188.


「但…但係點入?應該鎖左嫁喎…」我地d野都係到…

『阿琳有後備鎖匙,係佢知道我既目的之後,佢就交左比我。』

「嗯…」阿琳…佢果然有幫到手..

『順帶一提,我可以留意到啦啦隊員,都係靠佢既情報。』冰瑤再講



副主席個樣越黎越不滿…

『因為呢間房無任何格仔鎖既野,d袋係隨便放,
所以我就搜左依玟既袋…係佢手機到既短訊,證明佢真係比人要脅。』

冰瑤笑一笑。

『連同兇手小姐部手機入面既要脅記錄…相片…
基本上佢係走唔甩嫁啦…所以我就拜託黃道輝帶住佢同老師講。』



「所以…」

『所以係妳地表演完之後,其實件事已經解決左,
兇手小姐已經承認左一切,佢既目的同我諗既一樣,就係想取代黃依玟成為主席。』

『嗚…』副主席望落十分激動

『基本上就係咁,老師話係之後會處理呢件事…而家陸運會比較重要。』黃道輝講



『阿…阿輝…』依玟已經流出眼淚…

『點解妳要咁傻呢…依玟。』黃道輝慢慢行去依玟到…捉住佢雙手…

依玟即刻投入黃道輝既懷抱…

『我…我係傻…』依玟喊完講『如…如果我無鍾意你…
如…如果我同你無成為兄妹…呢一切…就…就唔會咁困難…』

黃道輝無講到野…只係微微一笑…
呢個感覺,令我聯想起阿彥…

芷螢無講錯…黃道輝的確係一個值得相信既人…

『家…家蔚…』依玟望住我『表…表演個…個度…真係對唔住…』



「已經…過去左。」我笑一笑「反正…我地仲有機會嬴嫁嘛…係咪?」

『我地出去囉,家蔚。』冰瑤拍一拍我
『唔好阻住佢地兩個…而且…係時候要交還兇手小姐。』

「嗯。」我點點頭

副主席「哼」一聲,但佢而家已經係強弩之末,乜都做唔到。

係神奇女俠冰瑤既努力之下,兇手事件圓滿結束。
 
無論以任何既角度黎講
呢件事都可以話係圓滿解決…除左…



「如果…個兇手係之後爆返阿強掂毒品件事…咪會害左佢地囉…」

『聽家蔚咁講,阿強佢地的確係有錯,有錯就預左會有呢d懲罰,
但佢地唔同家蔚妳…妳係無辜的。而且兇手小姐咁講,只會加重左佢既罪。』

「嗯…」咁的確,所有野都已經解決左「真係估唔到冰瑤妳…會專潛入呢到幫我…」

『呵呵,我專登請左日假嫁。』冰瑤笑住講『仲要買呢套衫。』拉一拉佢件體育衫。

「都幾襯呀…」我笑一笑

『係呢,家蔚比賽成點?啦啦隊以外既比賽。』

「無…」我dup低頭「無哂啦…」



『我仲以為妳曾經係男仔…所以...』

「知啦知啦!我知我而家無用啦!」做乜個個都咁講嫁!

『小瑤!?』隔離突然傳黎樂宜把聲…

『hi,樂宜。』冰瑤從容咁打招呼

『點解妳會係到嫁?』樂宜好驚訝

『呵呵。』冰瑤笑一笑『long story,遲下再同返妳解釋,我要走先啦。』

「下?留多陣啦?睇黎典禮先…」

『捉兇手個陣其實d老師已經懷疑嫁啦。』冰瑤向我單眼『費時比人識穿啦。』



「嗯…咁…聽日見啦…」

之後,我同樂宜兩個觀賞下面既親子競技...

「係呢…呢兩日...紫晴個邊無野呀嘛?」我問樂宜

『哈!有我更係無野啦!』樂宜挺起胸膛咁講『佢而家同芷螢一齊。』

「嗯...咁就好...」

樓下既親子競技…咁岩就係二人三足…

『家蔚妳記唔記得上年陸運會?』樂宜突然提起『我叫你黎個次…』

「嗯…當然記得。就係玩更呢個遊戲…
我記得我地跑得超快…隔離隊根本唔係我地對手。」

『嘻嘻…』

『小蔚!』隔離傳黎阿彥既聲音『終於搵到妳啦…』

「阿彥!」

『二人三足,係時候落去準備啦…』阿彥講

我望一望樂宜…佢向我笑一笑『去啦,遲到就會取消資格嫁啦!』

上年既陸運會,係我同樂宜二人三足…或者個陣…令到樂宜決定左一件事…
但今年…就係我同阿彥二人三足…呢個…亦都堅定左一件事…

我勾住阿彥隻手…「行囉!阿彥!」向佢笑一笑

我地都成長左…再唔係之前既我地…
 
 
同100米一樣,我地又係第一組,而家我同阿彥平排企係到…
我又開始緊張起黎,呀...比岩岩啦啦隊表演前更緊張!

「正…正常呢…應該係我綁定係阿彥綁嫁?」我拎住條繩,相當擔張…

如果係我綁呢…我一定緊張到綁唔實…
如果係阿彥綁呢…我一定會腳仔軟…呀呀呀…點算好呀…

『正常呢…』阿彥笑一笑『應該係有人會幫我地綁。』

「喔!」

阿彥講得無錯,過左陣就有個女學生黎幫我地綁。

我完全真係諗得太多啦!

時間過得好快,我同阿彥而家係起跑線到準備…
為左表現我地係一對完美情侶!我今次一定要努力!

「阿彥!我地要加油呀!」我激勵阿彥

『嗯!小蔚。』

唔可以好似琴日一百米咁跑第五!衝呀呀呀!

*