159.


今晚,又係一個好難訓得著既夜晚…

我終於明白點解冰瑤唔建議鑑定父親係邊個...
因為事實的確會令到我…唔滿意…

『媽…妳訓唔著?』芷螢突然開口問…



「嗯…」

『因為…份鑑定報告?』

「嗯…」

而家既未來…係我會同樂宜一齊…

「但我唔明啦…芷螢…」



『媽媽?』

「如果呢個結局係咁圓滿,咁芷螢妳黎既目的又係乜?妳根本就唔需要黎…」

『嗯…我都…諗唔明…或者...就同一開始咁講...想變返男仔...掛...』

「嗯...」

或者…我同樂宜一齊呢個結局先係芷螢唔願意既結局?
因為呢個結局會令到佢變成女仔...



所以佢先會專登回到過去改變呢個結局?

『嗯…我真係好恨自己失左憶…乜都唔知道…』芷螢恨恨地講…

我坐左起身…

『媽?』芷螢再問

「我想出去…打個電話…」

出到廳…我望一望鐘,而家十二點…
唔知阿彥…訓左未呢…

我嘗試打比阿彥…如果響三下佢唔應…我就收線…



DUUUUU~DUUU~DU . DUUUUU~DUUU~DU. DUUUU…

『喂?』接聽左…阿彥…『小蔚?』

「阿彥…你…你未訓呀?」

『嗯…其實岩岩練完波,散左無耐。』阿彥再講『妳呢?』

「我…訓唔著,所以…所以打比你…可唔可以陪我傾陣…」

『喔…更係可以。』阿彥講

然後係短暫既沉默…一諗到…將來我地可能唔係一齊…我就開始想喊…



唔制…我唔制…

『係呢…小蔚呀…妳知唔知道下星期就陸運會?』

陸運會?

『到時會有一個男女二人三足…我地又同社,妳會同我一齊參加可?』

「阿…阿彥…」終於我流左一滴眼淚…「當然…當然啦!我係你女朋友嘛!」

同時下左個決心,未來,我要同你對抗到底。
 
第二日,紫晴都係無返…
真係有唔妥…係咪應該…去一去佢屋企呢…



但因為上次不愉快回憶...所以係...組團…

「係啦…樂宜…」我同隔離既樂宜講…但係呢個時候就同樂宜隔離既阿kay互望…

佢即刻另返轉頭。

無錯,今日阿kay有返到學…
但我同佢既關係都係好尷尬,今日lunch既時間,佢去左小藍個邊食。

阿kay係阿彥之後都無再爆我個秘密比其他人聽,
加上佢係我名義上第一個識既女性朋友(唔計樂宜),始終有d情意結。

所以我其實想原諒佢…
但要再交談…感覺係好難既事…



『家蔚?』樂宜無察覺到呢個尷尬一刻

「因為紫晴佢兩日都無返…不如…不如呢,放學去探下佢?」

『嗯…好…好呀…』樂宜點點頭…

而且經過琴晚件事之後,樂宜佢都怪怪地…
我…係佢面前話唔接受個個未來…其實真係好錯…

我無考慮過樂宜當時既感受…

「係呢…阿kay呀…」我鼓起勇氣…嘗試開口同阿kay講野…

佢身體震一震…之後另轉頭望住我…嘴唇微微顫抖…『表…家蔚?』

「我同樂宜…同埋芷螢」我拍一拍隔離訓更教既芷螢,佢即刻彈起身
「放學會去探紫晴,不如…一齊?」

『紫晴…紫晴…』阿kay望一望我前面個空位…『好…好呀…啊!』好似突然醒起d野咁…

『阿kay?』樂宜另轉頭望住佢

『唔得呀…我…我今日有拉拉隊練習…陸運會既。』阿kay講

係喎…陸運會就自然有拉拉隊比賽…
順帶一提,阿kay係同我同阿彥都係黃社,樂宜,芷螢同紫晴就唔同。

『唉…咁…咁岩有個主力隊員整傷左隻腳…所以要搵人補…』阿kay講『對唔住啦…』

「咁…咁下次啦…」

咦…傻左呀我…探病講乜鬼下次?

『下次啦…哈哈…』阿kay睇黎都唔覺得我講錯野。

不過都好既,總算我同阿kay可以講返野…係一個好開始…

『呃…』阿kay突然望住我…表情好認真…

「阿kay?」

『無…無野啦…嘻嘻…』

聽到呢聲嘻嘻,感覺昔日既阿kay好快就會快黎。

唔知係咪陸運會將至,所以連體育堂都轉玩跳舞…
仲話下兩個星期就會有一次組隊跳舞,嬴既有神秘獎喎…

其實最開心都係d男仔姐!睇我地班女仔跳下彈下…就非常興奮,真係好色!

可以既話,我只係想跳比阿彥一個睇啦!
 
『你地岩岩有無睇呀?陳家蔚佢真係跳得好正呀…』男仔A講

體育堂完個陣,班男仔仲熱鬧討論更岩岩我既舞姿…

『係呀…彈下彈下…我真係扯到"行"哂呀…』男仔B講

但與其話係討論舞姿…

『唔得…我…我要去一去洗手間。』男仔C講『忍唔撚到啦!』

不如話係…討論我既身材…

『你再去廁所無位嫁啦!』男仔D講『要派飛啦!』

討厭!班男仔真係好討厭!
記得我當年都唔係咁啦!

係喎...當年體育堂都無跳舞呢樣野...

『咦…家蔚妳塊臉好紅喎…』小藍係我隔離講…

「無…無啦…」

『係啦…阿kay有無同妳講過,我地社啦啦隊缺人?』小藍都係黃社

「喔!」我望一望阿kay,佢又望住我…「有…」

『佢有無叫妳幫我地手?我見家蔚妳岩岩跳得都唔錯,不如…』

「我…我?」陸運會啦啦隊表演,咪即係係全校人面前跳…「唔…唔係咁好既…」

以我既性格邊得喎…我…我都係鍾意安穩既…