158.


吻合…吻合!!!
 
「芷螢…」我望住隔離既芷螢,攬實佢「乖女…妳…妳果然係未來黎既乖女…」
 
『係…係乖仔啦…』芷螢好尷尬咁講『不…不過呢…是但啦…』
 
「感覺呢…真…真係好奇妙…明明一個月前係妳攬住我…但…但而家就…」


 
就僅僅一個月…我既諗法都變左好多…或者為人母就咁?
嘻嘻…十六歲就感受到呢樣野…真係奇妙。
 
『太好啦…家蔚。』冰瑤點點頭
 
嗯…
 
『芷螢…』樂宜再講『咁…咁我就係妳既表姨媽啦…』
 


『表姨媽…』芷螢望住樂宜…
 
『咪住…』冰瑤突然打斷左呢個咁感人既時刻,之後係袋到再拎野…
 
「冰瑤?」我抹一抹眼淚…
 
然後冰瑤係手到拎起…從外觀黎講…應該係另一份鑑定表。
 
吓?
 


「我唔明…冰瑤…呢份係…」我好不解…
 
『對唔住,家蔚』冰瑤放低個份表『除左妳同芷螢既鑑定,我仲另外做多左份…』
 
做多左份?
 
『點解呢個鑑定要咁耐,當然唔係出左問題,只係因為做多呢份…』
 
「但…但我唔明…妳又話唔應該知道爸爸係邊個既…
話驚我可能去改變歷史…但…但係…而家…』
 
『呢個唔係爸爸。』冰瑤再講…『正確d講,唔係男仔既…』
 
「我…我唔明…唔係男仔?咁…咁都唔會吻合啦…而家…而家係要搵爸爸丫嘛…」
 


『嗯…我原本都係咁諗…家蔚。』冰瑤搖搖頭『認為咁做其實係多餘。』
 
原本係咁諗…認為多餘…咁即係…
 
冰瑤將個鑑定報告遞比我『對唔住,呢份我有先睇過,家蔚。』
 
「唔…唔洗…」我打開份報告…
 
同之前個份一樣,有兩個代碼…一個岩岩見過…應該係芷螢…
而另一個…就有d唔同…
 
A樣本與B樣本為…吻合…
 
吻合!?
 


無可能!
 
「無可能…點可能芷螢會同時有兩個吻合既女性…咁…咁咪即係有兩個媽媽!?」
 
諗起都覺得痴線!
 
『係囉…我…我都唔明?』樂宜望住冰瑤…
 
『連我自己都未攪清楚…但係咪話完全無可能…又唔係…』冰瑤講…
 
我已經攪唔清楚…呢件到底係乜回事…
 
但咪住…我首先要知道既係…
 
「呢個!」我指住個代碼…「我要知道呢個係邊個…冰瑤…」


 
冰瑤吸一吸一啖氣…
 
『老實講…我原本都估唔到…佢顛覆左我之前既所有諗法…』
 
「快D講!」我好激動…因為…因為眼前實在係好多未知數…
 
 
冰瑤舉一舉起隻手…指住…我隔離既…樂宜…
 
『樂宜…』
 
吓…?
 
 


『王樂宜。』冰瑤好清晰咁再講多次。
 
短暫既沉默…我相信在座既人都愣住係到…

樂…樂宜?
邊…邊有可能…

『我…?』樂宜好驚訝咁講『無…無可能…』

「咁…咁如果以芷螢…唔會有兩個媽媽呢個諗法去諗…」

如果以呢個諗法…

「咁咪即係…我…我會變返男仔…」

『然後同樂宜,生出左芷螢…』冰瑤講埋佢…

『同我…家蔚…同我…』樂宜望住我…

『咁…咁即係樂宜係我媽媽?家蔚係我爸爸?』芷螢問…

我…唔知比乜反應好…

如果係一個半月前…我仲同樂宜一齊個陣…
我…我大概會好開心…

因為知道我會變返男仔…之後同樂宜快快樂樂…

但…但而家…
我…我唔想咁…我唔想…

我唔想離開阿彥…唔想…唔想呀…

『呢個係其中一個解釋…但唔代表無其他可能性…』冰瑤講
『我一開始都估計錯左…而家亦有可能...』

係…冰瑤既解釋唔一定岩既…
呢個已經係跨越時空既問題…冰瑤…佢唔一定中既…

嗯…

「我…我…」我企起身…「我總係覺得有其他原因…」

『家蔚…』樂宜佢望住我,佢好似有D擔心咁…

「嗯…我…我願意去賭其他原因…我…我同阿彥…」

『家蔚…』今次係芷螢講…

「我…我唔會放棄阿彥…對唔住…芷螢…」

我唔會離開阿彥…

「反正…就…就算我…我選擇第二個…芷…芷螢妳都會出世嫁嘛…係…係咪先…」

唔會…點都唔會…

『或…或者…』芷螢點點頭…

「嗯…總有個未來…我同阿彥…」快快樂樂...重新生出芷螢...樂宜...永永遠遠係我表妹...

『但…但係…』芷螢再講

「返去啦!」我打斷芷螢講野
「今日係得呢d嫁啦?冰瑤?唔會有其他我唔知既鑑定掛?」

『嗯,唔會。』冰瑤點點頭。

「咁…咁走先啦…聽日見啦…樂宜…」我唔敢正視樂宜…

因為…唔知樂宜佢用乜野表情望住我…
我…我唔想知…

我唔敢知…