202.


但令我意外既係,

『家蔚。』鐵閘外面既”紫晴”尷尬咁dup低頭『我留低左鎖匙係呢到…』

唔洗兩個鐘,就再見返”紫晴”。
 
但我第一樣做既野唔係開門,而且另轉身,


係”紫晴”個袋到拎起條鎖匙,之後收埋係我自己個褲袋到。

『家蔚!唔好呀!』”紫晴”望住我呢一連串動作之後講

「唔好!?」之後我先打開門「說好的拒絕呢?」

『妳唔明。』”紫晴”入門口之後講

「點會唔明喎!你知唔知你岩岩做更乜呀!你對唔對得住家姐呀!」



『家姐!』”紫晴”大嗌『就係家姐自私先會攪成我而家咁!』

「下?」

『如果佢唔係希望做男仔都唔會搵正我黎攪!』”紫晴”怨恨地講

「你…子朗…你家姐佢…佢都唔想…只係…禁唔起誘惑…」

『咁而家咪好囉!』”紫晴”望住我『我…我如果繼續做女仔,
就可以同小芝一齊…佢都可以繼續做佢既男仔…同個個唔知邊個一齊…』



啪!

我…忍唔住…一把打落”紫晴”到…

「你太令我失望啦!子朗!」我大聲咁講
「你家姐佢係努力搵更辦法回復原狀嫁!你係應該支持佢嫁!」

無錯…”子朗”一直都好努力…希望可以回復原狀…個次跳舞已經係…
而且,雖然佢自己無講過,但係偽”子朗”都話只要見到我…就會好容易變得迷亂…

咁即係”子朗”都一樣,佢只係一直忍耐…一直默默忍耐…

嗚…



「你實在太唔明白你家姐啦!」眼淚…又開始流出黎「大白痴!」

『我…我係唔明…』”紫晴”講『我而家只係明白…如果我放棄左呢次機會…』

佢係我褲袋到,搶返佢條鎖匙。

「呀…可惡呀!衰人!」佢緊緊握係手到,唔肯放開...

如果佢唔係紫晴既樣,紫晴既身體,我…我一定會狠狠抓佢…打佢…

『放棄左呢個同小芝一齊既機會…我一定會後悔嫁!』”紫晴”慢慢向後行…

然後…

『我…我決定要做女仔…永遠永遠…用家姐,紫晴既身份!』”紫晴”大嗌…



之後就跑左去…

我…無能為力…阻止唔到佢…只係跪左係到…

『媽…家蔚!』芷螢都跪係我旁邊…想安慰我…

喊…只可以喊…

原本係為左可以令”紫晴”有動力做返男仔…
估唔到適得其反…而家”紫晴”只想用紫晴既身份生活落去…

錯哂…

完全…錯哂…


 
*
 
『我要做女仔啦!』”紫晴”好認真咁同我講,之後攬住隔離既阿芝…

『阿晴…』阿芝晴深深咁望住”紫晴”

之後佢地兩個嘴對嘴…甚至黎一個我同阿彥都未試過既...成人接吻…

「唔…唔好呀…」我舉起手…但距離太遠…阻止唔到佢地

『小芝…唔好理佢啦,我地上.床.去.囉。』”紫晴”講

佢地隔離突然出現一張大床。



『嗯…阿…阿晴想點就點…』阿芝晴迷意亂咁講

『我記得呢…我家姐收埋左枝雙龍頭嫁,我地一齊玩囉。』”紫晴”笑住講

『阿晴…好衰嫁…咁大膽…』

兩個人手牽手跳上床…好開心咁用被單遮住佢地既身影…
之後…開始傳黎二人既嬌吟…

「點解會咁嫁…」唔好呀…唔好呀…

『家…家蔚…家蔚…』後面…傳黎”子朗”既聲音。

「紫…紫晴…」我另轉身,望住”子朗”…

佢望住床上面既二人…表情好驚慌…

『咁我點呀…我…我唔想留係呢個身體呀…』”子朗”講

「我…我會有辦法嫁…」

『家蔚…妳…妳只會令事情越黎越壞…』”子朗”眼淚開始流…

「唔…唔係嫁…我…我唔想…」後面既呻吟聲越黎越利害…

『嗚…比…比返個身體我呀…』”子朗”另轉身走人…

留低跪係到無能為力既我…

『你當初都係咁嫁咋。』隔離…阿kay企係到…居高臨下咁望住我

「我…我?」

『你當初…都係為左邦彥,而堅持做女仔。』阿kay講

「我…我做女仔…」

『而家你明白我地既感受啦,我同王樂宜。』阿kay恨恨地講

「妳…同樂宜既感受…」

『無能為力,只能眼白白睇住件事發生既感受。』阿kay講



『但傷得最深都係王樂宜…』阿kay搖搖頭,
『妳而家感受既,連佢既十份一都無呀。』之後就另轉身走左去…

「十份一…都無…?」我望住阿kay既身影慢慢消失…

『你同子朗紫晴,充其量只係朋友,好朋友既關係…』冰瑤蹲係我前面講
『但樂宜呢,睇住佢鍾意既人…為左第二個人而離開自己,甚至不惜捨棄原本既性別。』

個種感受,話係妳而家既十倍,唔係...就算百倍,都不為過。
 
*