186.


呢間學校,比起其他學校有一點不同既,
就係啦啦隊表演,會放係親子競技,同學生合作競技既前面。

目的係為左令時間更容易安排,而且可以有多d時間比老師去討論賽果。

而家我地黃社成班啦啦隊員,係專屬既更衣室入面…



『迷你裙!』小藍好誇張咁舉起一件黃白間條色迷你裙,
『仲有~黃色衫!』再拎起另一件短袖黃色既衫,兩邊手袖位有白色既蕾絲。

我而家先知啦啦隊會換埋衫…
我之前間學校根本唔洗換…只係就咁體育服...

『呢d都係計分既準則之一。』依玟解釋『衫既特色係好重要。』

「嗯…」原來係咁…



『而且呢!隊長,都係由我講埋啦,』小藍笑咪咪『連黃色內褲我地都準備左嫁!』

『「下!」』唔單止我嗌左出黎,有好幾個成員都有嗌到

『咳咳。』依玟拎起其中一條黃色內褲,睇黎佢自己都覺得尷尬
『為左勝利,就算走光都要比人地知道我地係著黃色內褲。』

果然…依玟係好希望得到勝利…
咁即係…封短訊同佢無關係…佢唔係兇手…我一直怪錯佢...



『大家,準備好未?』見到場外面大聲既歡呼聲,睇黎紅社已經表演完

『準備好!!!!』

『黃社…』依玟伸隻手出黎…我地都一齊和應『加油!』

出到去場地…望上去台上面一點一點密麻麻既人影…
阿彥…樂宜…芷螢都係上面睇更我地…

我…要努力…
雖然緊張…但…但係我身體知道應該點做…

而且…咁多日既努力一定唔係白費…

所以,我地對封短訊既回應...己經相當明顯...


就係...who cares?
 
音樂一響,我地既啦啦隊表演正式開始…
第一首歌節奏比較慢,所以算跳得比較輕鬆,

我亦有時間好好觀察其他隊員…
我見到各位,包括阿kay,小藍,甚至阿琳...

佢地都好盡情…好開心…去表現自己…

想當年既我…係觀眾席到,
只係認為啦啦隊呢d樣野好無聊…好做作…

但到我親身落場個陣…我明白到…
其實表演既人…絕對係真心真意…無花無假…




因為表演係三首歌既關係,所以總共係有兩次轉歌位…
係第一次轉歌位…我同依玟完全係超水準…比練習時更順利…

兇手…妳而家一定睇得好唔安樂啦…
我…陳家蔚!係唔會受到妳威脅既!

好快…就到左第二次轉歌位…
呢個部份其實比第一次更容易…

所以…呢次表演基本上已經可以話係…大...

大…大成功?



我係咁諗…但…但係…
原本依玟要交比我既黃色旗幟…就到我手個陣…竟然鬆開…

係我未理解到,到底係我出錯,定係依玟出錯個陣…

個旗幟已經…

跌左落地下。
 
*
 
一次嚴重既失誤。
 
返到去更衣室…大家都好安靜…
 


『家蔚…』阿kay係我隔離安慰我『唔係妳錯嫁…』
 
『係囉…』阿琳都幫口『其實個地下咁濕…或者…或者…』
 
「唔係…」雖然心情好差…但係我竟然流唔出一滴眼淚
「就算交接個度…唔係我錯…但之後…我竟然無反應…企…企係到…」
 
旗幟落地之後…我基本上係愣住係到,好彩依玟反應得切…
將呢次失誤所帶來既影響減到最低…
 
但…無可否認,呢個失誤始終係好明顯…絕對影響左今次既成敗…
 
嗚…點…點解會咁…
 
『呢樣野好正常姐!』阿kay繼續講『無人會預計到會出錯嫁嘛!』
 
「錯!就係錯左!」我企起身「好…好對唔住…各位…」
 
『唔係妳錯。』出聲既係依玟『係我無依到練習咁做,我走位錯左。』
 
『點會呢!』小藍講『計我話大家都無錯,實際場地本來就唔係咁計嫁啦!出錯好正常之嘛!』
 
『係囉!』阿kay和應『其他位置我地都表演得好好呀…唔一定輸嫁喎!』
 
可能聽到”輸”呢個字,大家又再次沉默…
 
『啊…』阿kay發現到自己講錯野…『sor…』
 
『今次的確係我錯。』過左陣,依玟再講
『為左補償,我下星期…會同老師講辭去主席個位。』
 
咩…咩話?
 
『傻左咩!』阿kay好大反應『根本係兩回事!』
 
『係我心入面,就係一樣野。』依玟再講『幫唔到個社蟬聯…我都無資格再繼續…』
 
『而家都未話一定輸!』小藍打斷依玟『真…真係輸左先…先再決定啦…』
 
而家呢個情況…真係好僵…
但我無資格出聲…因為…我都係罪人…
 
我無辦法好似依玟咁補償…
 
無辦法…
 
*
 
換完衫之後,其他成員都出返去…
而家得返我同依玟兩個…
 
但我地都無講到野…我地都仲係介意岩岩既失敗…
唔係怪責對方…係怪責自己…
 
我最先企起身「我…我出去先。」
 
『我話唔做主席,唔止呢個原因…』依玟突然開聲…
 
「下…?」我另轉頭望住依玟…
 
佢望住我…表情…相當悔恨…
 
『威脅人既幕後黑手…就係我。』然後佢講出呢個事實。