179.


「紫…紫晴?」我即刻縮返頭「紫晴!?」
 
“子朗”臉上面露出恐懼既表情…之後慢慢向下望…望落佢雙腳…
 
『家…家蔚…』佢突然軟弱無力…跪左係到….
 
「紫晴!」我見到”子朗”成身都係到顫抖「妳…妳隻腳無事嘛?」


 
『無…無野…』”子朗”郁一郁佢隻腳…『我…我只係...太…太緊張…』
 
真係咁?太緊張…緊張到喊?
 
「唔係…紫晴…一定唔係咁…妳係咪…諗到一d野…」
 
『我…我…』”子朗”抬起頭『我唔清楚…』開始喊起上黎『嗚…唔清楚…』
 
就係”子朗”既喊聲下,就過埋呢晚…結果,當然無回復返黎。


 
*
 
第二朝,我同”紫晴”好早就起左身…

『嗯…家姐間學校…唔知係點呢。』

唔知點解,我覺得”紫晴”對於可以返學感到相當興奮…
唔通d藥無效?唔會掛…未發揮效用姐…我估…



至於”子朗”…

『我…我唔返啦…』”子朗”坐係床上面『我…我隻腳仲...仲係無乜力…』

「下?」我好擔心「紫晴…妳隻腳真係只係無力?唔...唔會仲嚴重左掛?」

『嗯…』”子朗”緩緩抬起腳…但係顫抖得好利害『我…我諗…休…休息返一日應該可以…』

「咁…子朗換衫個度…」我望住”紫晴”,以而家”子朗”既狀態…
「不如子朗你都係遲一日先返?」

『下?』”紫晴”即刻好失望

「聽日係我地學校陸運會,到時自由好多,亦都無咁易穿崩…」



『但…但係…』”紫晴”望住我『我…我等左咁耐…』

你唔係真係期待掛?咁...咁真係好大鍋...

「而且,紫晴都需要人照顧。」我決定用殺手鐧

『我…我唔洗阿...阿朗照…照顧啦…睇…』”子朗”嘗試落床『啊呀!』即刻跌左落地下

我扶起”子朗”...

『對…對唔住…真…真係無用…我…』”子朗”好唔開心咁講

『呃…』”紫晴”雖然唔情願『咁…咁就聽日啦。』但始終係親家姐,所以無辦法。

Good job!”子朗”!



所以今日紫晴都係缺席

『咦?表姐…』阿kay好奇咁望住我『紫晴唔係應該今日返咩?』

「無呀…佢地飛機個邊誤點…所以未返到…」我求其講左個大話…

樂宜有d疑惑咁望住我,我同佢打左個眼色。

『哦…嘻嘻…希望佢唔會錯過陸運會啦…』阿kay講

「下?紫晴有參加到活動嫁咩?」我問阿kay

『妳有所不知啦表姐。』阿kay笑一笑
『睇紫晴成個吉祥物咁係觀眾席到為下面d人加油係一件享受黎嫁。』



「竟然…」雖然紫晴聽日會返…但個個人其實係子朗…

所以…睇黎我要錯過啦,吉祥物紫晴。

放學,今日係最重要既練習,所以我一早已經拾好野,準備好哂…
突然...背脊比人戳一戳…阿彥…

我一望住佢…就諗起琴日差d就…同…同”子朗”接吻呢件事…
就差d…差d…做左對唔住阿彥既野…

『小蔚…』阿彥拎起部手機,好擔心咁望住我『呢張相…係咪妳?』

我接過阿彥既手機…一望完...手…手即刻顫抖起黎…



手機到顯示既係,冰瑤幫我整既偽造裸照…
但有d唔同既…就係模糊左…而且重要部份都有野遮住…

兇…兇手終於行動…而且...而且第一個睇到既人...仲...仲係要阿彥...
 
點…點解會係阿彥…
明明可以好多公開既選擇…偏偏係比阿彥…

『小蔚?』阿彥好擔心

「醒D啦!阿彥!」我固作堅強「張相改到咁樣,分明唔係我啦…」

雖然張相…大大隻字寫係我個名…而且個頭部…明顯比起周圍係無咁朦…

『但係…』阿彥望住我…『我硬係覺得件事唔係咁簡單…』

「太多疑啦!阿彥,」我企起身「我要去啦啦隊練習啦,記住刪左張野佢呀!」

『嗯…』阿彥點點頭『我都要足球隊練習…』

但我…第一時間唔係換衫,而係打比冰瑤。

『咁,個兇手都算有D良心。』冰瑤一聽完就即刻講

「下?!」我好驚訝「只係一日咋!佢就即刻放左張比阿彥…
就…就算威脅人都要準備嫁嘛!咁都叫有良心!」

『佢本來要脅得妳就可以直接放一張清晰版比邦彥,但而家朦左喎。』

「咁…雖然係咁姐!」

如果今日攪唔掂件事…我諗...聽日…後日…就會更嚴重…

「我…我無同芷螢講…係…係咪做錯呢…」一諗到可能比阿彥見到清晰版…我就有D迷茫…

『錯啦…』冰瑤講『妳當初咁決定睇黎好正確。』

「下?」

『個兇手只係一日就放相,證明佢相當衝動,希望盡快可以要脅到芷螢。』

「嗯…」

『而且,佢有邦彥既聯絡電話,都係好重要既線索。』

「係喎!」冰瑤唔講都唔覺…

『即係佢係係啦啦隊成員,同時認識邦彥,或者有辦法拎到邦彥電話既人。』冰瑤分析…

「所以…」一講完,我突然覺得離兇手既距離近左好多…

『所以…而家搵個兇手就易左好多,而且…家蔚妳聽日開始就係陸運會?』

「嗯…點解冰瑤妳知道既?」

『呵呵,秘密。』冰瑤笑一笑『我覺得,兇手心急…其實可能同陸運會有關。』

「同陸運會…有關?」

『嗯…呢一連串行動,或者就係左為陸運會…上面既一件事…』

如果…冰瑤既諗法係無錯…
咁即係陸運會…就會係…找到兇手既...最佳場所?

一個本來好自由...好平常…好開心既競賽日…
竟然會成為兇手作惡既場所...

可惡!就等我呢個美少女,係聽日儆惡懲奸啦!
 
*