183.


『食飯囉!出去食飯囉!』下午時份,阿kay佢一返黎就講

「下?我記得我地係比左飯盒錢嫁喎…」

『耶~個d飯盒邊好味喎…我搵到個通道,出左去無人覺嫁!』阿kay笑住講

「但係…」



『唔好但係啦,』阿kay捉住我隻手『王樂宜佢地已經等更啦!』

「但係阿彥…」

『邦彥無同妳講佢要同足球隊d人食咩?』

「有…都有…」係短訊到…

『就咁話啦!』



所以,我地幾個就偷偷出左外面食飯,然後偷偷返黎…
過多陣...時間…已經差唔多兩點…

我依個封短訊,帶左芷螢去個個地點…

『家蔚…?妳帶我黎呢到做乜…』芷螢疑惑咁問

「我都想知…芷螢...一陣...發生乜事...我都會係妳隔離。」



其實封短訊無指名我應唔應該留係到…
但我實在唔想留低芷螢係到,所以我決定唔走…

然後…出現個個人...

『芷螢…』

係黃道輝。
 
黃道輝?一個完全想像唔到既人…
唔通…佢就係兇手?

但...但兇手無理由會咁明目張膽出現...

『hi…芷螢。』黃道輝講



『阿…阿輝?』芷螢睇黎都唔知道點解黃道輝會黎呢到…

然後,就好似計算好哂咁…芷螢電話響起。

『等…等陣…』芷螢好慌張咁講

但鈴聲好快就響完…即係唔係電話…而係短訊…

芷螢一望完個短訊,臉色一沉…

「芷螢?」

『家蔚…妳…妳返去先。』芷螢講…



「下?到底封短訊講乜?」芷螢突然咁講令到我好不安...

『無野...只係無聊短訊。』芷螢再講

「一定唔係!係咪…係咪要脅短訊黎!?」

一講完,芷螢就望住我...表情...充滿左恐懼...

『要脅短訊?』到黃道輝一臉疑惑『乜野要脅短訊?』

「你扮傻!你肯定同兇手有關係!」我睜住黃道輝「芷螢…」

『返去先!』芷螢突然大嗌,嚇左我一跳…

因為呢一嗌,吸引到周圍岩岩係小賣部買完野既人既視線…



「芷…螢…」

『無野…真係無野…』芷螢搖搖頭『我有d野要單獨同阿輝講…』

「唔係…一定有d野…妳原本都唔知道黎呢到既目的…而家就話有野同黃道輝講…」

『原…原本真係無…』芷螢再講『但一見到佢…就諗到…所以…』

芷螢用雙手輕輕推一推我…

『家蔚…妳走先…求下妳。』

我無辦法拒絕芷螢,所以,我唯有離開個度…
留低芷螢同黃道輝…



我幾乎可以肯定…芷螢既突變…係因為個封短訊…

但係…到底係乜野原因…我無辦法去知道…

我…我…好失敗…
最…最後都保護唔到芷螢…

*

就係咁,第一日既陸運會就咁完結…
係唔同既意義上…都係以失敗告終。

唔單止搵唔到兇手,
而且係我唔知情下…芷螢就突然比兇手威脅到…

失敗…
 
最後既啦啦隊排練完結之後,
今日我應芷螢要求,返左去自己屋企。

原本…只係為左睇個件芷螢想比我睇既野…

但而家…目的多左,無論點都好,我都要知道封短訊…芷螢同黃道輝講左乜…

一定要知道。

一打開…就見到芷螢一個人坐係梳化上面…
個樣…好寂寞…而且…好似喊完黎?

「芷螢…」我慢慢行去芷螢身邊,坐係佢隔離

『家蔚。』果然…芷螢雙眼腫得好利害…

「妳…妳喊完黎…」

『嗯…』芷螢點點頭『做…做左女仔之後…果…果然好容易眼淺。』

「芷螢!」我好激動「黃道輝個邊到底係乜事…我…我一定…」

但芷螢只係舉起隻手,阻止我講落去…

『家蔚…今日希…希望妳返黎,唔係為左阿輝個件事。』芷螢講

「但係…芷螢…妳要知道我係企係妳個邊嫁!而…而且好多人都會幫到妳!」

『總之…個件事我唔想再提。』芷螢講完,係另一隻手舉起…

一條頸鏈…

『我要比家蔚睇既…係呢樣野。』

「頸鏈?」

我接過芷螢手上面既頸鏈…與其話係頸鏈…
其實比較似一個迷你陀錶,成身光亮既銀色,

內部意外地唔係古舊款,而係非常現代化…
而陀錶既背面有個「M」字…M?點解?

『家蔚對呢條鏈…有乜野睇法。』芷螢講

「呢…呢個頸鏈…幾靚呀…」我同芷螢講「一...一定好貴姐...」

但重點唔係呢條頸鏈…而係…

「但係呢…芷螢…鏈呢件事放係一邊先…最重要都係…」

『呢條鏈,就係時光機。』

「唔撚係掛!」我即刻彈起身田

我…我手上面拎更既…就…就係傳說中既時光機?

如果可以返返過去…我就可以買六合彩…做富婆…呀呀呀呀呀
我仲記得上個月25號個六合彩NO.嫁…17,22,26,27,29,35…四千萬嫁!

六合彩…六合彩…六合彩!

『我幾乎肯定…但係…』芷螢DUP低頭『已經再用唔到…』

「再…再用唔到?」我一聽完個心即刻沉一沉…我既六合彩大計…

但…但呢個係其次…用…用唔到即係…

『我…』芷螢望住我『我大概…返唔到去未來。』

呢個…或者就係芷螢呢幾日…咁唔開心既原因。
 
「芷…芷螢…」返唔到去未來…即係…永遠會留係到…

『我…』芷螢又開始眼濕濕…『或者當初做錯左好多野…』

「點…點會呢…」呢個情況,我都唔知講乜好…

『而…而留係到…成…成為女仔…或者就係個天比我既懲罰…』

「傻既!」我捉實芷螢「妳…唔可以咁諗!」之後攬實芷螢…

「任…任何野呢…都會有佢原因…但係我覺得呢個一定唔係懲罰…
芷螢妳留係到,或者就係上天覺得妳係到會更幸福…」

『媽…媽?』

「我絕對會比到妳幸福…芷螢…妳…妳就安心留係到…做…做我既乖女…」

未來…算得係乜野喎..

「最重要…唔係未來,而係而家嘛!」我繼續講…

『嗚…嗯…』

因為我攬實芷螢…所以見唔到佢既表情…但…但係…
佢的確係點左頭…呢點我係感受到…

「就留係到啦…芷螢,永遠…永遠。」

*