192.


『唔怪得…家姐…會變成咁。』”紫晴”聽完之後,有少少驚咁講

「無錯,佢而家係高度…嗯…危險人物。」會見女就上!

原本女仔個陣,已經係高級既痴女…而家…成為左男仔…
危險程度直程係提升二千倍呀!



『咁…咁我之後應該點?』”紫晴”擔心咁問

「之後?」

『而家呢個家姐…換衫個陣…嗯…又會…』”紫晴”好尷尬『幫我沖涼個陣…嗯…又會…』

我大概明白”紫晴”既「又會」係表達更乜,
偽”子朗”睇黎一早令佢留下左陰影…

但到底係咪陰影呢,又好微妙喎…



「嗯…我諗呢段時間子朗你不如住係我屋企啦。」我提議

『家蔚屋企?唔係幾好既,我係男仔…』

「呵呵,唔會啦,完全無所謂呀,而且你而家都唔完全係男仔。」

『嗯…咁又係。』

一於迫堂姐訓廳,呵呵。



「食埋野就帶妳上去啦…衫褲個d我有嫁啦。」

“紫晴”點點頭。

You are the best thing that's ever been mine…電話響起…

『喂…家蔚哦…』係偽”子朗”

「哼,」我表示不滿「妳隻腳無事嘛?跛左未?」

『家姐?』”紫晴”問,我點點頭。

『我隻腳係要用黎陪家蔚一直走下去嫁嘛…點會比佢有事哦。』偽”子朗”講



「邊個同妳走下去?」我講「我唔會忘記妳岩岩想做既野嫁!」

要我用口呀!用口幫佢…嗯…個度發洩呀!邊個會原諒佢呀?

『家蔚只係傲嬌姐,我明既哦。』

「我先唔係傲嬌!」

『而且哦,家蔚遲下一定會變得主動既』偽”子朗”好有信心咁講『為左報答我。』

「下?」我呆左「妳發夢!而且我做乜要報答妳?」

『唔知呢,呵呵。』偽”子朗”笑道『咁拜拜啦。』

「係啦!我要帶子朗返我屋企訓,我自己都係,拜拜!」我好急講完即刻收線「哼!」



要報答佢喎?佢都傻既!
報答佢用震蛋震我呀?定係報答佢比我用手掂佢個度呀?
 
放低電話唔洗一秒,又即刻響起 You made a rebel…
唔通偽”子朗”聽完最後個句就打返黎?

「喂!?」因為我以為係偽”子朗”,所以語氣好差。

『家蔚?』點知係冰瑤。

「呀…對唔住,冰瑤。」我即刻道歉。

『呵,家蔚好似唔多開心咁喎。』冰瑤笑笑口咁講



「無事呀…嗯。」除左差d比人破處之外,真係無事嫁。

『我打黎係驚家蔚唔記得今日約左我姐。』冰瑤講

「喔…」真係差d唔記得「點會唔記得呢…哈哈…」

『嗯,咁兩點見啦,記住帶埋條頸鏈。』

兩點…我望一望時間,已經十二點…
收左線之後,我急急食完野,就帶”紫晴”返屋企…

「當自己屋企得嫁啦,子朗。」開門之前,我同”紫晴”講。

『嗯。』



一打開門,眼前既係芷螢同堂姐,佢地食更野。

『咦?堂妹?咁錯盪呀?』堂姐邊食野邊問。

「呢到係我屋企黎嫁。」我好無奈

『咦!』堂姐彈起身,雙眼發光『又有個咁靚既女仔既!』

「佢…佢叫紫晴呀。」我同堂姐介紹,紫晴向堂姐點點頭「佢…」

『係咪又要係到住呢?』堂姐笑笑口咁問

「點解會知嫁?」我好驚訝

『呵呵,我既好堂妹諗乜我都會唔知呢。』

「哼!又係到懶叻。」我同堂姐講「即係…堂姐妳肯?」

『點會唔肯喎!咁靚咁可愛既女仔!我無任歡迎啦!』

估唔到會咁順利?

『嘿嘿,可以同咁靚既女仔一齊沖涼一齊訓喎,點會唔肯呢?』

…定其實我眼前只係另一個偽紫晴呢?

所以,我就留低”紫晴”係屋企 (堂姐『我要同紫晴傾下密計!』紫晴『下?』)
之後帶芷螢去搵冰瑤…

岩岩電話到又唔記得同冰瑤講偽紫晴返生件事…一陣一定要…
係老麥,冰瑤優閒地交叉腳坐係到飲住杯咖啡…

「喂冰瑤!」我坐低之後同佢打招呼。

『家蔚,芷螢。』冰瑤放低杯咖啡。

「係啦我有樣野要同冰瑤講呀!」我身體向前傾…

『我都有。』冰瑤舉起手阻止我『不過要等多個人,佢買更野。』

下?

然後…

『咖啡多奶少甜。』有個人放低左杯咖啡…係男仔…

偽”子朗”。
 
「係妳!?」我即刻彈起身

『唔洗咁激動哦。』偽”子朗”講,之後遞另一杯咖啡比我『我有買埋家蔚妳份嫁。』

「呀…多謝。」我接過佢杯咖啡
「唔係呢個問題呀!!而且我先唔飲妳比我既任何野飲!」

個次見過鬼仲唔怕黑咩!

『車~』偽”子朗”坐低。

對於我同偽”子朗”既互動,芷螢係一臉疑惑,相反冰瑤就睇得相當高興。