182.


「無可能!」我即刻答「點…點解芷螢妳無啦啦咁問?」

『無…無野…』芷螢講

肯定唔係無野…一定係有d理由…

「芷…芷螢…妳係咪記憶已經返左黎?」我再追問



『無…』芷螢搖搖頭『完全無進展…』

雖然我覺得芷螢係講更大話…但我都無再追問落去…

因為…同阿彥分手呢個問題…係絕對無可能…
我唔想知道,係乜野原因,乜野理由,令到芷螢有呢個念頭…

唔得…唔得…唔得…



之後我地兩個就無再講到野…只係沉默…各自思考…
然後,下方有兩個人吸引到我既視線…

黃道輝…同…依玟?佢地兩個講更野…
因為距離好遠,所以聽唔到佢地講乜,不過依玟既情緒好似唔多好咁…

原來佢地兩個識嫁?真係而家先知…「喂喂,芷螢。」

『家…家蔚?』芷螢回應,睇黎佢沉思更,所以留意唔到佢地



「下面呢…黃道輝同依玟…佢地識嫁?」

『肯…肯定識啦…』芷螢講『佢地都係社主席。』

原來黃道輝係綠社主席…完全無留意啦…

『而且佢地仲要係兄妹tim。』

「唔撚…呀!」唔可以講粗口「唔係掛!?」

『嗯…之前…我…我有緣去過黃道輝屋企個陣,見過佢一次。』芷螢講

黃道輝…同依玟…係兄妹?回想返…第一次遇到依玟…
佢自我介紹個陣…叫自己做黃依玟…黃…黃…呀呀…



『但其實佢地兄妹呢件事唔係好多人知。』芷螢繼續講

「點解?」

『因為唔係親兄妹囉,只係阿輝老豆妻左黃依玟既阿媽…』

「哦…原來係咁…」呢個情況,就同堂兄同堂姐差唔多…

我記得呢…堂兄同堂姐就因為咁,先曾經發生過關係。
唔知眼前呢兩個人又會唔會呢…

不過依玟咁認真…無可能既…

『係呢…家蔚呀…』



「芷螢?」

『今晚,如果可以既話…可唔可以返黎屋企…我…我有樣野想比妳睇。』

「下?係乜野咁神秘?」

『今…今晚妳就知…』芷螢若有所思咁講...

「嗯…咁我就期待下今晚啦…」

然後,女仔100米既召集廣播就開始…

「我要走啦…芷螢…一陣再見啦!」

『嗯。』



一企起身,電話就響左…係訊息…又係無名訊息…

(下午兩點,帶陳芷螢到小賣部旁邊既樓梯…)

正如冰瑤咁諗…兇手,果然開始急於行動…
 
兩點…帶芷螢去個個地方…
係咪代表兇手都會出現,或者係附近呢…

唔知…諗唔到…

我一邊思索,一邊行去集合點…

『做好準備,男子100米完就會開始妳地既…』負責既陳sir講



周圍既女仔都好似幾緊張咁,攪到我都緊張埋
我決定唔理佢地,望落下面既會場…啊呀!到阿彥啦!

我好想大叫為阿彥加油,但因為而家準備吹雞,就費時騷擾佢...

咇一聲!阿彥起步得好快…
所以一直處於頭一二位…但佢隔離個個都同佢旗鼓相當

啊…但因為個集合點係近起跑位,所以阿彥係唔係第一我就望唔清楚…
不…不過呢…咁快應該嬴到初賽掛?

然後就開始到女子100米。

我呢,唔知好彩定唔好彩,係第一組,
企係起跑線上面,個緊張感覺唔知點解無哂…取而代之係充滿自信。

哼哼,話哂我曾經都係男仔,運動力都有返咁上下啦,妳地絕對唔係我對手既!

咇!衝呀呀呀呀呀!



…第五…

點…點解會咁…啊呀呀…
前…前面兩團肉…彈彈下…根…根本好難跑得好…

唔…唔知阿彥…會唔會睇到我咁差既表現呢…
仲…仲有其他人…

嗚…

『唔洗咁傷心喎,表姐,嘻嘻。』阿kay跑完之後就黎左安慰我。

「我…嗚…唔要妳安慰呀!第一位!」

無錯,阿kay既100米初賽係跑第一,而且係大複拋離其他對手。

『嘛嘛~咁我本身都有跑開嫁嘛!』

「雖然係咁姐!」嗚…但我第五位…醜死人啦…

『但我真係估唔到,表姐之前明明唔係女仔,
等我仲以為妳會跑好快tim。』唔知情既阿kay再補多一刀。

嗚…嗚嗚!

過多一陣阿彥就返黎…

『小蔚妳岩岩跑成點?』阿彥好溫柔咁問

「我…」我dup低頭…「第…第五…阿…阿彥無睇到?」

『因為跑完去左聽成績,所以錯過左…』阿彥再講

阿彥無睇到...我既醜態...咁…咁都好d…
 
因為跑第五既關係,所以我係無緣進入準決賽,
結果,我第一日既陸運會活動基本上已經宣告完結。

阿kay同阿彥因唔同既初賽而動身之後,
我見咁岩係冰瑤個邊既小息時間,決定試下打比佢…

希望冰瑤會聽電話啦…

『喂?』太好啦!冰瑤真係有開電話…

「冰瑤!兇手又行動啦!」

所以,我就將兩點要帶芷螢去指定地點呢件事,講比冰瑤知。

『嗯…咁家蔚妳咪照兇手咁做囉。』

「但…但兇手會唔會乘機…係個陣搵野要脅芷螢嫁?」

『正常去諗,應該唔係。』冰瑤講
『雖然聽妳咁講,個個位幾偏僻,但周圍始終都有機會有其他人。』

「嗯…」

『我反而係覺得…』冰瑤停頓左一陣『都係無野啦。』

「冰瑤?」點解講講下又唔講…

『總之,保持聯絡啦,家蔚。』冰瑤講

「嗯…係返學時間打比妳…真係唔好意思…」

『唔洗唔好意思,家蔚,我部電話隨時為妳而開…』

冰瑤…
如果我係男仔我實會愛上妳姐…