阿kay無返到學,但老實講都唔係太意外,


 
令我意外既係,基本上零缺席率既紫晴,今日都請左假,
係咪一入冬,d病菌就開始出黎呢?
 
嗯,即使堂姐唔開心,
但今晚開始要食返健康食物!健康人生萬歲呀。
 
今日開始,亦係派成績既時間,
所以班入面都係討論分數既氣氛…

無論係之前定而家既我,都唔鍾意咁,考完咪算囉,點解仲要討論呢?

『家蔚考成點?』會計堂,隔離既芷螢問…

「呃…我…」隔離係我個女(仔),一陣佢高分過我咪好無臉囉?


「芷螢,分數呢d野係,只係過眼雲煙,最緊要係盡力過。」

『嗯…媽…家蔚講得好有道理。』芷螢望住我講

嘿,咁就好。
雖然我會計成績神奇地合格仲有凸,不過一定唔會夠芷螢高分…

講起係要多謝紫晴,但紫晴佢…唔係到。
一於放學打比佢問下乜事先。

*

一放學,我就打比紫晴…

『喂…喂?』隔左好耐紫晴先聽電話



「喂,紫晴?家蔚呀…」

『吓…家蔚?』紫晴好似好慌張咁『係…係…打黎做乜?』

做乜?

「無…我地見妳今日請左假…所以打黎…睇下紫晴妳有無事…」

『哦…』紫晴講『咳咳!係呀…好…好病…』

唔知點解,我覺得個聲「咳咳」有造假既成份…

「紫晴?咁…咁有無睇醫生…食藥…」

『睇醫生!?唔得…唔睇得醫生!呀!』紫晴一講完突然疾一疾『有睇呀…有睇…』

「紫晴…妳好奇怪…」

『無…我無事…我…我要休息啦…家蔚…拜拜…』之後就收左線

紫晴!就咁聽電話我覺得佢無病…

但點解呢種感覺咁奇怪既?唔通…我有個諗法…要問下冰瑤…

*

『妳話…紫晴佢好古怪?』係麥記,冰瑤問

「係…感覺…就唔係平時佢咁…我諗更…佢會唔會…」我點點頭。

『妳係驚偽紫晴又出現?』冰瑤問,隔離既樂宜好驚訝,芷螢就一臉疑惑

「係…我擔心係咁…自從…自從佢知道左我同阿彥一齊之後…就好似變得奇怪…」

『的確…』冰瑤講『係有呢個可能…』

果然…我既自私係引發到呢d麻煩…
但今次…就算偽紫晴出現…我都要再次令佢消失…

『但我覺得呢個可能性又唔算好高。』冰瑤再講

「下?」

『妳諗下,家蔚。』冰瑤望住我『如果偽紫晴再出現又行動既話,
都會係偷偷摸摸…就好似上次咁,絕對唔會比妳咁易發現。』

「咁…咁又係…」

咁…咁到底係點解呢?
 
「諗極…都諗唔通…」
 
『遲下總會知道,家蔚,但今日重點唔係到呢到…』冰瑤係佢個袋到拎野…
 
「係喎…親子鑑定!我都唔記得左tim…」
 
一講完,唔單止芷螢,連樂宜都坐直。
 
『因為私隱問題,其實我都未睇。』冰瑤一拎出黎即刻講。
 
「竟然…」等我仲以為冰瑤一早已經睇左…
 
咁又係…如果佢一早睇左…
係我地岩岩到麥記個陣,就會即刻提起呢件事…
 
『家蔚,妳同芷螢,自己睇。』冰瑤將份野遞比我…
 
雖然我之前話無咁期待,但個份野真係係面前個陣…都唔好話唔緊張…
 
即使我已經當左芷螢係自己親生女(仔)…
但…但如果入面報告唔係既話…
 
咁我地會點…
我同芷螢會點…
 
我見到隔離既芷螢都好緊張…佢見到我望住佢…
 
『開啦…媽…家蔚…』佢將手放係心口,相當緊張…
 
一定要係我個女呀…芷螢…
我慢慢打開份報告…
 
然後望一望份報告…上面無寫到人名…
只有兩個代碼…應該係代表我同芷螢…
 
A樣本與B樣本…經鑑定後為…
 
吻合…