221.


所以係乜都唔知既情況下,我同堂姐又行返出廳,
一行出去,見到miss lee拎住把大菜刀。
 
望住miss lee手上既大菜刀,我第一時間聯想起nice boat,
我仲以為我終於有呢一日,但諗真,對象唔係我。

而係…



『Oh, my lord…』堂姐呆住咁望住miss lee『holy shit…』

平時既堂姐,係對話到基本上唔會用兩個字以上既英文,
話係為左熟習返本地文化 (佢講既),但而家佢足足講左五個字。

然後…miss lee笑住行近我地…唔知點解…呢個笑容特別詭異…特別奇怪...

miss lee舉起把菜刀,『嘩!』隔離既堂姐即刻反射性遮住自己塊臉。
相反,我就呆左反應唔切。



唔好呀呀呀呀…

『妳地應該都未食野啦?』miss lee問

「下…下!?」未…未食野?

『我岩岩問芷螢食左野未,佢話未,
咁岩我又未喎…就打算煮野食啦。』miss lee笑住講『妳地不如食埋先出去?』



真係?
唔係要發生殺人事件咩?

『係呀…家蔚…』坐係到既芷螢望住我地講

咁…咁咋話?

之後,我講返我地唔出去件事 (哈...原來間店無開喎,所以都係唔出啦!),
然後就同芷螢坐係到睇miss lee既切菜,堂姐就係梳化上面縮埋一團。

『係咪好掂呢,我既刀工。』miss lee邊切菜邊講『即係妳地唔洗出去啦?』

「係…係呀…」但點解要係廳到切呢?

『嗯...咁無法啦!係啦…要解釋返我同小柔既關係先,


我地成為情侶之前呢,其實係英國一齊讀書。』

『正…正確d講…』堂姐口窒窒『係…係師姐師妹...only…』

『係既…』miss lee切野唔知點解大力左『師.姐.師.妹。』

「咁…咁之後呢?」個切菜板會唔會比miss lee切爛嫁?

『之後呢d就唔可以係到講啦…』miss lee笑一笑『呢d野妳地年紀唔應該知道。』

「哦…哦。」

『其實連我地係情侶呢點妳地都唔應該知…呀…我真係失敗!完全無做老師既自覺!』

「無…無所謂既…哈…哈哈…」miss lee切既菜就快變做菜碎。



『真係估唔到妳地三個係一齊住!真係好似姐妹咁!』miss lee感嘆咁講

「係…係嫁…咁…咁miss lee有無兄弟姐妹嫁?」

『有呀。』miss lee拎起舊肉開始切『有個妹妹,同妳同芷螢差唔多大。』

「咦係呀…哈哈…得閒真係要比我地識下啦…叫乜名嫁?」

『唔…』竟然要諗?『平時因為都係叫佢英文名…中文名…』

順帶一提,miss lee全名叫左李雅芬。

「慢慢啦…唔急既…」我望一望堂姐,佢而家就好似準備行刑既犯人咁。



『呀…叫做李雅芝!阿芝呀!』

呢個名,咁熟口面既?
 
聽到李雅芝呢個名,我越諗越唔對路,
唔會掛?唔會既…

『啊哈哈,我記得咁多學生名,偏偏自己個妹個名要諗咁耐喎!真係失敗!』

「佢應該唔係我地學校嫁可?」我嘗試問

『唔係呀…佢係附近個間女子學校讀…』中左第一點,聽"紫晴"講阿芝係讀女子學校。

「咁有乜喜好嫁?例如運動個d…」



『呃…佢唔鍾意運動嫁…平時都係我拉佢落去陪我跑步既…佢只係鍾意去圖書館。』

中埋第二點…

『不過呢!佢前排成日夜晚都唔係屋企喎!我懷疑佢識左男仔囉!』

呀呀呀呀呀!!!完全中哂!!!

「哈,哈哈,咁咪幾好囉,難得讀女校都識到男仔嘛…」雖然個個唔係男仔…(好似係)

到底les呢家野係咪受到家族影響呢?
家姐又係咁,細妹又係咁…

我望一望芷螢,就好似男變女會遺傳一樣...

『但佢咁細個,中學生不應該談戀愛嫁嘛。』miss lee講

「呃...」

『不過我都知道呢句係out嫁啦,妳同邦彥同學都拍更拖啦。』

「嗯…係…」我同阿彥拍拖呢件事的確係出哂面。

『最緊要無影響學業,』miss lee望住我『就快考試嫁啦,好快就知道。』

「係…係既。」講開又講,大下個星期就開始考試,考完就即刻放聖誕。

『啊,點解攪到好似係家訪咁既,今日原意唔係咁嫁。』miss lee望返住小柔

堂姐即刻轉去望窗『呀…今日天氣真係好,好適合野餐。』

『係呀…香港好難得有呢d天氣嫁…點似得我地係英國個陣喎。』

『呀…呀呀呀…』堂姐真係好似受盡折磨咁。

當miss lee切完菜行返入廚房之後,堂姐短暫鬆一口氣,

「妳到底攪乜呀?」我用miss lee聽唔到既聲音問堂姐

『解…解釋唔到…』堂姐講『佢拎把菜刀出黎分明就係向我示威!』

「下?雖然真係好奇怪姐…但堂姐妳會唔會諗咁多呀…」

『你唔明呢個人啦,堂弟!』堂姐認真咁講『唔好比佢老師呢個表面昆到呀!』

「但係…」

『係感情上面!佢好激進嫁!』

「激…激進?唔通真係拎把刀…」

堂姐捉實我雙肩…『佢會嫁…佢真係會嫁!』

『會乜呀…』miss lee拎住d飯菜行出廳,堂姐又回復正常…

『哈哈哈,話比堂妹知妳好會煮送,要向妳學習呀…』堂姐驚青咁講

『過獎啦…要試過先知。』miss lee呵呵咁笑

我聽到堂姐係隔離細細聲講”會唔會落左毒嫁…”

太誇張嫁啦!?
 
事實,miss lee當然無落毒,妳估係偽紫晴咩
就算係偽紫晴,都唔會落毒啦,最多係落安眠藥…姐…

不過堂姐都係相當有警惕性,佢堅持食白飯。
咁做完全係浪費,miss lee煮既送其實幾好味,比我水準更加好。

「d送好好味呀…miss lee!」我同miss lee講

『因為唔係同屋企人住,所以平時同妹妹食,d飯送都係自己煮…
而且係英國咁多年都習慣左自己煮飯啦…所以…』

「唔怪得啦…其實去外國真係唔錯…可以學識自立。」

『嗯,不過都幾寂寞嫁…始終朋友又要識過…又要見唔到家人,好彩有小柔咋...』

『咳咳咳!』堂姐嗆親。

所以我幫佢拍背。

『啊啦…無見咁耐小柔都係無變喎…真係辛苦妳地啦…家蔚,芷螢。』

「下?」

『要照顧我家既小柔囉。』

『我家既…!?』堂姐睜大眼『what the f...』

『小柔唔係嗆到咩?飲醋可以好返嫁。』miss lee眼睛閃過一道危險既光茫。

『無…無事…好正常…嗯。』

『試下碟炒菜呀…無落藥嫁。』miss lee再講

『呃…唔…呃…』

「試啦!」我細細聲同堂姐講「真係無野嫁!」

『有落你都唔係即刻知啦!』堂姐細細聲答

所以,堂姐比臉食左丁屎咁多之後,都係決定食白飯。