162.


睇黎一日留係呢到…我都平復唔到心情…
我唔可以…對唔住阿彥嫁…

「一星期…」我舉起食指「如果唔得…你地就唯有暫時代替對方返學…」

『嗯…我讚成。』”紫晴”即刻講



『我…我…』”子朗”仲係扭扭捏捏

「至於呢一星期點同學校交代…我搵冰瑤…佢應該會幫你地諗到計去解決…」

『嗯…』”子朗”點點頭

『冰瑤?』”紫晴”即係一臉疑惑

睇黎而家子朗都係局內人,唯有將部份重要既事講比佢知…
所以我再用短暫既時間…交代左冰瑤既重要性…同可信性…比子朗聽…



『嗯…』”紫晴”點點頭『如果家姐都信得過佢…我…我ok既…』

嗯…
咁就係再進一步…

「而家…到我問返你地…你地係交換之前…有無記得有乜異樣既情況?」

雖然我大概都想像到交換既原因…
眼前呢個”子朗”,紫晴既靈魂加上子朗既身體,



根本就係完整,完美版既上世情人…
再加上岩岩上世既”我”既共嗚…我更加可以肯定...

睇黎…學上世既”我”咁講…佢地相遇既一日…就快黎到。
 
佢地兩個努力回想更…

「例如呢…」我又開始搬返自己研究既成果…
「發到奇怪既夢…遇到外太空生物…比人打完黎…咁…」

『無…』”紫晴”好快就回應『我無發生過奇怪事件…』

子朗似係講更事實…
咁…果然…問題係…出係紫晴身上…



『我…我…』到”子朗”佢唔敢正視我『我…都…無…』

從我識左紫晴咁耐…我相信佢講更大話…
但我又無冰瑤咁勁既套料技巧…

「紫晴…」我斜斜地望住”子朗”「如果唔講清楚…我…我地好難幫到妳。」

『我…但係…家蔚…』

『係喎…』good job!樂宜『有咩唔怕同我地講嫁…紫晴…』

『咁…咁…』”子朗”dup低頭…『我…我呀…訓左場夢。』

夢…果然係夢!



『夢入面…我…我同一個女仔好快樂…好快樂咁係樹下面…』

個個女仔…應該就係上世既我…紫晴唔講出黎,係唔想我知道...但可惜...我完全知道...
而…樹…肯定有…而且仲係楊樹…

『之…之後有把聲問我…”妳係咪都想咁?”…』

個把聲…如果我場夢係上世既”我”…咁紫晴呢個就會係上世既”紫晴”…

『我…我話係。』”子朗”繼續講…『之後個把聲…雖然唔係好情願…
但…但係佢講左句…”或者呢個係天意…”…』

唔情願?天意?呢個就同上世既'我"好唔同...



其實之前偽紫晴話上世既”紫晴”講左句『我再無面目見妳,家蔚。』…
大概已經解釋到點解佢一直都唔出現…但而家紫晴再咁講…

或者,上世既”紫晴”其實根本就無意出現?
但…但佢今次咁做又係為乜呢…

『然後第二朝…我一起身…一起身…』一路講,”子朗”塊臉就變得好紅…『嗚…』

『原來係家姐妳!』”紫晴”望住”子朗”『我…我唔想做女仔啊!』

『我都唔想…』”子朗”繼續講『但我估唔到會變成咁…嗚…家蔚呀…』突然捉住我隻手…

手…手…子…子朗隻手呀…
好溫暖…



心又開始跳…我…我…唔得!

『家蔚…?』樂宜望住我『你塊臉…臉...』

死火…肯定係好紅…唔得…
我彈起身,”子朗”反應唔黎鬆開左手…

「咁…咁我去搵冰瑤…睇下可以點幫手…」到我口窒窒「要…要走先啦…」

『唔…唔可以再留多陣?』係”子朗”水汪汪既雙眼,我見到紫晴既影子…

「紫晴…」唔得…唔可以望住佢…「拖得越耐就越難變返原狀…」

就好似而家既我咁…由抵抗…到而家完全接受…成為一個女仔…

「所以…」但最重要…係唔可以留係到…同"子朗"一齊...「拜拜。」
 
*