163.


『竟然…發生左件咁既事…』冰瑤好驚訝咁講…

我無奈地點點頭,
感覺…而家發生既所有事…都係暗地裡破壞更我同阿彥既關係…

同樂宜一齊既未來先唔講住…而家眼前既”子朗”…
我感覺係比偽紫晴麻煩一百倍既存在…



而且…亦可以話係因為我先攪成咁…
所以我一定要親手去解決…

紫晴…佢唔會願意做男仔…
總會有極限既一日…到時…到時…

我諗到最差既情況…佢睇唔開…自殺…
唔得…唔得…



『家蔚…』冰瑤飲一飲啖熱朱古力『妳果然係可以不斷提供刺激事比我。』

「我…我應該開心定唔開心好?」我吐糟。

『關於請一星期假個度,其實唔難。』

出現了。

『大概可以話係有一個短線交流團,咁岩有空位多出黎,
所以邀請紫晴子朗兩姐弟去,只要有真既贊助商簽名,好容易做到。』



嗯,真係方便過20蚊一張醫生紙,如果各位家底好,應該都可以做到。

『但家蔚妳都知道呢個唔係長遠既做法。』冰瑤再講

「我明…但係…我唔知應該點解決…」

『家蔚…』樂宜好擔心咁望住我…

『啊啦啊啦…』冰瑤身體向前傾,雙手放係台上面『我仲以為家蔚妳明tim。』

「點會明喎!」我一見到”子朗”個心就會亂哂,乜都諗唔到!所以乜野計劃都無用啦!

但我講唔出口...



『咁妳就要理解返紫晴點解會變成而家咁。』冰瑤再講

「因為…想同我一齊?」我嘗試講

『無錯。』冰瑤再飲一飲熱朱古力『但如果佢做唔到呢?』

「如果…佢做唔到?即係唔可以同我一齊?」

『無錯,咁佢就應該會變返原狀。』冰瑤再講

「但呢個有漏洞…」我反駁「我本來都同唔到紫晴一齊,
而選擇左阿彥…但上世既”我”都無將我變返男仔。」

『但妳唔係話過因為上世既”妳”都想妳幸福先咁咩?』



「咁…咁又係…呢個係其中一個原因…」第二個原因...就係佢相信有日會見返"子朗"...

『所以,相對黎講,妳就要係紫晴有永遠做”男仔”呢個想法之前,令到佢明白妳同佢係無可能。』

「如果咁講,我只要一直對紫晴冷淡咪得囉?」

『咁太慢。』冰瑤講『而且咁只會令紫晴既情緒更加差。』

「咁…咁應該點做?」

冰瑤諗一諗,之後笑一笑,感覺好似發現到乜野趣事咁...然後…

『同佢一齊住。』
 
「一…一一一一齊住?」一聽完我真係嚇一跳「同紫晴?」



唔好玩啦!

『正確d講,係子朗。』冰瑤矯正我…

「咁更加唔得啦!」我只係同”子朗”一齊一陣就已經有d情難自禁…

如果成晚…
甚至幾晚…

一定會做出對唔住阿彥既事!
唔得呀!

「唔得呀!」我好激動咁講



『家蔚…』冰瑤再笑一笑,睇黎佢覺得呢件事真係好有趣
『呢個係最方便快捷既方法啦,定係妳有其他難言之隱呢…』

…嗚…嗚…無同冰瑤佢地講到我對子朗有種特別反應…
係…係咪應該講呢…

『係囉…』樂宜望住我…『雖…雖然男同女一齊住係唔多好…
但…但係紫晴名義上又唔係男仔…而且仲有佢細佬係到…應該無事既…』

樂宜仲要加以一記…

「我…我…」

『我都係要再講多次啦,家蔚。』冰瑤再講『拖得越耐就越嚴重…』

嗚…但係…但係…

『係囉…家蔚…紫晴…紫晴佢真係需要你幫手嫁…』樂宜再講

係雙重夾擊抵下,我無奈地點點頭。

『去…去去去去我屋企住?』”子朗”一聽完之後,同我既反應係一樣。

「嗯…」我記得冰瑤叫我千其唔可以講出真實原因
「因為…一齊住先容易搵到回復原狀既方法…啦…」

『但…但…但但但…』”子朗”都係好慌張…

可能係傾電話關係,我對”子朗”既感覺並無當時見到個陣咁強烈…

「係唔係…唔好意思?」

『唔…唔會啦…我好開心…啊唔係呀…
唔係...我啦…我啦…如果可以回復原狀…我同細佬都…都無所謂…』

咁就好…
啊…其實咁先唔好…

我之前仲有一絲希望…紫晴會拒絕…
但係而家…

『紫晴佢有乜反應?』一收線,樂宜就問

「佢話可以…」

『一係…家蔚…如果你擔心…我都可以一齊去…』樂宜再講『同屋企人講…應該無問題…』

同樂宜一齊…呢個建議好吸引…但…但係…
而家我都盡量唔想同樂宜有咁親近既機會…

因為個個未來…個個我唔係阿彥同一齊既未來…

「唔…唔洗啦…我…我自己一個會比較好…」

我唔制!
 
*