171.


沖完涼,我換完衫(體育衫,因為唔想比阿彥知道我有其他衫)
之後就坐係阿彥張床上面…等阿彥沖涼…

岩岩其實又有個奇怪念頭想同阿彥一齊沖涼…唔得既…唔得既…

我掂一掂個被單…同枕頭…



「阿…阿彥呢…平時就訓係呢到…」

應…應該會有阿彥既味道…我慢慢控個頭埋去…
但突然我又諗起個日著住阿彥件校隊衫…自…自我安慰個件事…

啊!唔得呀家蔚…妳咁樣真係越黎越似痴女嫁啦!

「唔得…唔…唔可以咁既…哈…哈哈…」我對住個枕頭係到傻笑...

『小蔚?』阿彥係門口好好奇咁望住我,佢應該見到我岩岩自言自語…



「阿彥!」死啦,我岩岩咁失態…「啊…啊呀呀…」

阿彥只係笑一笑,之後就爬上床…坐係我隔離…

唔得…要解釋…要解釋呀…
不…不如就話我見到個枕頭唔乾淨啦…嗯…咁唔錯…嗯…

『小蔚…』想開口解釋個陣…阿彥先開口左…



「係!??!」我好慌張…

『琴日天台…其實我係聽得明。』阿彥繼續講

咦?

『妳…話想我同…做個件事。』
 
「哈…哈哈…阿…阿彥你講乜…」我唔敢相信岩岩聽到既野。

係咪因為食甜酒蛋糕又飲甜酒既關係,
我醉醉地有幻聽呢?

嗯,肯定係咁啦…



『小蔚,』阿彥既身體稍微靠向我到『妳…應該係話個蛋糕,並唔係妳本意。』

「我…點會呢…阿彥…話...話明一…一齊整蛋糕嘛…」

阿彥搖搖頭…之後…錫向我到…
咁…咁突然…既...嗯...

嗯…但…但…無所謂…

『小蔚…』嘴唇分離個刻…我見到阿彥塊臉都紅紅地
『我原本都唔係好明…但我諗真…就覺得小蔚妳並唔會因為蛋糕咁簡單就叫我上天台…』

阿…阿彥…
原…原來你唔係唔明…



周圍溫度…感覺就因為我地兩個人而慢慢提升…
我相信…唔單止我…連阿彥…都已經進入左一種迷醉既狀態…

呢個狀態…我地會…

『小蔚,我…我真係好愛妳。』

「我…我…」我感覺我眼淚又開始想流出黎「我…都愛阿彥…」

再次接吻…今日既第三次…
幾…幾多次都唔會夠…我只想一直咁落去…

阿…阿彥…阿彥既嘴唇…胸膛…所有所有…
都係我…陳家蔚所有…



嗯…嗯…

然後…唔知幾時…可能就係吻完之後就好自然地…
我…我訓係床上面…而上方…光線…就比阿彥既身體遮住左…

上幾次既呢個情況…可能係一連串既誤會做成…
但今次…我地係自願…我地係自然…

無其他因素…

『小蔚…』阿彥含情默默咁望住我…係…係難得既表情…

之前,無論係何時何地…阿彥都只係用溫柔既表情望住我…
好…好難得…嗯…



『小蔚…』阿彥再講,感覺每次提起我個名…都好似穿透我心靈咁…

無論接下來發生乜野事…我大概會…好快樂…好欣然接受吧…?
因為…對方係我一個…永遠都唔願意離開…分開既對象。

『係我做接下來既事之前…』但阿彥既眼神…突然變得好認真『小蔚…妳要認真答我…』

「阿…阿彥?」

『妳係咪…真係希望我…繼續落去?』
 
「下?」我驚訝…
 
驚訝…唔係因為阿彥突然問呢個問題…
而係…我無即刻點頭…等阿彥…繼續呢件事…
 
我…我原本只係諗住靠”性”呢件事…同阿彥更進一步關係…
但…但而家…經過一次做蛋糕呢件事…我…我地…
 
應該話我…唔係已經達成左目標啦咩?
 
『小蔚…』阿彥見我無回答
『我想妳認真答…因為我唔想妳…因為一時衝動…做錯決定。』
 
一時衝動…做錯決定…?
 
『我…』阿彥再講『我硬係覺得小蔚妳…係天台同我講既野…係一時衝動既決定。』
 
的…的確…阿彥無講錯…阿彥好岩…
 
『我係真心愛小蔚妳…所以我唔想妳受傷…』
 
阿彥…係真心愛我…
 
『或者…其他人會覺得我好傻…』阿彥笑一笑『會話我有得食唔食咁白痴。』
 
「點…點會呢…」我即刻講…
 
阿彥佢…係關心我…佢唔係為自己…
唔係好似我咁…為左私慾…一時衝動…
 
『我記得呢…』阿彥再講『我講過我一定會捉緊妳…唔會比妳走左去…』
 
「阿…阿彥…」
 
『如果…我地真係經得起歲月既話…係咪…唔洗急於一時呢…』
 
佢一直…都係為我著想…
 
阿彥…無論口定心…都係如一…咁…咁溫柔…
 
『或者…我…我有錯啦!』阿彥笑住講『所以…我先希望小蔚妳可以認真答我。』
 
阿…阿彥…
我...我愛上你…
 
或者係我人生上做得最正確既決定。
 
所以…最後,我搖搖頭…
 
「阿彥…你岩…」我講出口…「我的確係衝…衝動左…」
 
阿彥…無再講到野。
 
我今晚明白到一樣野,或者”性”的確可以增進一段關係,
但有時,真心既告白,同一個吻,得到既,可能更多。