170.


到底…我嘴唇邊感受到既甜味…
係阿彥既…定係甜酒既呢…

我…我唔知道…

『之後…就係等。』我同阿彥坐係梳化到…阿彥講



「嗯…等…」我望一望阿彥屋企周圍…「不如呢…呢個時間我…我幫你手拾下屋?」

『唔…唔係咁好既…』我正想企起身,阿彥捉住我隻手

「唔…唔會啦…」我怕羞咁講「作…作為女…女朋友嘛…」

『都係唔洗…』阿彥講『我地黎打機啦?不如。』

打機?我望一望電視下面…果然有部ps3…



『winning,我記得小蔚妳打得好利害。』

阿彥…仲記得宿營個陣我地一齊打個件事…

「哼!」我自豪地叉起腰「你輸更呀!」

然後我同阿彥就邊打winning,邊等個蛋糕焗完…
越黎越香啦…到底成果係點呢…我好期待…

『係呢…』阿彥望一望我個袋『小蔚妳呢幾日個袋都好似裝好多野咁既。』



「哦…衫褲黎嫁嘛…」我即刻回應…

啊…阿彥唔知道我去左”子朗”到住呢件事…
順便一提,離開學校前我打過比”子朗”同佢講屋企有事,所以唔可以去佢到訓…

『衫褲?』

「體…體育衫褲啦!啦啦隊練習要用嘛!」

『哦…』

差d就穿崩…
好…好彩…



咁事實裡面的確有體育衫褲既!但同時都有日常衫褲…內衣褲姐…

『係呢…』阿彥再開聲講,今次佢有d尷尬『小蔚啊…』

「嗯…?」阿彥竟然可以邊專注打機邊講野,我真係未到呢個層次。

『今日我屋企…妳都知道,唔會有人返黎。』阿彥再講

「嗯…你細佬…去左同人住嘛…女朋友…」

『嗯。』阿彥放低左個手制,望住我

「做…做乜放低手制?暫…暫停!」我急禁暫停鍵。

『小蔚妳願唔願意,係到訓一晚?』阿彥問。



吓?

「吓?下下下下!????」我又大嗌上黎

『反正…整完食完個蛋糕,都差唔多十一點…』阿彥再講…

係…係阿彥屋企訓…訓訓訓訓訓訓一晚?
心血少都即刻入醫院呀?

『好唔好?』阿彥問『小蔚?』

唔好暈低呀,陳家蔚,今次妳要好好答人!
 
點好呢


係阿彥屋企訓,呢個建議係超超超超吸引!
 
其實根本都唔洗諗啦!更係肯啦!
 
「啊」叮!一聲打斷左我
 
『焗完啦。』阿彥另轉頭望向廚房個邊『個蛋糕
 
「啊呀」又會咁岩既「嗯去睇下成果囉。」
 
去到焗爐面前,我同阿彥都相當緊張
我地既成品我地既蛋糕
 
『打開囉。』阿彥講
 


「噢!」我吸一啖氣。
 
同上次蜂蜜檸檬呢d咁簡單既野好唔同今次係蛋糕
 
阿彥一打開個焗爐濃濃既香味就傳出黎比起岩岩強烈得多
 
「好好香呀」甜甜既味道夾雜住一絲既酒香
 
『嗯小蔚真係好香。』然後阿彥就伸手拎起個蛋糕小心翼翼放係台上面
 
我望一望美觀度比起放入去之前明顯好好多...
 
「啊仲有d特制咖啡醬」我好細心咁係上面塗上咖啡醬
 
然後成果就係我地眼前
 
「最最衰無相機」我拎起我部n73…如果有部生活態度咪可以影下囉
 
『我有等我一陣,小蔚。』阿彥行入房,之後拎左部單反出黎『我細佬既。』
 
「好野!」我開心「咁就可以影低呢個蛋糕啦!」
 
等阿彥係唔同角度影完之後,我又拎左黎影多幾張之後
 
『切蛋糕囉,小蔚。』阿彥舉起把小刀『我地一齊
 
「嗯阿彥!」
 
我地兩個手牽手,輕輕地切落個蛋糕到
好鬆軟睇黎我地無做錯到而家最重要就係味道啦
 
『妳既份,小蔚。』阿彥將第一舊切好既放係我個碟到
 
「唔唔該」我拎起叉拎起其中一少部份放入口
 
唔夠甜但對我黎講呢其實岩岩好
酒味我唔知應該點講不過阿彥應該好鍾意
 
『嗯好甜。』阿彥食完一啖之後講
 
「下?」我有少少驚訝「阿彥你覺得甜?」
 
『蛋糕唔係好甜,我講既係』阿彥望住我『個心好甜。』
 
「阿阿彥」我我唔知比乜反應「口花花!」
 
『唔係我認真
 
「知啦知啦!」我再食一啖慢慢我都感受到阿彥話既
 
個種心既甜。
 
『乾杯。』食食下,阿彥舉起一杯甜酒,笑住同我講。

「乾…乾杯…」我飲一啖甜酒…又係甜到入心…

琴日…係天台同阿彥講個番說話…
雖然係錯左…但錯有錯著…

就係因為咁我地先會有咁好既時刻…
食住蛋糕…飲住甜酒…企住蜜計...

嗯…

『小蔚,妳臉好紅。』

「下…」我掂一掂自己塊臉…熱熱地…「咩喎…咁…咁飲酒就會臉紅嫁啦…」

阿彥笑一笑『臉紅既小蔚更加可愛。』

「哼!阿彥你飲完酒就口花花!」

『無啦…』阿彥望返個蛋糕,仲有一半有多『睇黎可以當聽朝既早餐…』

「嗯…」我同意「係喎!我都未話係你到訓!」

『小蔚…妳…』阿彥望住我『唔願意?』

「點會唔願意喎!」我衝口而出「啊…」

『咁就好…毛巾我屋企有多,妳可以去沖涼先…至於訓教個度…』

「一…」我拉一拉阿彥件衫「一齊訓咪得囉…」細細聲講

『哈...乜原來唔係咩?』阿彥扮傻咁講

「你詐傻!」我打一打阿彥「衰人!」