208.


『捉…捉我黎做乜喎。』係商場無人既一角,”紫晴”問

「你明知故問!」

『我…我先唔知呀…無野講我返去啦…沙律…會凍嫁。』

「你到底想點呀!髮型又換左…又化妝!」



『我咪講過囉,我要做女仔嘛,用…用呢個身體。』”紫晴”唔自在咁講

「要我講幾多次...呢個身體唔係你嫁!」

『反正都唔可能換返去!』”紫晴”講『妳之前講過…要換返去...
最重要我同家姐都要有相同既信念…但而家…我已經返唔到去之前咁啦!』

「你咁樣就係任性…你知唔知你家姐知道你咁諗會點嫁…」



『我家姐佢…』

「一定接受唔到…接受唔到呀!」

『我會令佢接受…佢一定會好似我咁接受…』

「唔會…」

『肯定會!』”紫晴”都開始激動『只要搵到佢想搵既人…佢就會明白做男仔既好處…』



「個個人就係我。」

『下…?』”紫晴”難以置信咁望住我

「佢話係夢入面…見到既人…想一齊既人…就係我。」

『係家蔚妳…?』”紫晴”講『咁…咁仲簡單啦…只要…』

「無可能。」我搖搖頭「我同紫晴係無可能…而且…我已經有阿彥…」

『而家係咁姐…但係將來…』

「已經唔得,因為我好堅持…要你地交換過黎…」

從”紫晴”既反應,睇黎佢完全唔知道…”子朗”…發生左乜野事…



可惡…

『就算而家堅持…都唔代表…』”紫晴”仲係努力游說我…

「子朗…求下你…醒醒…唔好再任性…」

『就算妳唔肯…我…我都會幫家姐搵到第二個岩佢既…嗯,咁都得姐...』

「你家姐遇到車禍呀!」

『下?』”紫晴”愣住左『家蔚妳…乜…乜野車禍…』

「你家姐…之前話去左福建…之後…遇到車禍…」邊講,我隻手邊震…



『點…點會咁…』”紫晴”向後退左兩步『無…無可能…』

「仲…仲話可能過唔到呢兩日…」我又開始湧出淚水
「如果係咁…你就真係可以永遠用紫晴既身體啦…子朗…」

『…家姐…過…過唔到…?我…我唔信…』

「你答我,子朗,」我行前行幾步「呢個結果…你…係咪真係開心?」
 
『家…家姐真係遇到車禍?』”紫晴”無回答到我…只係唔敢相信個件事…

「琴日…有個電話打比我…係咁講…」而且對返個號碼...的確係福建醫院打黎...

『我唔信…唔信…唔信…咁…咁我…咪永遠…都係咁…』



「呢個…唔係正符合你要求咩?唔係咩?!」

『我…我無諗過會係咁…無…無呀…我…我…』”紫晴”臉開始泛白…
『就算我真係想繼續咁…我都無諗過家姐會…會…呀…』

“紫晴”雙腳無力坐左係到…

『唔好呀…家姐…唔好…嗚…』終於喊起出黎…

面對住咁既”紫晴”…我都責怪唔落去…
我只能夠做一件事…就係蹲係佢面前…同佢一齊喊…

放學,我打算跟”紫晴”返去佢屋企…因為...

「如果…紫晴有乜野事…你屋企人應該會知道。」



『嗯…』”紫晴”雙眼紅腫『我屋企人留左緊急電話…入到屋之後打比佢地…』

去到大門口,”紫晴”拎起佢條鎖匙準備開門。

「子朗…雖然我都知道好難改變你既心意…但係…為左你家姐…
亦都係當係為左你自己…你真係要認真考慮返自己同阿芝呢段感情…」

『家…家蔚…』”紫晴”握緊鎖匙,之後望住我

「我記得你之前同我講過兩樣野…一…阿芝係你想做返男仔既指標…目的…
二…就係你話過要令阿芝愛上男仔既你…」

『嗯…』

「即使而家阿芝真係les…亦唔代表佢將來唔會愛上男仔既你嫁嘛?」

『但…但咁樣好似好難…』

我其實好幾次都忍唔住…想將我件事講比子朗知,
我自己就係一個好有力既證據,由les (好似係) 轉返做正常 (好似係)…

「你預其花心思去改變我或者你家姐…不如改變你自己同阿芝仲好啦…係咪先?」

『咁…都岩…』”紫晴”dup低頭

「我真心相信啦…阿芝會比你…男仔既子朗,感動到既。」

『唔…但家姐個度…家姐個度…』”紫晴”又開始眼濕濕…

「如果…紫晴真係…涯唔過去…咁就無辦法...
但我深信…紫晴佢會無事…會吉人天相…」雖然我自己都覺得好無力…

但係…我真係希望…

『hi,係咪好掛住我呢?』一開門,一個既笑臉就出現係我地面前…

“子朗”…

「紫晴?」『家姐!』我同”紫晴”同時反應

『哈哈,呢次旅程真係好辛苦啦,不過我有買手信比妳地哦。』
偽”子朗”係佢後面拎左個大大既背包,睇黎真係有好多野…

點解...佢會係到嫁...唔係傷左咩...唔係就死咩?
咁...咁我同"紫晴"講既野...咪會變左...

『講大話…』我隔離…係”紫晴”怨恨既聲音…

「咪住…子朗…」你聽我解釋先啦.jpg

『妳地夾埋講大話!!!!!』邊講,”紫晴”就邊走左去…

『我…係咪返得唔合時?』偽”子朗”一臉不解咁望住我

我而家應該開心,定係應該爆粗呀?
 
"紫晴"逃跑之後,就得返我同"子朗"兩個,
面對呢個五分鐘前我仲為佢性命擔心既人,我基本上講唔出任何野。

『啊哈哈…唔好理佢啦…我真係買左好多手信比家蔚妳哦!』偽"子朗"終於打破沉默

「邊個得閒理手信呀!?」我發現我完全係怒火中燒

『睇完就明嫁啦…』

「個電話…話你撞車既電話…」

而家諗返…肯定…100%…

『嘛嘛…係我打黎玩下之嘛,估唔到家蔚咁認真又咁緊張哦…』偽"子朗"笑住講

絲毫無半點歉意…

可惡…

可惡呀!
陳家蔚你就係咁容易相信人!

偽紫晴人格係點你唔係一早知咩…?
點解仲會信呀!?

『果然…家蔚妳對我都係好好既哦…』

我…不自禁行去偽"子朗"面前…
原本以為…我會打佢…狠狠咁打…

但係…最後…我竟然…

攬實左佢…
緊緊地…

憤怒與放心…悲與喜…混和一齊…得出既結論…