172.


所以…琴晚,我地並無做到個d事…
不過阿彥講得岩,來日方長…唔應該因一時衝動...做個錯既決定...

『起身啦…小蔚…』我訓到朦朦朧朧,聽到阿彥溫柔既聲音…

「唔~」我…仲…好眼訓…「唔…制…」今日星期六…咁早起身做乜喎!



『已經十一點啦…』阿彥再講

我笑一笑… 一諗起阿彥做左我人肉鬧鐘…唔知點解就好開心。

「唔制唔制呀…」我繼續賴床「我要訓多…十分鐘!」

『小蔚妳再唔醒…』阿彥細細聲講『我就搔妳格甩底!』

「怕…怕你咩!哼!」我唔理佢,側埋一臉繼續訓…



然後就係接近一分鐘既傻笑…

「哈…阿…阿彥…哈…唔好…停…停啦…哈哈…」

唔好攪啦!

早餐…

『我整熱左。』阿彥放低個蛋糕『仲有咖啡。』



「阿…阿彥既愛心咖啡…」我飲一啖,都好唔錯!

一齊訓教,一齊食早餐…好幸福呀!

『咁…』阿彥托住頭望住我食『食完有無打算去邊?小蔚。』

「無…無呀…阿彥你唔洗返工咩?」

『其實…』阿彥笑一笑『可以請假既。』

「唔…唔好啦!」我同阿彥講「唔係咁好既…我…琴晚可以同阿彥一齊已經好開心嫁啦!」

『嗯…就聽小蔚妳咁講。』

所以,食完早餐之後,我先打包左小量既蛋糕,打算比堂姐芷螢試下食...


之後阿彥送我返屋企,送完就返工。

返到屋企,神奇地屋企竟然無人…堂姐唔係到就好正常既…
但芷螢都唔係到就有d出奇…都好既…

難得地可以係屋企自己一個靜靜地…休息下…上下網…

但正當有呢個念頭個陣,電話響起~
You made a rebel of a careless man's careful daughter.
You are the best thing that's ever been mine.

阿kay?上次打黎係幾時…我已經無乜印象…

「喂?」



『表姐…呀...』阿kay睇黎都有d心不在焉『其實係隊長叫我打比你。』

隊長?哦…黃依玟。

「係…」我回答

『佢問妳好返未,今日可唔可以返學校一齊練習?』

我諗一諗,其實今日都無野做啦…咁無理由唔返既…

「好…妳幫我同隊長講我一陣到啦。」
 
*
 
『好啦,琴日我已經決定好。』依玟點點頭『個日就由家蔚同我負責帶領妳地。』



『吓!』阿琳好激動到咁企起身『佢得唔得呀!』

『家蔚佢雖然跳得幾日...』

『兩日!』阿琳打斷依玟講野『兩日咋!而家離陸運會啦啦隊表演仲有五日咋!』

無錯…五日,陸運會係定係十一月十七同十八日兩日,而啦啦隊表演係係十八日。

『五日…』依玟好冷靜咁講『已經好夠。』

『隊長!唔好因為佢』阿琳指住我『身材好樣好就比咁既位置佢!』

雖然阿琳咁講我真係有d唔開心,但…但佢又唔係無道理…
仲有五日…我真係要負咁大責任?我...我無乜信心。



『但家蔚既能力妳地有目共睹。』依玟好堅決咁講『我係對事唔係對人。』

部份人都好同意,包括小藍同…阿kay。

『無錯…我相信家蔚再練一兩日就可以完全跟到我地進度。』小藍講

『小藍!』阿琳難以置信咁望住小藍

『就咁話啦,浪費咁多時間討論不如認真去練習!起身,各位。』依玟好堅決咁講

『嗚…』但睇得出阿琳仲係好不滿…

既然隊長都咁決定…我就唯有更加盡力…去表現自己…
我身體已經知道呢d舞點跳…最重要係自信…嗯…自信!

『good job,家蔚。』練習完個陣,依玟好滿意咁講

但阿琳呢,見到我咁好既表現,反而係更加唔高興。
睇黎佢由原本因為胸部而對我不滿既情緒已經不知不覺昇華左...

唉,點解呢…大家都係女仔之嘛…

『一齊食飯?家蔚。』去到學校門口,依玟問…

見到其他隊員成日都一齊食…我成日拒絕又好似唔係幾好咁既...

「嗯…好呀…」我點點頭

反正堂姐芷螢又唔知去左邊,今日一於就同佢地食啦…

感覺我新既校園生活,已經一步一步踏入正軌!嘻嘻...

*

嗯…

三個鐘之前,我的確係咁諗…

直到…我比人綁住困係黑暗既禮堂後台之前…
 
點解會發生咁既事…
睇黎我要冷靜回想返岩岩...三個鐘前…

『家蔚妳飲唔飲得酒嫁?』係去食飯既途中,馬尾社員B問

「我…麻麻啦…哈」

『話左佢好純好真嫁啦!』馬尾社員B同隔離既阿琳講

『哼!扮野我都識啦!』阿琳講…

『嘛…唔好怪佢呀…家蔚。』馬尾社員B反一反白眼『阿琳份人係咁,但佢本質唔壞嫁!』

「嗯…我唔會既…」既然妳都咁講…

『唔飲酒係應該既,我地呢D年紀。』隊伍前面既依玟認住頭講

聽完依玟咁講,我開始覺得琴日同阿彥飲甜酒係一件唔好既事…
但…但一日半日姐!

『而且酒後容易亂性,由其我地女仔,好危險。』依玟繼續講

酒後亂性…阿彥…琴晚飲左好多,我地都無做錯事啦…
阿彥…真係理性既代表…男性既代表…

我有個咁既男朋友真係好呀!

『啊哈哈…』小藍係隔離講『隊長又要進入說教模式啦…』

下?

果然,依玟係我地等更位到食野都長篇大論講更說教話題,
話女仔要有矜持,唔可以隨便,酒呢d絕對唔掂得等等等等…

雖然好有道理,但聽得多都開始悶…

『夠啦夠啦!』阿kay終於頂唔順講出口『夠啦隊長…講下其他話題啦!』

『其他話題…嗯…』依玟睇黎相當苦惱…

睇黎佢真係好認真既人…
但又係一個好好既人…

食完飯之後…

『咁…今日就到呢到啦…』依玟同其他人講,之後就散解…『家蔚…妳可唔可以等陣…』

「下?」我有D驚訝…

『其實啦啦隊個度,我有D位想同妳研究下,想問妳得唔得閒同我返一返學校姐。』

「兩…兩個人?」其他人已經解散哂…

『嗯,因為有D位都唔係咁想公開住。』依玟好認真咁講…

如果係為左件事好既話…可以既…

「嗯…」

*