191.


當我再次張開眼個陣,偽”子朗”已經除左內褲…
屬於”子朗”既重要部位,毫無保留咁呈現係我眼前…

如果係阿理屋企黑媽媽個次唔算既話,今次就係我四個月後第一次見到…

嘩…我真係可以掂下?
 


除左驚嘆…我而家搵唔到其他形容詞…
點講呢…嗯…

長長既…大大既…挺起而明顯生氣勃勃…
個形狀呢…同…同我之前個個有d唔同...

係咪因為角度問題呢,以前…點都係俯視…
但係而家…就係正面咁望…嗯…好微妙…

『之後點哦…家蔚…』我見到偽”子朗”都有d尷尬…



嗯…即使係迷暈綁住我個次
偽紫晴都係有著bra同內褲,但今次呢…嗯…

「之後呢…就…就係用手…前…前後咁套弄佢…」

『家蔚妳黎…?』偽”子朗”問

「我…我…」真係要掂?



『黎啦…家蔚…』偽”子朗”向前傾一傾,個個部位更加接近我『我自己唔識哦…』

我開始真係覺得,偽”子朗”只係扮野…想套我入局…
但…但係…

如果而家先唔繼續…就阻止唔到偽”子朗”之後想做既野…
我…我要留住最重要既野比阿彥呀…

我慢慢伸出手…但身體呢…都係同個度保持距離…

嘩…嘩…呀…要掂到啦…要掂到啦…

「呀呀呀…」最終,我隻左手掂到個個部位…

暖…暖暖既…仲…仲好硬…


呢個觸感…呢個感覺…呀…好懷念,真係好懷念…

『呀~』偽”子朗”發出舒服既輕嘆…

但難免又有d陌生…因為個度始終唔係屬於我既...

『家…家蔚…』偽”子朗”面紅紅『繼…繼續…哦…』

「我…黎啦…」我吞一吞口水,手開始慢慢…嗯…前後前後…咁…

罪惡感…開始浮現上心…但又有一種…異樣既感覺…興奮…
兩種交合埋一齊…好…奇怪。

『家蔚…嗯…呀…好…好舒服…』



「真…真係舒服?」成為女仔之後,我難免會有呢個疑問…

因為啦…曾經既經驗話比我聽,
女仔…真係舒服好多…同男仔既個度無得比…

『同自己整…好唔同!』偽”子朗”講『就好似自己搔格甩底同人地搔…根本兩回事…!』

「下!?自己整?即係妳自己一早已經試過!?」

果然!偽”子朗”只係扮傻!

「妳扮野!」我即刻放開手

『係哦…』偽”子朗”笑一笑『但我見到家蔚都幾享受嘛…』



「邊…邊會享受喎!核突!變態!」我即刻反應…

點會享受喎…係咪先!個個觸感!個個溫度!
但...但點解…我有d意猶未盡...既?
 
『即…即係唔繼續啦?家蔚?』偽”子朗”唔多開心咁問

「既然妳自己都識!點解要我幫妳喎!」

『繼續啦…家蔚…』偽”子朗”再講

「妳自己入廁所解決啦!」

雖然係有d意猶未盡,但我先唔會比偽”子朗”任意妄為呀…



『咁我去搵紫晴。』偽”子朗”褲都唔著返就打算爬落床…

「咪住呀!」我今次拉住佢件衫。

『已經去到呢步,我先唔會比佢停哦。』偽”子朗”笑一笑

「可…可惡…!!!」

如果佢唔係”子朗”既身體,我一定會用腳踢佢重要部位!
踢到佢訓低!踢到佢大嗌!踢到佢受傷!

但…但係無辦法…

呢個威脅…比副主席既假裸照更加危險呀!

我再次伸出左手…嗚...嗚嗚嗚...

『但我今次唔想家蔚用手哦。』偽”子朗”向我單一單眼

「下?」又想點呀?

要.用.口。』

「妳去死啦!」我用力一腳,雖然踩唔中重要部位,

『呀~點解哦…呀!!』但從偽”子朗”既表情睇得出,佢大脾應該幾痛。

但我無理佢,即刻衝去”紫晴”房,
係佢訓到朦朦朧朧既情況之下幫佢換好衫,格硬拖佢落去食早餐。

*

『點…點解既?家蔚?』係餐廳到,”紫晴”問我

「我要同你講一件好重要既事,子朗。」我下定決心。

偽"子朗"呢件事有必要話比佢知。
 
*