160.


『求下妳啦…家蔚…』小藍真係求更我『以妳既樣同身材,肯幫我地嬴面一定增加嫁!』

「但…但但但…」我好緊張,隔離既樂宜明顯係到食更花生,鬼叫佢唔同社!
「但係啦啦隊係表演合作性…我…我咁遲先加入…可…可能…」

『唔會嫁!』小藍捉住我隻手『妳要相信家蔚妳既女性本能!』



「女性…本能?」

『嗯!』小藍點點頭『合作性呢d…好快就配合到嫁啦…』

見到小藍苦苦哀求…我又唔好意思拒絕…

『考慮下啦…家蔚!我相信阿kay都想妳一齊跳嫁…可…阿kay』
佢望住阿kay,打左個意為我見唔到既眼息。

『吓…』阿kay驚訝『更係…啦…嘻嘻…』



呃…

「咁…咁我諗下啦…比…比小小時間我…」

『一日!』小藍舉起食指『因為真係好緊迫嫁…認真考慮下…
我地社既榮譽,啊仲有,邦彥都會開心嫁!』

阿彥…會開心…



嗯…要改變未來既其中一步就係需要...我同阿彥美好既關係…

「好…好…我會認真諗下…」

前幾年我都一直虛度,無參加過任何一個活動既陸運會,
今年,睇黎會有一個突破性既轉變?
 
放學,我地好快就離開左學校,
芷螢話有d事要做,所以得我同樂宜去探紫晴。

而阿彥,佢足球隊有練習,不過就算無佢都唔會陪我地去嫁啦...

『家蔚…』樂宜開口『唔先打比紫晴真係無問題?』

為左比個驚喜紫晴,我決定唔打比佢,


最重要既,係如果真係有乜問題,唔理係邊個紫晴,佢都無準備時間。

「唔洗啦…」

『但…但紫晴會唔會唔係屋企嫁?』

「唔會啦…佢病更嫁嘛!點會唔係屋企喎…」

『咁…咁又係…』

*

叮噹叮噹,無人應…
紫晴真係唔係屋企?無理由既…



『表哥…都話嫁啦…』樂宜瞇起眼住我『可能佢咁岩睇醫生呢…』

「我唔信。」

紫晴…佢一定有古怪…嗯!佢係逃避更見我…

叮噹叮噹叮噹…

大概十分鐘之後…

『夠啦…』樂宜拉住我『聽日再黎啦…』

「嗯…」我正式放棄...點點頭,但呢個時候…

門就打開左…係面前既...係紫晴!



「紫晴!」我望住紫晴「點解而家先開門呀?」

『吓…吓…』佢好慌張,就同琴日聽電話一樣…『因…因為我訓著左,所以聽唔到。』

「哦…」

『我地專程探妳嫁…紫晴。』樂宜開聲講,微笑著『無事嘛?』

『嗯…咁…咁好啊…』紫晴強擠一個微笑…但仲未開門…『哈…哈哈…』

「紫晴?」我望一望佢隻手,顫抖得好利害「係咪…唔方便我地入黎?」

『吓!?』紫晴望到佢渣住門框顫抖既手,即刻放開『點會呢…等陣…』



之後就打開門…
紫晴屋企,個格局就同我上次黎個次一樣,無點變到,都係咁整齊。

我同樂宜坐係梳化上面…紫晴就企係到…隻腳都顫抖更…

「我…我仲以為紫晴妳係好返少少…但睇黎…」我瞄住紫晴雪白既雙腳…

『唔係…我…我…』紫晴望住房既方向『我…我仲好攰啦…』

點解…個語氣真係怪怪地…一d都唔似之前既紫晴咁既…
我覺得樂宜都留意到…佢有少少疑惑咁望住紫晴…

唔通…呢個真係偽紫晴…或者係我地唔知道既人格?

…定一係…呢個就係我上世情人既靈魂?
 
嗯…而家真係學秋官咁講,呢個係一個謎。

「係啦…」一於再搵d野講下「我地幫妳拎左d卷返黎…」

『卷?』紫晴望住我『咩卷?』

你地睇!紫晴佢點會講”咩卷”!
眼前呢個人真係相當可疑…

「試卷…」我再講

『喔…係啦…哈哈哈…』紫晴笑一笑,瞄一瞄房個方向…

呃…

「紫晴考得好好呀…」我係袋到拎起三科既卷…「Miss lee都讚妳…可惜妳唔係到呀…」

『哦…係咁呀…』

就係紫晴接過個d卷個瞬間(佢隻手仲係顫抖...),我即刻放隻手上佢個頭顱到

『啊!?』紫晴嗌一嗌『家蔚?』

「無燒!」我同紫晴講「紫晴妳到底係乜野事…」

『我…我無話我發燒喎!』

「咁係乜野病…?」我步步進迫。

『係囉…我…我都覺得紫晴妳好古怪…』係我隔離既樂宜問…

『我…我…』紫晴再瞄一瞄房『我…其實燒退左…』

「妳又話無發燒!?」我企起身…

『真係無…退…退左燒呀嘛,咪無發燒囉…』

「紫晴…妳唔係紫晴…係唔係?」

我基本上可以確信,眼前呢個紫晴並唔係紫晴,但佢係邊個呢?
或者謎底就係…

我即刻捉住紫晴隻手…『啊…啊!?』紫晴大嗌

「樂宜!妳幫我開左個度門佢!」我揮揮腳指示樂宜

『哦…家蔚…』樂宜企起身,慢慢行去紫晴個房門…

『家蔚…樂宜…唔好啊…』紫晴掙扎,但唔夠我黎。

雖然大家係女仔,但紫晴係柔弱型,點都唔夠我黎。

然後樂宜就打開左度門…房入面…一定有不可告人既秘密!

『家蔚…』樂宜講『房入面…』

「房入面係乜!?」係人?定物…

而係我未反應得黎個陣,樂宜就突然比人捉住左入房,

啪!一聲,關埋門,如無意外仲要鎖埋。

「樂宜!?樂宜!?」我急得濟放開左捉住紫晴既雙手,跑去度門,果然鎖左...開唔到...

而家?到底係乜野情況…
 
「我要房個鎖匙!紫晴!」我同紫晴講

『鎖…鎖匙…無…無呀…』紫晴雖然咁講,但佢個眼神出賣左佢…

一瞬間…佢望住門口個方向…

係門口櫃上面…個一堆鎖匙到…有房既鎖匙…
我即刻跑去個度,上面有一堆鎖匙...我決定一齊過拎哂...唔諗...

『唔好啊啊啊…』紫晴突然跑埋黎,但阻止唔到我…

房入面有人…樂宜有危險…

我只有一次機會,之後就會比呢個紫晴阻止…
就…就呢條…啦...

嗯!