196.


我感覺只係岩岩訓落床,就比人叫醒左咁。

『起身啦,再唔係我玩妳個胸嫁。』堂姐既聲音講

「我…我個胸…係…係比阿彥玩嫁…」我訓到朦朦朧朧咁回應

『呀!訓教都掛住男仔!堂妹你壞啦!!』



「妳…嗯…理得我喎…呀?呀呀?」突然傳黎觸電既感覺...

堂姐真係搓我個胸!

「夠啦喎!」我即刻彈起身,做出保護自己既姿勢

仲諗住成功脫離左偽”子朗”既魔掌(J),點知自己屋企都唔安全!

『婚禮好重要嫁!』堂姐講,keep住十指琴魔既姿勢『芷螢同樂宜一早起左身啦!』



「知啦知啦!」我唔多高興咁爬落床

真係要認真考慮下搬返去紫晴屋企住,反正偽”子朗”唔係香港!
 
行出廳,我見到芷螢食更多士。

「咦?紫晴呢?」我問堂姐,正路”紫晴”應該訓更梳化…

『我今日好早醒左,怕之後會嘈到佢所以叫左佢入房訓。』堂姐講



「妳無對人做乜野奇怪野掛?」堂姐係我心目中既級別已經跌到接近偽紫晴級。

『蝦!?你咁睇你個好堂姐嫁!?』堂姐叉起腰

「妳岩岩先搓我個胸!」我還擊

『唔搓唔大嫁!』「而家唔夠大咩!」

『咁…咁搓細囉!』「黑心呀!」

門鐘響起阻止左我同堂姐既爭辯,係樂宜。

『早晨,柔姐姐,家蔚,芷螢。』樂宜一入屋就講



我始終唔係咁習慣咁聽話既樂宜,不過佢係其他人面前本來就係一個乖女…

只係對我…好唔同。

『早晨呀樂宜妹妹!』堂姐講『食左早餐未呀?』

『嗯,係屋企食左。』樂宜講

「其實我地都未知今日既行程。」樂宜坐低之後,我問堂姐

『啦~首先我地會去新娘屋企。』堂姐講,之後係台到拎起一張紙『呢個係時間表。』

我拎起手睇,時間表本身幾清晰,麻煩既係旁邊既細節,好彩我當初唔洗幫手姐。

之後,堂姐就簡單講完個流程(其實同個張紙既時間表無乜分別。)


等我食埋塊多士,四行人就出發,留返訓更教既”紫晴”一個看屋。

『遊戲呀…要做乜做乜呀…上到去其他姐妹會同妳地講。』的士上面,堂姐再講
『所以妳地基本上唔洗擔心,最重要係帶動到氣氛。』

帶動氣氛呢樣野,我一d都唔拿手,
我相信芷螢都係…即係我地呢邊得返堂姐同樂宜

如果阿kay係到就好,成個氣氛一定會好高漲。

去到新娘屋企,開門既係一個同堂姐差唔多大既啡髮女仔,右邊一大札卷髮係佢既特徵。

『早晨!阿欣!』堂姐講『cherry個度準備成點呀?』

阿欣…我記得上次堂姐醉左有提佢個名,而cherry就係新娘子既英文名。



『仲上更呀…』阿欣一路開門一路講『小柔妳知佢好貪靚嫁啦。』

入到屋,我見到另外有兩個女仔(一個仲要外國人)坐係梳化到訓著左。

『介紹下先,呢個係我堂妹,』堂姐指住我

『嘩…真係好鬼靚女呀!?』阿欣一望到我,即刻好激動咁講

『係呢係呢,做得我堂妹一定有返咁上下既。』堂姐自豪咁講

「過…過獎啦…」比人咁讚始終有d唔習慣。

『胸仲要大過妳喎!小柔!』



原本仲挺起胸膛既堂姐,同隔離表現唔多自在既樂宜,一聽完都即刻灰左。
 
『至於呢個…係我堂妹家蔚既表妹同朋友…』灰左既堂姐,繼續介紹

『妳地好呀…我叫阿欣,同小柔由中學識到而家嫁啦!』

『妳好。』我地三個同時講。

樂宜同芷螢都唔多自在,睇黎唔多習慣呢種場面。

『至於個度訓更教既兩個呢,就係lily同mandy。』阿欣講

其實邊個係lily邊個mandy,就唔太清楚,不過一陣就會知道既。

『要妳地黎唔好意思呀…』阿欣講『因為…』

『佢地知道原因嫁啦。』堂姐講『我已經同佢地講左…』

『喔,咁妳地先換衫之後坐陣,新郎佢地起馬要一個鐘之後先到。』

『啦!』堂姐拎起件禮服『堂妹你件33D禮服呀!』

「做乜!咁強調33D喎!」我不滿咁講

『哼!』交比我之後堂姐一個人走左入去洗手間換。

『哈哈,小柔係咁嫁啦,不過佢係扮嬲姐。』阿欣笑住講

「我當然知啦。」學埋樂宜D衰野!

果然,堂姐出黎之後就回復原狀。

『嘩!真係好好睇呀,係咪呀,阿欣,係咪呀?』

『嗯,我著得好睇D囉。』阿欣講

『車!肯定我好D,一陣問Lily佢地!』堂姐不服氣

係呢個時候,樂宜就拉左我同芷螢入洗手間。

關埋門之後,樂宜開聲『我相信呢件野要有人幫手先著到。』

『我認同。』芷螢講

「下?咁堂姐點解一個人著到?」我好疑惑

『級數唔同囉!死蠢!』樂宜講,芷螢係旁邊點頭

所以我地三個就互助咁著完件禮服,果然呢件野係唔容易著...
好彩呢個洗手間比我屋企個個大好多,所以完全容納到我地三個。

出到去,堂姐同阿欣係到討論更d兄弟,

『其實大部份妳都識嫁啦,小柔,所以妳死心啦。』阿欣講

『一定有一兩個唔識既,我要賭係個d身上。』堂姐講

『係呢,妳地有無男朋友呀?』阿欣一見到我地就問

『我…無。』樂宜講,芷螢就只係搖搖頭。

然後阿欣望住我…話自己有男朋友呢個感覺真係有d奇怪…正當我打算開聲…

『我堂妹呀…起馬有三個以上既男朋友!』堂姐同阿欣講

「妳咪亂講呀!邊有三個呀!一個咋!一個咋!」我連忙解釋

『哈哈,小柔妳堂妹好有趣呀!』阿欣大笑『有男朋友就可惜啦,
一陣黎既有d係好野黎嫁,等我之後介紹比妳地識呀…』

我就唔會有興趣嫁啦,芷螢都係…但係樂宜…
我始終未想像到…樂宜如果有男朋友…我指既係真正既男朋友…之後會點。
 
『唔係咁好既…』樂宜有d尷尬咁講『年紀差咁多。』

『點會呢,大多幾歲先有安全感呀!』阿欣講

『我…我都係鍾意同年紀既。』樂宜再講,芷螢又係隔離點頭

『佢地仲細係唔明嫁啦,阿欣。』堂姐講

妳而家好大咩!

『係呢,家蔚,妳有無妳同男朋友既合照?』阿欣好奇咁問

「下?」阿欣突然問令我不知所措

『佢好衰嫁!收收埋埋,我想見下都無得見!』堂姐講

講起上黎,我同阿彥既合照...
好似...真係無?

連個次去宿營,都無影到一張合照...只係影左食物同風景…

點講呢,就好似我地兩個本身都無呢個意識咁…
女仔…真正既女仔呢…係好鍾意係唔同既情況地點都同男朋友留低合照既…

當係紀念,當係紀錄,乜都好…
但我…就未有呢個意識,未有…

失敗呀!陳家蔚!失敗!

「我…無…」我dup低頭…

『妳點會無呀!收收埋埋!』堂姐講

嗚…下次…點都要影…如果可以既,我真係想即刻叫阿彥黎我身邊影!
但今日唔得…佢要返工…

失敗失敗失敗!好失敗呀呀呀!

『咦,人到齊啦?』後面突然傳黎另一把女聲

我地另轉頭,眼前係一個相當靚既女仔,新娘cherry。

『cherry!嘩!』堂姐彈起身『好得呀!』

原本訓係到既兩個人都比堂姐嘈醒左,之後都開始讚嘆新娘(其中一個用英文)

『阿ken就好啦!有個咁靚既老婆!』堂姐繼續講

Cherry每次聽讚美既說話都只係優雅咁笑一笑,非常之有氣質
嗯,我就唔同,一比人讚就會緊張,睇黎我要多多向cherry學習。