220.


「Miss lee?」
 
『家蔚…呀,陳同學?』Miss lee瞪大眼望住我
 
「點解妳…」『點解妳…』我地再同時開口…「呀…」『啊。』
 
點解miss lee會係到嫁?


我另轉頭望一望堂姐,佢而家伏係台到,好似死左咁。
 
至於芷螢,佢就做個口型”開門先啦!”
 
『陳同學…係咪…唔方便?』Miss lee問
 
「唔係…點會呢?」所以我就幫miss lee開門。
 
一入屋…
 


『嘩…連芷螢同學都係到!』Miss lee驚訝咁講『我記得…』
 
「我倒杯水比miss lee妳…」我行入廚房,仲係唔知發生乜事。
 
無理由家訪呀…如果唔係家訪…堂姐咁大反應…
即係…miss lee係搵堂姐?
 
到我放低杯水『芷螢妳係…住係到?』miss lee問
 
『啊…』芷螢望一望我,睇黎係想係我到知道佢應該講真話定大話。


 
我又做個口型”妳鍾意~”
 
『係呀…我係到住。』芷螢最後咁答
 
『我記得妳個地址唔係寫呢到嫁喎…』miss lee講『妳同家蔚同學係乜關係?』
 
『呃…』對芷螢又係一個難題。
 
堂姐仲係將個頭伏係台到,完全唔係一個主人家應有既態度。
 
「親戚呀…佢係我堂妹。」我同miss lee講
 
『係…係呀!堂妹。』芷螢即刻和應
 


『我真係唔知喎!』miss lee講『唔怪得妳地學校到咁fd啦…』
 
「哈哈,係嫁…」
 
『咁小柔呢?小柔同妳地乜野關係?』miss lee指住伏係台上面既堂姐…
 
小柔?
 
「堂…佢係我堂姐。」小柔?小柔?
 
『哦…咁即係芷螢係佢妹妹?』miss lee再問
 
「唔係呀…唔係…老豆老母唔同既…」
 
『唔好再扮死啦!小柔!』miss lee終於睜住伏係台到既堂姐…


 
『係…係既…嗚…』堂姐發出悲嗚…
 
「miss lee…妳…妳識我堂姐?」
 
『可以咁講啦…』Miss lee好似有d為難咁講…『唔知應唔應該講…』
 
『唔好講呀!』堂姐彈起身
 
『點解喎…家蔚呀…』miss lee又唔記得加同學
 
「係…」
 
『我同小柔其實係情侶黎。』
 


時間暫停左十秒,呢十秒,我地都無出到聲…

然後…

『死啦…我唔應該係學生面前講呢D野…
一陣妳地有樣學樣點算呀?』miss lee雙手禁住塊臉,尷尬咁講,

『我唔承認呀!』企係到既堂姐接住大嗌

「下?」我望住堂姐,發現自己滴更冷汗,

『我唔承認,妳係我情侶!』堂姐指住miss lee講,

我個腦又開始混亂,miss lee識得堂姐…仲係情侶…即係…堂姐係les?



而家聯想返之前既事…堂姐一直都鍾意搵女仔同佢沖涼,
無論我,芷螢,定係”紫晴”,無一不歡。

「又唔係無可能喎…」我得出結論…

而就係因為呢個原因,佢飛左堂兄,可憐既堂兄。

『咩無可能!?』堂姐keep住用高聲度『我唔係les嫁!』

『小柔?』miss lee露出受傷既神情…『小柔?』

『乜野小柔,我只係妳師妹,無其他野。』堂姐向後退幾步,之後交叉腳坐係梳化到…

『原…原來就係咁!』miss lee變得眼濕濕『呢個就係妳返黎咁耐避我咁耐既原因!』

『係…係呀!』堂姐承認

『咁個晚呢?』miss lee再講『個晚既承諾呢?』

『我…我飲大左…乜都唔知。』堂姐講…

『明明個晚妳只係飲橙汁同梳打水!』

『我對梳打水有敏感嫁!』

呃…呢個情況有d不妙…
我望到隔離既芷螢都開始不知所措…我又乜都唔知所以幫唔到口…

嗯…不如走為上著?

「係啦…」我企起身「我約左芷螢出街呀…」
我決定解救埋芷螢「都係唔阻住妳地聚舊啦…」

出到去行一陣,等風頭火完左先叫芷螢返去…

我就去阿彥屋企…整曲奇,飲咖啡,Prefect池。

『嗯…嗯!』芷螢誇張咁點頭『都…都係時候囉…』

『嗯,我同親愛既小柔…』miss lee強調左小柔兩個字
『的確有d緊要野傾,妳地係到係唔太方便…』之後望住堂姐。

堂姐一聽到親愛的小柔五個字即刻打哂冷震…

『等…等陣先』堂姐彈起身『家蔚,我…我有d野比返妳呀…跟我入房!』

「下?」然後我,格硬比堂姐用蠻力拉左入房。
 
『你唔準走呀!』一關埋門堂姐就講,不過係細細聲

「點解喎?堂姐妳既事要自己解決…」

『解決唔到嫁!如果可以解決就唔會咁麻煩啦!』

「下?」

『總之…一定要有你地係到…唔係死硬!求下你啦!』堂姐講,睇黎認真咁…

死硬?唔會咁嚴重掛?

「呃…但…但我一陣真係唔得閒…約左阿彥喎…」

『拍拖之嘛!之後再約都得啦!』堂姐再講

「唔係拍拖啦!」我好認真「係去…去佢屋企嫁…」到我尷尬起黎。

『哼!即係唔幫我啦!係你迫我咋!如果唔留係到我就同阿彥講你曾經係男仔!』

咁絕?但係…

「阿彥佢一早知啦。」哼哼,威脅無效。

『下?』堂姐驚訝『佢知道都同你拍拖?到底佢有幾好呀?』

「妳理得佢呀…佢又唔係妳男朋友。」

『可惡…同…同uncle講!』

「下!妳自己答應左我唔講嫁喎!如果參加左婚禮…」

『我…我而家再多個要求姐!』

「哼!」到我嬲起上黎「反正老豆遲早都知!最多一鑊熟!」

為左上阿彥屋企,仲有驚喜,唔理得咁多!

『唔好啦!』堂姐見到我咁堅持開始無我辦法『求下你啦!』

堂姐將我件衫拉拉又扯扯…睇黎真係好想我留係到咁…

但係…

『一生既請求呀!家蔚!』

「到底…」攪邊科呀?

『如果快d攪掂既你都可以去阿彥屋企嫁…』

「…呃…唉!好啦好啦!」最後都係輸心軟。

『嗚…』堂姐水汪汪既雙眼望住我
『果然係我好堂妹!』之後塞個頭係我胸到轉黎轉去…

「夠…夠啦!」我扑佢個頭。

所以我唯有打比阿彥…同佢講遲d到。

『嗯…咁我等妳。』阿彥係電話到講

「我…我一定好快到!」

一收線,我又望住堂姐「咁到底係乜事呀?妳同miss lee。」

『唔得閒解釋啦!已經留左係到好耐!』堂姐講,好驚咁望住外面

「即係…」

『見步行步啦!』